Skessuhorn - 10.02.2016, Blaðsíða 4
MIÐVIKUDAGUR 10. FEBRÚAR 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Magnús Þór Hafsteinsson mth@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Gullgröftur bílalánara
Landsmenn fylgdust af andagt með óförum bandaríska ferðamannsins Noel
sem kom hingað til lands nýverið, leigði sér bíl og ók af stað. Fyrsti við-
komustaður átti að vera Laugavegur í Reykjavík, en ekki vildi betur til en
svo að auka „r“ bættist í orðið þegar hann stimplaði áfangastaðinn í „plotter-
inn“ í bílnum. Ók hann því sem leið lá Reykjanesbrautina, í gegnum alla litlu
hreppana á höfuðborgarsvæðinu og hafnaði á Siglufirði, þar sem Laugarveg-
ur vissulega er. Ekki ósvipaða sögu heyrðum við nýlega úr Helgafellssveitinni
á Snæfellsnesi þar sem sagði frá því að ferðamenn skyldu ekkert í því að þeir
fundu ekki Almannagjá á Þingvöllum. Ég segi nú eins og maðurinn í Lund-
arreykjadalnum forðum sem þóttist nú aldeilis vera heimssigldur og sagði;
„Já, það er víðar England en í Kaupmannahöfn!“
Engu að síður má færa fyrir því rök að miklu skemmtilegra er að vera
ferðamaður á Siglufirði og í Helgafellssveit, heldur en í kraðakinu á hinum
stöðunum. Það er hins vegar allt önnur saga sem ekki verður farið nánar út í
hér. Það er hins vegar öruggt að örsögum af ferðamönnum á bílaleigubílum
á eftir að fjölga. Vonandi verða þær ekki alvarlegri en þessar, en vissulega er
hættan einmitt sú. Hér á síðunni til hægri er lítil frétt um þriggja bíla árekst-
ur sem varð í Kolbeinsstaðarhreppnum á sunnudaginn. Þar höfðu ferðamenn
stöðvað bíl sinn á veginum, vafalaust til að njóta útsýnisins, en uggðu ekki að
sér. Þar sem hálka var talsverð og stutt í næstu blindhæð áttu þeir sem komu
akandi að, óhægt um vik að koma í veg fyrir árekstur. Eins og segir í fréttinni
tókst ökumönnum að koma í veg fyrir að aka á bíl ferðafólksins, en þrír lentu
engu að síður saman. Það var nefnilega hálka. Ótal dæmi þekki ég úr um-
ferðinni síðustu árin þar sem maður hefur ekið fram á ferðafólk sem stöðvað
hefur bíla sína úti í kanti eða jafnvel á miðjum vegi hvort sem er að sumri eða
vetri. Fólkið stekkur síðan út og byrjar að taka myndir af hrossum á beit eða
öndum á polli. Það gleymir að taka tillit til annarra ökumanna og aðstæðna.
Það áttar sig ekki á því að íslenskir vegir eru ekki gerðir fyrir fleiri en tvo bíla
á breiddina og því gefur auga leið að hættan er umtalsverð af að stoppa, þeg-
ar umferð er í báðar áttir. Tölur um alvarleg umferðarslys og banaslys á síð-
ustu árum gefa til kynna að ferðamenn eru sífellt hærra hlutfall.
Ísland er markaðssett í ferðaþjónustu út um allan heim. Einnig í löndum
þar sem íbúar hafa aldrei séð snjó, einungis heyrt af honum af afspurn eða séð
myndir. Nú streymir þetta fólk hingað til lands í tugþúsundatali og ferðast
um á sínum forsendum. Það leigir sér bíla og síðan er ekið af stað. Nú hefur
komið í ljós að margir þessara bíla sem bílaleigurnar bjóða eru ekki á vel bún-
um hjólbörðum til vetraraksturs. Litlar eða jafnvel engar leiðbeiningar fylgja
með bílunum um akstur hér á landi og því fer sem fer. Ferðafólk kemur sér í
ógöngur á vanbúnum bílum og hefur auk þess enga kunnáttu til aksturs við
aðstæður eins og við þekkjum að þær geta orðið. Engum vafa er undirorp-
ið að hér stefnir í stórt vandamál. Ég vil leyfa mér að varpa ábyrgðina á tvo
hópa. Annars vegar stjórnvöld sem leyft hafa gullgröfurum í bílaleigufyrir-
tækjaleik að leika lausum hala. Lagaumgjörðin til reksturs bílaleigu er gagns-
laus hvað skyldur þeirra varðar og reyndar sitthvað fleira. Hins vegar eru það
bílaleigurnar sjálfar. Það er til lítils fyrir starfsmenn þeirra að skýla sér á bak-
við gallaða lagaumgjörð. Auðvitað verða þeir sem stunda einhverja þjónustu,
hverju nafni sem hún nefnist, að nota heilbrigða skynsemi við reksturinn.
Forsvarsmaður bílaleigu sem lánar japönskum ferðamanni smábíl að vetr-
arlagi, sem jafnvel er á hálfslitnum heilsársdekkjum, má alls ekki vera firrtur
ábyrgð. Nógu erfitt er að aka um íslenska vegi að vetrarlagi þótt maður sé al-
inn upp við það. Þessi mál eru ekki einkamál ferðaþjónustunnar eða stjórn-
valda. Það er brýnt hagsmunamál fyrir alla vegfarendur hér á landi að komið
verði strax vitinu fyrir gullgrafarana í stétt bílaleigufyrirtækja.
