Skessuhorn - 10.02.2016, Blaðsíða 14

MIÐVIKUDAGUR 10. FEBRÚAR 201614
„Því hefur oft verið fleygt fram að
Kirkjufell sé mest myndaða fjall
landsins. Ég gæti vel trúað því að
svo sé,“ segir Einar Guðmann,
ljósmyndari á Akureyri í samtali
við Skessuhorn. Um nokkurt skeið
hefur hann sýnt Kirkjufelli sérstak-
an áhuga og tekið margar myndir
af fjallinu. Einhverju sinni fór Ein-
ar að velta því fyrir sér hvers vegna
Kirkjufell væri jafn vinsælt mynd-
efni og raun ber vitni. Telur hann
að tiltekin ljósmynd leiki þar lykil-
hlutverk. Hún hafi vakið mikla at-
hygli, farið víða og komið fjallinu
á kortið á heimsvísu. „Það er ljós-
mynd sem Guðmundur Ó. Sig-
marsson á Hellissandi tók af fjall-
inu 9. júlí árið 2006. Er það elsta
myndin sem ég hef fundið sem
er tekin með fossinn í forgrunni
og fjallið í bakgrunni. Það sjón-
arhorn hefur síðan orðið svo vin-
sælt að menn koma langt að til að
taka myndir af Kirkjufellinu,“ seg-
ir hann.
Einar telur víst að ljósmyndir
eigi sinn þátt í þeim mikla fjölda
ferðamanna sem sótt hefur landið
heim á undanförnum árum. „Ljós-
myndir sýna túristanum hvað land-
ið hefur upp á að bjóða og eru þar
af leiðandi mikilvæg markaðssetn-
ing fyrir ferðaþjónustuna,“ segir
hann. „Stór hluti þess fjölda fólks
sem kemur hingað til lands eru
ljósmyndarar eða áhugaljósmynd-
arar. Enda sér maður að nánast
hver einasti ferðamaður sem hing-
að kemur er með flotta myndavél
meðferðis,“ bætir hann við.
Þegar Einar tekur myndir af
landslagi gerir hann það gjarnan í
ljósaskiptunum. Ástæðu þess seg-
ir hann einfalda. „Það er bara út af
birtunni. Þessir miklu litir sem við
náum stundum á mynd vara aðeins
í um tíu til fimmtán mínútur þeg-
ar sólin er að koma upp eða setj-
ast. Eftir það eru þeir horfnir. Sér-
staklega er sólarupprásin góð við
Kirkjufellið. En hún stendur stutt
yfir og þessir gylltu, fallegu litir
vara aðeins andartak,“ segir hann.
„En þá er bara að vakna snemma,
mæta á staðinn, stilla upp og bíða.
Þetta er þolinmæði sem veiðimenn
þekkja vel,“ segir Einar. „Að ná
góðri ljósmynd er ekki ósvipað því
að stunda veiði.“
kgk/ Ljósm. Einar Guðmann.
Kirkjufell er eitt mest myndaða fjall landsins
Telur fallegar ljósmyndir úr náttúrunni eiga stóran þátt í aukningu ferðamennsku hingað
Gylltu litirnir vara aðeins um 10 til 15 mínútur við sólarupprás og sólsetur. Ljósmyndun krefst því þolinmæði.
Mynd sem Gunnar Ó. Sigmarsson á Hellissandi tók af Kirkjufelli árið
2006. Fór hún eins og eldur í sinu um netheima og kom fjallinu á
kortið á heimsvísu. Síðan þá hefur fólk flykkst að um langan veg til
að smella af frá sama sjónarhorni.
Ljósm. Gunnar Ó. Sigmarsson.
Mynd eftir Einar frá sama sjónarhorni, með fossinn í forgrunni og
fjallið í bakgrunni.
Einar segir engar myndavélar geta séð myrkur og birtu á sama tíma með sama hætti og augu okkar
gera. Því þurfi að vinna myndirnar og það geri hann í Lightroom myndvinnsluforritinu.
Sama mynd eftir grunnbreytingar í Lightroom.
Gráu litina segir Einar einkennandi fyrir íslenskar sumarnætur.
Stutta stund verða litirnir frá sólinni mettaðir og hleypa lífi í steina,
mosa og grasið.