Skessuhorn - 27.01.2016, Blaðsíða 20
MIÐVIKUDAGUR 27. JANÚAR 201620
Mannamót markaðsstofa lands-
hlutanna fór fram í flugskýli Ernis
við Reykjavíkurflugvöll síðastliðinn
fimmtudag. Mannamót er árlegur
viðburður og er ætlað að vera vett-
vangur ferðaþjónustufyrirtækja á
landsbyggðinni til að kynna sig og
sína þjónustu fyrir ferðaskrifstofum
og fleiri ferðaþjónustuaðilum á höf-
uðborgarsvæðinu. Á Mannamóti
hittist því fólk alls staðar af land-
inu, kynnist hvert öðru og mynd-
ar tengsl. Rúmlega 30 fyrirtæki
af Vesturlandi tóku þátt í manna-
móti og var heill gangur sýning-
arinnar undirlagður fulltrúum fyr-
irtækja úr héraði, sem kynntu sína
vöru og þjónustu og kom á fram-
færi við annað fólk í þessum sama
geira. Skessuhorn tók nokkra ferða-
þjónustuaðila á Vesturlandi tali og
ræddi við þá um undanfarin ár og
komandi tíð. Óhætt er að segja að
ferðaþjónustufólk í landshlutanum
líti björtum augum til framtíðar.
Áskorun að taka á móti
vaxandi fjölda ferðafólks
„Okkur líst mjög vel á komandi ár,“
segja Sigrún Erla og Ólöf Eyjólfs-
dætur á Hótel Rjúkanda. „Ég held
að það séu góðir tímar framund-
an fyrir okkur sem og alla ferða-
þjónustu á Snæfellsnesi,“ segir Sig-
rún Erla „Við höfum orðið var-
ar við stöðuga fjölgun ferðamanna
á þeim tveimur árum sem hótelið
hefur verið starfrækt. Ef spámenn-
irnir eru þeir sem eru með hlutina á
hreinu verðum við væntanlega bara
á grænni grein á komandi ári,“ seg-
ir hún. „Sá tími sem við höfum haft
hótelið lokað er alltaf að styttast ár
frá ári,“ segir Ólöf og bætir því við
að að hótelið, kaffi- og veitingahús-
ið verði opnað aftur 1. febrúar næst-
komandi, fyrr en nokkru sinni áður.
„En þó við höfum verið með lokað
yfir veturinn höfum við alltaf tekið á
móti hópum, bæði í mat og gistingu.
Það er ekki bara skellt í lás þannig
að í raun og veru eru tiltölulega fáir
dagar sem er raunverulega lokað,“
segir Sigrún.
Eins og áður sagði telja þær bjarta
tíma framundan í ferðaþjónustunni
en leggja áherslu á að vanda þurfi til
verka til að hægt verði að taka á móti
vaxandi fjölda ferðamanna. „Stærsta
áskorunin sem ferðaþjónustufólk
stendur frammi fyrir og við verðum
að taka okkur saman um, öll ferða-
þjónustan, er að hugsa um hvernig
við ætlum að taka á móti öllu þessu
fólki og reyna að gera það eins vel
og við getum,“ segir Sigrún. „En við
bjóðum alla, Vestlendinga sem aðra,
velkomna á Hótel Rjúkanda í gist-
ingu, kaffi og mat,“ segja þær syst-
ur að lokum.
Alltaf næsta skref að
gera enn betur
Hótel Vogur á Fellsströnd í Dölum
var opnað fyrir rétt rúmum fjór-
um árum og þar hefur alla tíð ver-
ið heilsársopnun. „Fyrsti hópurinn
kom fyrir fjórum árum síðan og var
yfir áramót, í flottu rafmagnsleysi,“
segir Snorri Victor Gylfason fram-
kvæmdastjóri léttur í bragði. Síðan
þá segir hann fjölda gesta hafa vax-
ið jafnt og þétt ár frá ári. „Það gekk
ljómandi vel síðasta sumar og allt-
af nánast fullbókað. Við fylgjumst
grannt með umsögnum á booking.
com, TripAdvisor og slíkum síð-
um og sjáum á þeim að gestir okkar
eru ánægðir. Það veitir okkur mikla
gleði,“ segir Snorri og lítur björt-
um augum til framtíðar. „Mér sýn-
ist framtíðin vera björt. Við finn-
um vel fyrir vaxandi straumi ferða-
manna til landsins, stöðugt bætist í
og ég held við verðum að fara að
stækka fljótlega til að anna eftir-
spurn,“ segir hann og brosir.
Þrátt fyrir stöðugt aukna eftir-
spurn er Snorri ekki í vafa um að
ferðaþjónustan geti tekið á móti
auknum fjölda ferðamanna. „Mað-
ur bara bætir við sig og gerir bet-
ur. Það er alltaf næsta skref okkur
sem erum í þessu, að gera hlutina
enn betur.“
Hefur góða tilfinningu
fyrir árinu
Gunnar Garðarsson er matreiðslu-
maður og eigandi Bjargarsteins,
veitingastaðar sem opnaður var
í Grundarfirði síðsumars í fyrra.