Magnús Magnússon
Hrönn Ríkharðsdóttir, skóla-
stjóri Grundaskóla á Akranesi, hef-
ur ákveðið að hætta störfum og fara
á eftirlaun næsta vor. Hún hefur
starfað sem skólastjóri Grundaskóla
frá árinu 2007 en var áður aðstoð-
arskólastjóri frá 1998. Hrönn hóf
kennslu við Fjölbrautaskóla Vestur-
lands haustið 1978 og var þar til vors
1986. Þaðan fór hún yfir í Brekku-
bæjarskóla þegar grunnskóladeild
innan Fjölbrautaskólans var aflögð.
Hún hóf störf hjá Grundaskóla árið
1995 og hefur því starfað þar í rúm
20 ár. „Ég hef alltaf verið þeirrar
skoðunar að það sé hollt að stjórn-
endur séu ekki of lengi í starfi. Það
sama á við um mig nú þegar ég hef
verið stjórnandi hér í 18 ár. Ég er
þakklát fyrir þann tíma en það er al-
veg tímabært að annar taki við,“ seg-
ir Hrönn í samtali við Skessuhorn.
Aðspurð um hvað sé framundan seg-
ir Hrönn það vera óráðið. „Ég hef
verið að læra markþjálfun í vetur og
vonandi fæ ég eitthvað að gera við
það. En annars er ekkert sérstakt fyr-
irhugað.“
Staða skólastjóra Grundaskóla
verður auglýst fljótlega og hef-
ur skóla- og frístundaráð Akranes-
kaupstaðar falið Regínu Ásvaldsdótt-
ur bæjarstjóra að hafa umsjón með
ráðningarferlinu. grþ
Hrönn hættir sem skólastjóri í vor
Hrönn Ríkharðsdóttir.
Allharður þriggja bíla árekstur varð
síðdegis á föstudaginn stutt frá blind-
hæð á veginum móts við Flesjustaði
í Kolbeinsstaðarhreppi. Tildrög
óhappsins voru þau að bíll með er-
lendum ferðamönnum var kyrrstæð-
ur á veginum. Bíl sem kom aðvífandi
var bremsað skyndilega niður þann-
ig að annar bíll sem kom á eftir lenti
aftan á honum og snerist við það á
veginum og fór yfir á rangan vegar-
helming. Við það lendir bíll sem ekið
var úr gagnstæðri átt á þeim bíl. Bíll
ferðamannanna slapp hins vegar al-
veg frá árekstrinum. Enginn slasað-
ist alvarlega en tveir kvörtuðu undan
eymslum og leituðu til læknis í kjöl-
farið. Fleiri óhöpp urðu sama dag
í umferðinni á Vesturlandi en þau
mátti rekja til hálku. mm
Þriggja bíla árekstur
Frá vettvangi óhappsins á föstudaginn. Ljósm. tfk.
Betur fór en á horfðist þegar móðir
með tvö tveggja mánaða gömul börn
velti bíl sínum síðastliðinn föstudag.
Óhappið varð í beygju milli bæjanna
Laugavalla og Ness í Reykholtsdal
og var ökumaðurinn að taka fram úr
dráttarvél og fipaðist við aksturinn.
Hálka var og snarsnérist bílinn á veg-
inum og skall á toppinn í skurðkanti.
Kallaður var til tækjabíll Slökkviliðs
Borgarbyggðar ásamt sjúkrabíl. Við
læknisskoðun á heilsugæslustöðinni í
Borgarnesi kom í ljós að móðirin og
börnin tvö höfðu sloppið án meiðsla.
Bíllinn er hins vegar gjörónýtur.
mm/ Ljósm. bhs.
Útaf með tvö smábörn í bílnum
Búið er að smíða nýja brú yfir
Botnsá í Hvalfirði á veginum sem
liggur inn að landi Stóra Botns
og gönguleiðunum að Glym, um
Leggjabrjót og víðar. Þetta svæði
hefur notið mikilla vinsælda ferða-
manna og nú má heita sem að
þarna sé umferð allan ársins hring
og mjög mikil um sumarmánuðina.
„Gamla brúin var alveg búin, hún
var hreinlega ónýt. Við tókum allt
þetta gamla í burtu, gerðum nýjar
undirstöður, settum nýja og sterk-
ari stálbita, nýtt dekk og ný hand-
rið. Þetta er hreinlega ný brú og
töluvert breiðari en sú gamla. Þar
munar um 40 sentimetrum,“ segir
Sigurður Hallur Sigurðsson brú-
arsmiður í samtali við Skessuhorn.
Hann er yfir öðrum af tveimur brú-
arvinnuflokkum Vegagerðarinn-
ar. Hefur hans flokkur, sem telur
sex menn, bækistöðvar á Hvamms-
tanga. Sigurður Hallur segir að
framkvæmdir hafi staðið yfir í tvær
vikur og var vegurinn lokaður á
meðan. „Það er gott að vera bún-
ir að koma þessu í lag fyrir ferða-
mannatímann og það var ekki van-
þörf á. Nú eiga allir bílar að geta
farið yfir þessa nýju brú.“ Auk brú-
arflokks Vegagerðarinnar kom Jón-
as Guðmundsson á Bjarteyjarsandi
að verkinu en hann sá um alla jarð-
vinnuna. mþh
Ný brú yfir Botnsá í Hvalfirði
,Nýja brúin er mikil samgöngubót á veginum um Botnsdal að útivistarsvæðinu
sem kennt er við fossinn Glym. Það svæði verður sífellt þekktara og vinsælla
meðal ferðamanna.