Skessuhorn - 10.02.2016, Blaðsíða 6

MIÐVIKUDAGUR 10. FEBRÚAR 20166
Talsvet af óhöpp-
um í umferðinni
VESTURLAND: Ökumað-
ur, sem var á leiðinni í gegnum
umdæmi Lögreglunnar á Vest-
urlandi var síðastliðinn föstudag
tekinn grunaður um akstur undir
áhrifum kókaíns. Annar ökumað-
ur var tekinn á Akranesi grun-
aður um að aka undir áhrifum
kannabisefna. Þá var atvinnubíl-
stjóri tekinn í Borgarnesi, grun-
aður um ölvunarakstur. Þetta
var meðal verkefna lögreglunn-
ar, en fleira átti sér stað. Alls urðu
sjö umferðaróhöpp í umdæmi í
vikunni. Fullorðinn ökumaður
missti stjórn á jeppa sínum á Vest-
urlandsvegi skammt norðan við
Fiskilæk sl. föstudag. Fór jepp-
inn út af veginum en hélst á hjól-
unum og fór síðan upp á veginn
og þá í veg fyrir fólksbíl sem kom
úr gagnstæðri átt. Öryggisbelti
og líknarbelgir björguðu fólkinu
frá því að slasast mikið í þessum
harða árekstri. Voru ökumenn og
farþegar fluttir á sjúkrahúsið á
Akranesi til skoðunar en talið var
að um minniháttar meiðsl væri að
ræða. Bílarnir voru báðir mikið
skemmdir og óökufærir og voru
þeir fluttir á brott með krana-
bíl. Fimm franskir og sænskir
ferðamenn veltu jeppanum sín-
um á Snæfellsnesvegi skammt frá
Vegamótum sl. sunnudag. Fólk-
ið var í öryggisbeltum og slapp
með skrekkinn en bíllinn reynd-
ist óökufær og var fjarlægður af
kranabíl. Mikil hálka var á vett-
vangi. Sagt er frá fleiri óhöppum
á öðrum stað í blaðinu. -mm
KB mótaröðin
hefst um næstu
helgi
BORGARNES: Fyrsta mót KB
mótaraðarinnar verður haldið í
Faxaborg laugardaginn 13. febrú-
ar næstkomandi og hefst klukk-
an 10 (fyrr ef skráning verður
mikil). Keppt verður í fjórgangi
V2 í öllum flokkum. Keppt er í
barnaflokki, unglingaflokki, ung-
mennaflokki, 2. flokki, 1. flokki
og opnum flokki. –fréttatilk.
Þrjú verkefni
tilnefnd til
Eyrarrósar
LANDIÐ: Eyrarrósin er við-
urkenning sem veitt er fram-
úrskarandi menningarverkefni
á starfssvæði Byggðastofnunar.
Í ársbyrjun var tilkynnt hvaða
tíu verkefni prýða Eyrarrósar-
listann í ár. Það varð svo nið-
urstaða valnefndar Eyrarrósar-
innar 2016 að eftirfarandi þrjú
þeirra keppi til verðlaunanna:
Menningar- og fræðslusetrið
Eldheimar í Vestmannaeyjum,
alþjóðlega listahátíðin Ferskir
vindar, sem fram fer í Garði, og
Verksmiðjan á Hjalteyri, sem
er listamiðstöð með sýningar-
sali og gestavinnustofur í gam-
alli síldarverksmiðju Kveldúlfs
við Eyjafjörð. Hvert verkefn-
anna þriggja hlýtur peninga-
verðlaun og flugmiða frá Flug-
félagi Íslands. Það kemur svo í
ljós 18. febrúar næstkomandi
hvert þeirra hlýtur Eyrarrósina
2016. Þá afhendir Dorrit Mo-
ussaieff, forsetafrú og vernd-
ari Eyrarrósarinnar, verðlauna-
hafanum 1.650.000 krónur, við
hátíðlega athöfn í Frystiklefan-
um í Rifi, en hann er einmitt
handhafi verðlaunanna á síð-
asta ári.
-mm
Sakfelldur fyrir
líkamsárás
VESTURLAND: Karlmaður
var í Héraðsdómi Vesturlands
29. janúar síðastliðinn dæmdur
í þriggja mánaða fangelsi, skil-
orðsbundið til tveggja ára, fyr-
ir líkamsárás í tvö skipti gegn
sömu konunni. Maðurinn réð-
ist í fyrra skiptið gegn konunni
26. febrúar 2015 en hún var þá
þunguð, gengin 30 mánuði á
leið. Snéri maðurinn konuna
niður, sló hana og barði utan í
skáp. Í annað skipti að kvöldi 2.
júní sama ár réðist hann aftur
á konuna og voru þá tvö börn
vitni að árásinni. Tók hann
konuna m.a. kverkataki, snéri í
gólf og lamdi, dró hana á hári
eftir gólfinu og steig ofan á
hana. Manninum var gert að
greiða konunni 400 þúsund
krónur í miskabætur og hvoru
barni 100 þúsund í skaðabætur.
Auk þess var manninum gert
að greiða laun verjanda síns
og réttargæslumanns konunn-
ar ásamt ferðakostnaði, alls á
sjötta hundrað þúsund krónur.