Hann kveðst ánægður með hvernig
reksturinn hefur farið af stað. „Það
hefur gengið mjög vel, viðtökurnar
hafa verið fínar og sérstaklega hafa
heimamenn tekið okkur vel, þeir
eru duglegir að nýta sér það sem
við höfum upp á að bjóða,“ segir
hann. „Svo er stefnan auðvitað að
keyra inn á túrismann en það tekur
smá tíma. Staðurinn er dálítið fal-
inn í bænum, alveg niðri við sjáv-
arkambinn en að sama skapi með
frábært útsýni yfir Kirkjufellið.
Við erum að vinna í merkingum og
slíku þessa dagana,“ segir Gunnar.
Hann segist vænta góðs af kom-
andi ári. „Ég held að það sé stígandi
í þessu öllu saman, alveg sama hvert
litið er. Þeir sem gera vel þeir koma
til með að standa. Nóg er af ferða-
mönnum til að halda öllu uppi og
ég hef góða tilfinningu fyrir árinu,“
segir hann og bætir því við að al-
mennt ríki bjartsýni meðal ferða-
þjónustufólks á Vesturlandi. „Það
er alveg klárt mál að við erum bjart-
sýn. Það hefur verið gott hljóð í
fólki en það er ennþá betra núna og
virkilega gaman að fá að taka þátt í
þessu,“ segir hann.
Gríðarlega mörg tæki-
færi í ferðaþjónustu
„Ég er hér að kynna samstarf ferða-
þjónustuaðila á Snæfellsnesi. Sett
hefur verið saman heimasíða þar
sem hægt er að sjá öll þessi flottu
fyrirtæki sem við erum svo stolt
af og hvenær þau eru opin,“ seg-
ir Ragnhildur Sigurðardóttir, fram-
kvæmdastjóri Svæðisgarðsins Snæ-
fellsness. „Við fullyrðum að Snæ-
fellsnes er opið allt árið og menn
ætla að verða enn duglegri en áður
að vísa fólki á hvert annað þannig að
við getum haft fólk lengur hjá okk-
ur í einu. Ferðamaðurinn fær miklu
meira út úr því að stoppa í tvo til
þrjá daga en að vera bara einn,“ bæt-
ir hún við.
Einnig er Ragnhildur að kynna
verkefnið Sagnaseiður á Snæfells-
nesi, sem unnið er í Svæðisgarðin-
um. „Hópur fólks vinnur sem sögu-
fylgjur, sögulóðsar eða sögusagna-
þulir. Alltaf hafa verið sagðar sög-
ur á Snæfellsnesi en nú erum við að
reyna að auðvelda fólki að gera sér
mat úr og búa til atvinnutækifæri,“
segir hún og bætir því við að sveit-
arfélögin og ferðaþjónustan vinni
saman að þessu verkefni. „Í eig-
endaráði Svæðisgarðsins eru sveit-
arfélögin fimm, Ferðamálasam-
tök Snæfellsness, búnaðarfélögin á
svæðinu, Félag smábátaeigenda og
stéttarfélagið. Við horfum til inn-
viðanna og viljum efla samfélagið til
þess að geta tekið enn betur á móti
gestum.“
Ragnhildur segir liggja fyrir að
enn fleiri gestir muni sækja Snæ-
fellsnes heim á næsta ári en undan-
farin ár og horfir sérstaklega til vetr-
arferðamennsku. „Það hefur ver-
ið gríðarlegur fjöldi gesta á sumrin
en við viljum fá enn fleiri á veturna
og nýta alla þessa flottu uppbygg-
ingu. Ég held að tækifærin séu gríð-
arlega mörg í þessum geira og ef við
tryggjum gæði og vinnum saman þá
eru okkur allir vegir færir.“
Heimilislegt kaffihús og
persónuleg þjónusta
Á Hvanneyri hefur kaffihúsið
Skemman verið rekið undanfar-
in tvö sumur. Er það eina kaffihús-
ið í þorpinu. „Næsta sumar verður
þriðja sumarið okkar. Við opnum
1. júní og stefnum á að hafa opið
fram yfir verslunarmannahelgi.
Jafnframt ætlum við að brydda upp
á þeirri nýjung að hafa opið í há-
deginu. Boðið verður upp á súpur
þannig að hægt verður að koma og
fá hádegismat og eins verður hægt
að panta fyrir hópa,“ segir Rósa
Björk Sveinsdóttir.
