Skessuhorn - 10.02.2016, Blaðsíða 2

MIÐVIKUDAGUR 10. FEBRÚAR 20162
Eftir bollu- og saltkjötsát undanfarinna
daga gætu hafa safnast upp afgangar
af kjöti, súpu og jafnvel dýrindis rjóma-
bollum. Matvælin kunna að liggja undir
skemmdum og ráð að bjarga þeim sem
fyrst. Það er ósiður að henda mat.
Útlit er fyrir suðaustanátt, víða 10-15 m/s
á morgun, fimmtudag. Snjókoma eða él
og hiti nálægt frostmarki en úrkomulítið
og frost 0-8 stig á Norður- og Norðaustur-
landi. Suðaustan og austan 8-13 m/s, eink-
um suðaustanlands á föstudag. Frost 0-8
stig en hiti 0-5 stig syðst á landinu. Aust-
anátt og bjart með köflum en él á Suð-
austurlandi og við suðurströndina á laug-
ardag. Frost 0-12 stig, kaldast í innsveit-
um norðanlands. Á sunnudag er útlit fyr-
ir austanátt og léttskýjað víðast hvar en
él syðst á landinu. Áfram kalt í veðri. Vax-
andi suðaustanátt með snjókomu og síðar
slyddu eða rigningu á mánudag, einkum
sunnan- og vestanlands. Hlýnandi veður.
Í síðustu viku var spurt á vef Skessuhorns:
„Hvern eftirtalinna daga heldur þú mest
upp á? Bolludag, sprengidag eða ösku-
dag.“ Flestir, eða 45,18% sögðu sprengi-
dag í uppáhaldi en næstflestir, 29,95%
héldu mest upp á bolludag. Öskudagur
er eftirlæti 17,43% þeirra sem svöruðu en
7,45% gátu ekki gert upp á milli daganna
þriggja.
Í næstu viku er spurt:
Hvað drekkurðu marga
kaffibolla á dag?
Úlfhildur Embla Ásgeirsdóttir úr Badmin-
tonfélagi Akraness hefur verið valin til
að keppa með U17 ára landsliði Íslands
á Evrópumeistaramótinu í Póllandi um
páskana. Úlfhildur er Vestlendingur vik-
unnar.
Til minnis
Veðurhorfur
Spurning
vikunnar
Vestlendingur
vikunnar
Breyttur
opnunartími
Ljómalindar
BORGARNES: Ljómalind
Sveitamarkaður við Brúartorg
í Borgarnesi hefur hnikað opn-
unartíma sínum lítillega til og
opnar nú fyrr á daginn. Til 30.
apríl næstkomandi verður opið
frá klukkan 12-17 en sumar-
opnun hefst 1. maí og verður
þá opið frá 10 til 18. Eftir sem
áður mun Ljómalind bjóða upp
á mikið úrval handverks- og
matvara sem framleiddar eru á
Vesturlandi.
– fréttatilkynning
Tilnefndur hjá
Hagþenki
HVANNEYRI: Bjarni Guð-
mundsson, forstöðumaður
Landbúnaðarsafns Íslands, var
í byrjun þessa mánaðar í hópi
fræðibókahöfunda sem til-
nefndir voru til viðurkenning-
ar Hagþenkis, félags höfunda
fræðirita og kennslugagna. Bók
Bjarna nefnist Íslenskir sláttu-
hættir. Í henni rekur Bjarni sögu
sláttuamboða og sláttuhátta
frá fyrstu öldum Íslandsbyggð-
ar. Hagþenkir hefur í þrjátíu ár
veitt viðurkenningu fyrir fræði-
rit, námsgögn eða aðra miðlun
fræðilegs efnis sem gefið er út
fyrir almenning. Viðurkenning
Hagþenkis verður veitt við há-
tíðlega athöfn í Þjóðarbókhlöð-
unni í byrjun mars og nema
verðlaunin einni milljón króna.
–mm
Sveitakeppnin
hafin
AKRANES: Félagar í Bridds-
félagi Akraness hófu aðalsveita-
keppni BA á fimmtudaginn í
liðinni viku. Sex sveitir taka þátt
og verður spilað næstu fjögur
fimmtudagskvöld til úrslita, ein
viðureign á kvöldi. Eftir fyrsta
kvöld er forysta formanns-
sveitarinnar nokkuð sannfær-
andi. Sveit Einars Guðmunds-
sonar hafði 24 stig gegn 4 stig-
um mótherja sinna. Með Ein-
ari spila Sigurgeir Sveinsson,
Magnús Magnússon og Leó Jó-
hannesson. Í öðru sæti með 19
stig er sveit Guðmundar Ólafs-
sonar með 19 stig, en ásamt
honum spila þeir Hallgrím-
ur Rögnvaldsson, Ingi Steinar
Gunnlaugsson og Ólafur Grét-
ar Ólafsson í sveitinni. -mm
Íþróttabandalag Akraness stend-
ur nú á sjötugu, en félagið varð til
3. febrúar árið 1946 við samein-
ingu Knattspyrnufélags Akraness
og Kára. Fyrsti formaður hins ný-
stofnaða íþróttabandalags var Þor-
geir Ibsen. Sama ár var íþróttahús-
ið við Laugarbraut tekið í notkun
og bætti það aðstöðu til íþróttaiðk-
unar til mikilla muna. Akurnesing-
ar unnu sinn fyrsta Íslandsmeistara-