-mm
Sakfelldur fyrir
nauðgun
VESTURLAND: Karlmað-
ur var í Héraðsdómi Vestur-
land með dómi sem kveðinn
var upp 5. febrúar síðastliðinn
dæmdur til tveggja ára fang-
elsisvistar og til greiðslu einn-
ar milljónar króna í miskabæt-
ur fyrir að hafa aðfararnótt 21.
desember 2014 nauðgað konu
á heimili hennar. Samkvæmt
því sem greint er frá og rök-
stutt í dómsorðum taldi dóm-
ari ekki efni til að skilorðsbinda
refsinguna. Maðurinn var jafn-
framt dæmdur til að greiða
útlagðan sakarkostnað, verj-
endalaun og laun réttargæslu-
manns, alls ríflega tvær millj-
ónir króna.
-mm
Creditinfo tilkynnti í síðustu viku
hvaða íslensk félög eru á lista
Framúrskarandi fyrirtækja fyrir
rekstrarárið 2015. Að þessu sinni
hljóta 682 fyrirtæki á landinu við-
urkenningu eða um 2% af öllum
skráðum fyrirtækjum á Íslandi. Af
þeim eru 27 fyrirtæki sem skráð
eru á Vesturlandi. Creditinfo hef-
ur birt lista framúrskarandi fyrir-
tækja frá árinu 2010 en þá voru
einungis 178 félög á listanum.
Framúrskarandi fyrirtækjum hef-
ur því fjölgað verulega sem er já-
kvætt fyrir atvinnulífið og sam-
félagið. Þessi fyrirtæki eiga það
sammerkt að sýna stöðugleika í
rekstri og skapa þannig sjálfbær
verðmæti fyrir hluthafa og fjár-
festa. Fyrirtækin byggja á sterk-
um stoðum og eru ekki líkleg til
að skapa kostnað fyrir samfélagið.
Það felast því mikil verðmæti í
þessum fyrirtækjum fyrir samfé-
lagið í heild sinni.
Þau félög sem fá viðurkenn-
ingu Creditinfo sem framúrskar-
andi þurfa að uppfylla viss skilyrði
er varða rekstur og stöðu þeirra.
Félögin þurfa að vera skráð hluta-
félög, hafa skilað ársreikningum
síðustu þriggja ára, einnig þurfa
líkur á alvarlegum vanskilum að
vera undir 0,5% og félögin þurfa
sýna fram á rekstrarhagnað síð-
ustu þriggja ára. Jafnframt þarf
eiginfjárhlutfall félaganna að vera
20% eða meira þrjú rekstrarár í
röð og eignir séu 80 milljónir eða
meira þrjú ár í röð.
Hjálagt er listi yfir þau 27 fyrir-
tæki sem hlutu viðurkenningar af
Vesturlandi og teljast samkvæmt
Creditinfo vera framúrskarandi á
sínu svæði. Á listanum er að finna
stór fyrirtæki, meðalstór og lítil.
Fyrirtækin eru mörg búin að vera
á listanum síðustu tvö ár en færri í
fleiri ár en það. Nokkur fyrirtæki
koma ný inn á lista. Tölvuþjón-
ustan Securstore á Akranesi er í
efsta sæti yfir lítil fyrirtæki.
mm
Framúrskarandi fyrirtæki á
Vesturlandi:
Akraborg ehf., Kalmansvöllum 6 á
Akranesi
Bjarmar ehf., Hólmaflöt 2 á Akra-
nesi
Búvangur ehf., Brúarlandi í Borg-
arbyggð
Eðalfiskur ehf., Sólbakka 4 í Borg-
arnesi
Elkem Ísland ehf., Grundartanga
í Hvalfjarðarsveit
Esjar ehf., Hraunási 13 á Hellis-
sandi
Fiskmarkaður Íslands hf., Norð-
urtanga Ólafsvík
Hópferðabílar Reynis Jóhanns-
sonar ehf., Jörundarholti 39 á
Akranesi
Hótel Borgarnes hf., Egilsgötu 16
í Borgarnesi
KG Fiskverkun ehf., Melnesi 1 á
Hellissandi
Laugaland hf., Laugalandi í Borg-
arbyggð.
Límtré Vírnet ehf., Borgarbraut
74 í Borgarnesi
Meitill ehf., Grundartanga í Hval-
fjarðarsveit
Nesver ehf., Háarifi 19 í Rifi
Norðanfiskur ehf., Vesturgötu 5 á
Akranesi
Norðurál Grundartanga í Hval-
fjarðarsveit
Runólfur Hallfreðsson ehf.,
Álmskógum 1 á Akranesi
Skaginn hf., Bakkatúni 26 á Akra-
nesi
Sorpurðun Vesturlands hf.,
Bjarnarbraut 8 í Borgarnesi
Steinunn hf., Ólafsvík
Straumnes ehf. rafverktakar,
Krókatúni 22-24 á Akranesi
Sæfell hf., Hafnargötu 9 Stykkis-
hólmi
Trésmiðja Guðmundar Friðriks-
sonar ehf., Furugrund 33 á Akra-
nesi
Tölvuþjónustan SecurStore ehf.,
Esjubraut 49 á Akranesi
Útgerðarfélagið Dvergur hf.,
Grundarbraut 26 í Ólafsvík
Útgerðarfélagið Guðmundur
ehf., Brautarholti 18 í Ólafsvík
Vatnsendabúið ehf., Vatnsenda í
Skorradal.
27 fyrirtæki á Vesturlandi á lista
yfir framúrskarandi fyrirtæki