Hún kveðst hæstánægð með
hvernig gengið hefur frá því
Skemman var opnuð. „Upphaflega
var þetta hálfgert samfélagsverk-
efni, þannig að tengslanetið var
bara í kringum okkur. Við auglýst-
um aðallega á Facebook og svo hef-
ur það bara verið af afspurn. Fólk
er mjög jákvætt, hefur vísað á okk-
ur og líkað vel. Okkur langar að
láta þetta vaxa áfram með þessum
hætti, svolítið organískt,“ segir hún
og kveðst hafa orðið vör við auk-
inn fjölda gesta, líkt og víðast hvar
í ferðaþjónustunni. „Síðasta sum-
ar fundum við fyrir mikilli fjölgun
frá fyrsta sumrinu áður, þó það hafi
farið fram úr okkar björtustu von-
um.“ Þrátt fyrir að Rósa eigi von á
því að gestum haldi áfram að fjölga
leggur hún áherslu á að Skemm-
an verði áfram heimilislegt kaffi-
hús sem veiti persónulega þjónustu.
„Við viljum geta þjónustað vel allt
fólk sem kemur þannig að við verð-
um kannski að passa okkur að þetta
springi ekki,“ segir hún og brosir.
Rósa telur eitthvað hafa vantað
á Hvanneyri sem ekki var beinlín-
is á vegum Landbúnaðarháskólans
eða sveitarfélagsins. Kaffihúsið hafi
því verið kærkomin viðbót og falli
vel inn í það sem er fyrir á staðn-
um. „Það sem er svo skemmtilegt
við Hvanneyri er að það eru marg-
ir litlir hlutir í gangi,“ segir hún og
hvetur fólk á ferð um Borgarfjörð
til að líta við í Skemmunni. „Það
eru allir velkomnir til okkar.“
Fólk er fyrr á ferðinni
og fleiri að bóka
Eins og Skessuhorn hefur áður
greint frá festu Eimskip á síðasta ári
kaup á Sæferðum í Stykkishólmi.
Nadine Walter, sölu- og markaðs-
stjóri Sæferða, segir breytt eign-
arhald ekki koma til með að hafa
nein áhrif á starfsemi fyrirtækisins.
„Við höldum nafninu og Sæferð-
ir munu starfa áfram sem sér fyr-
irtæki á sömu kennitölu og áður,“
segir Nadine. Eina breytingin sem
framundan er segir hún vera þá að
kvöldsigling Sæferða verði tekin af
dagskrá. „Hún fellur út vegna þess
að það hefur ekki verið mikil eftir-
spurn eftir henni. Þess í stað ætlum
við frekar að lengja síðdegisferðina
og hafa tvær stórar ferðir á dag og
eina styttri,“ segir Nadine en bæt-
ir því við að kvöldsiglingin verði að
sjálfsögðu áfram í boði fyrir hópa.
Nadine segist hafa orðið vör við
vaxandi eftirspurn eftir útsýnisferð-
um. „Bókanir fyrir næsta sumar fara
mjög vel af stað og eru töluvert fleiri
en á sama tíma í fyrra,“ segir hún.
Telur hún ástæðu þess tvíþætta.
„Ekki aðeins er fólk fyrr á ferðinni
en áður heldur eru einfaldlega fleiri
að bóka.“
Aðspurð kveðst Nadine ekki í
nokkrum vafa um að spá um fjölg-
un ferðamanna muni ganga eft-
ir og telur víst að viðurkenning Lo-
nely Planet muni skila sér í auknum
fjölda ferðamanna um Vesturland.
„Það eru ótrúlega margir sem fylgja
ferðahandbókum eins og þeim sem
Lonely Planet gefur út. Ísland er
mjög mikið í tísku í útlöndum um
þessar mundir,“ segir hún og von-
ast eftir skemmtilegu ári með vax-
andi fjölda ferðamanna. „Ég held að
allir munu njóta góðs af. „Trendið“
hjá ferðaskrifstofum er orðið þannig
Ferðaþjónustufólk horfir björtum augum til framtíðar
Sigrún Þormar í Snorrastofu ræðir við Ragnheiði
Elínu Árnadóttur, ráðherra ferðamála.
Áhugasamur gestur Mannamóts kynnir sér
starfsemi Ullarselsins á Hvanneyri.
Ljómalindarkonurnar Agnes Óskarsdóttir og
Eva Hlín Alfreðsdóttir klæddu sig upp fyrir
Mannamót.
Kári Viðarsson í Frystiklefanum, Þór Magnússon
á Gufuskálum og Rúna Björk Magnúsdóttir í
Langaholti.
Sigrún Erla og Ólöf Eyjólfsdætur á
Hótel Rjúkanda.
Snorri Victor Gylfason, matreiðslumað-
ur og framkvæmdastjóri á Hótel Vogi
á Fellsströnd, ásamt Gísla Auðunssyni,
kollega sínum úr Vestmannaeyjum.
Ragnhildur Sigurðardóttir,
framkvæmdastjóri Svæðisgarðsins
Snæfellsness, hvetur til aukinnar
vetrarferðamennsku.
Gunnar Garðarsson og Jóhanna
Guðbrandsdóttir á Bjargarsteini í
Grundarfirði.
Rósa Björk Sveinsdóttir kynnti
starfsemi kaffihússins Skemmunnar á
Hvanneyri.
Nadine Walter hjá Sæferðum sagði
engar breytingar á rekstri fyrirtækisins
fylgja nýju eignarhaldi.