titil einnig árið 1946, þegar 2. flokk-
ur karla í knattspyrnu vann fræk-
inn sigur á Íslandsmótinu. Á þeim
70 árum sem liðin eru frá stofnun
ÍA hefur íþróttastarfið á Akranesi
vaxið og dafnað. Aðildarfélögin eru
orðin 18 talsins með um 2.500 iðk-
endur. Íþróttamenn af Skaganum
hafa unnið til ótal verðlauna und-
ir merkjum félagsins í hinum ýmsu
íþróttagreinum. Félagið getur státað
sig af því að hafa átt Ólympíufara og
íþróttamenn ársins á Íslandi.
Þessum merku tímamótum hyggj-
ast aðildarfélög ÍA fagna með marg-
víslegum hætti á árinu.
kgk
ÍA fagnar 70 ára afmæli á þessu ári
ÍA sendi fyrst lið til þátttöku
í Íslandsmóti karla í knatt-
spyrnu á stofnárinu 1946.
Meðfylgjandi mynd af Helga
Daníelssyni markverði er þó
ögn yngri.
Grundarfjarðar-
bær vinnur nú að
stækkun sundlaug-
arinnar í Grund-
arfirði. Pottarn-
ir verða lagfærðir
ásamt því að nýrri
vaðlaug verð-
ur bætt við sem
og einum heitum
potti til viðbótar.
Einnig verður all-
ur hreinsibúnaður
laugarinnar end-
urnýjaður. Áætl-
uð verklok eru um
miðjan apríl. Það
verður því töluvert
bætt aðstaða þegar
sundlaugin verður
opnuð í vor.
tfk
Aðstaðan bætt við sundlaugina í Grundarfirði
Hér er búið að koma niður miðlunartanki fyrir vaðlaugina og heitu pottana.
Komin er fram þingsályktunartillaga
sem líkleg er, verði hún samþykkt,
gefi ferðamönnum kost á að fara í
róður með strandveiðibát, upplifa
sjóferð og allt það sem fram fer um
borð. Frá þessu er greint á vef Fiski-
frétta. Flutningsmenn tillögunnar
eru sex þingmenn Sjálfstæðisflokks-
ins og fyrst flutningsmaður er Guð-
laugur Þór Þórðarson. Í greinagerð
með tillögunni segir að hugmyndin
lúti að því að boðið verði upp á nýja
tegund afþreyingar fyrir ferðamenn
þar sem tveir af undirstöðuatvinnu-
vegum þjóðarinnar verði tengd-
ir saman, ferðaþjónusta og sjávarút-
vegur.
„Um yrði að ræða sérstaka tegund
ferðamennsku sem gerði ferðamönn-
um kleift að kynnast landi og þjóð
betur og upplifa og komast í návígi
við eiginlega atvinnustarfsemi hér
á landi. Ferðamennska af þessu tagi
getur styrkt dreifðari sjávarbyggðir
og opnað frekari möguleika til tekju-
öflunar,“ segir í greinagerðinni. Vilja
flutningsmenn að ríkisstjórn kanni
málið og undirbúi viðeigandi breyt-
ingar á lögum og reglum í samráði
við hagsmunaaðila og stofnanir eins
og til dæmis Landssamband smábáta-
eigenda, Samgöngustofu og Sam-
tök ferðaþjónustunnar. „Huga þarf
að ýmsum atriðum í þeirri vinnu, svo
sem leyfisveitingum, gjaldtöku og
öryggismálum. Rétt er að benda á að
nýjung sem þessi gæti byrjað sem til-
raunaverkefni til ákveðins tíma, t.d.
þriggja ára,“ segir í greinagerðinni.
kgk
Límtré Vírnet er í dag eitt af öflug-
ustu íslensku iðnfyrirtækjunum hér á
landi. Það er með fjórar starfsstöðv-
ar; á Flúðum, í Reykholti í Biskups-
tungum, Kópavogi og í Borgar-
nesi þar sem höfuðstöðvarnar eru.
Límtré Vírnet er í hópi 27 fyrirtækja
á Vesturlandi sem uppfylla skil-
yrði Creditinfo sem fyrirmyndar-
fyrirtæki, eins og kynnt var í síðustu
viku. Starfsstöðvar Límtré Vírnets
byggja á áratuga framleiðsluferlum
og liggja ræturnar bæði í Borgarnes
og á Suðurlandið. Lengst er sag-
an þó í Borgarnesi en síðastliðinn
föstudag voru einmitt rétt 60 ár síð-
an framleiðsla þar hófst, 5. febrúar
1956. Af því tilefni fengu starfsmenn
tertu, en að öðru leyti var lítið gert
úr afmælinu. mm
Sextíu ár frá því Vírnet hóf starfsemi
Þessa dagana vinna starfsmenn Eiríks J Ingólfssonar verktaka að því að klæða
framhlið bygginga Límtrés Vírnets við Borgarbraut í Borgarnesi.
Ferðamenn á strandveiðar í framtíðinni?
Strandveiðiafla landað í Grundarfjarðarhöfn. Mynd úr safni.

STYÐJUM
FRAMLEIÐSLU Á
VESTURLANDI

OPIÐ DAGLEGA
12-17

Ljómalind Sveitamarkaður, Brúartorgi 4, Borgarnesi.
Sími 437-1400. Netfang: ljomalind@ljomalind.is