Skessuhorn - 10.02.2016, Blaðsíða 13
MIÐVIKUDAGUR 10. FEBRÚAR 2016 13
urinn væri einkum ádeila á stjórn-
sýslu, fremur en að fólk væri
ósammála því að færa leikskól-
ann á Kleppjárnsreyki. Rökstuddi
hún þá niðurstöðu sína í málinu að
vera fylgjandi því að leikskólanum
verði komið í húsnæði grunnskól-
ans. Hún sagði sárna það sem sagt
væri að fræðslunefndin væri ekki að
taka faglega á málum. Vísaði hún
til bókunar í fundargerð fræðslu-
nefndar þegar þessi ákvörðun var
tekin. Þar er sagt að taka eigi tillit
til hugmynda fagfólks um lausn á
húsnæðisvanda leikskólans. Taldi
hún spennandi og ný tækifæri fel-
ast í því að leik- og grunnskóli fari
undir sama þak. Sterkari tengsl
yrðu milli skólastiganna. „Það var
þrýst á nefndina að taka ákvörðun
um ferlið sem tekið hefur tvö ár,“
bætti hún við.
Brostinn trúnaður
Helga Jensína Svavarsdóttir deild-
arstjóri GBF á Hvanneyri kvaðst
hugsi og sorgmædd yfir þessari
stöðu sem sveitarfélagið væri kom-
ið í. „Ég er hugsi því við erum öll
í sama liði - öll, líka sveitarstjórn.“
Hún sagði traustið brostið og það
hafi sýnt sig í vinnunni og ákvörð-
unum sem teknar hafa verið um
skólahald á Hvanneyri. „Við erum
komin í einhverja stöðu sem virð-
ist ekki ætla að breytast.“ Óttaðist
hún að sér virtist sem sama hvað
sveitarstjórn færi af stað með, það
yrði risið upp gegn því sökum
brostins trúnaðar.
Svöruðu fyrir sig
Í lok fundar ávörpuðu sveitar-
stjórnarmenn gestina. Guðveig
Eyglóardóttir sagði að nánari
greining á barnafjölda næstu árin
ætti eftir að fara fram. Sagði hún
að fræðslunefnd leggði til að fram
fari vinna með stjórn og starfsfólki
á aðstöðunni á Kleppjárnsreykj-
um, skólalóðinni, húsnæðinu og
fleiru. „Áhersla verður lögð á að
vinna með stjórnendum og starfs-
fólki um hvað eigi að gera. Ekki er
verið að skerða þjónustu heldur á
að byggja upp með tilliti til þeirrar
uppbyggingar sem á sér stað hér í
héraðinu.“
Ragnar Frank Kristjánsson
VG sagði varðandi leikskólamál-
in að umræðan hafi byrjað á síð-
asta kjörtímabili og þá hafi ver-
ið talið best að færa leikskólann
að Kleppjárnsreykjum til þess að
styrkja skólasamfélagið þar. „Eitt
er víst að það þarf skólastefnu og
framtíðarsýn,“ sagði hann. Benti
hann á að sem fulltrúi í fræðslu-
nefnd hafi hann fyrst nýlega feng-
ið teikningar að leikskóla inni í
grunnskólahúsnæðinu á Klepp-
járnsreykjum. Bjóst hann ekki
við að farið yrði í framkvæmd-
ir á þessu ári, vegna fjárskorts og
að teikningarnar sem nú liggi fyrir
sýni fram á framkvæmdir til verra
ástands en ekki betra. Hann hafi
alltaf haft þá skoðun að leikskól-
inn eigi að vera í sérhúsnæði. „Það
eru bara til 55 milljónir og hvern-
ig á að vinna úr þeim - það þarf
að gefa þessu lengri tíma,“ sagði
Ragnar Frank.
Björn Bjarki Þorsteinsson for-
seti sveitarstjórnar talaði um end-
urbætur og breytingar á húsnæði
Brákarhlíðar. Þar hafi það verið
mat fagaðila að kostnaður breyt-
inga yrði um 70% af kostnaði
við nýbyggingu. Það hafi staðist.
„Ég vona að hér verði staðið vel
að breytingum og uppbyggingu
á Kleppjárnsreykjum, Hvanneyri
og á Varmalandi,“ sagði Bjarki og
áréttaði það sem fram hefur kom-
ið að heppnast hefði vel á Varma-
landi með að breyta húsnæði skól-
ans þar.
mm/áe
Á þriðjudag í liðinni viku fékk
Fjölbrautaskóli Vesturlands á
Akranesi hóp gesta í heimsókn
frá Fjölbrautaskóla Suðurlands og
Fjölbrautaskóla Suðurnesja. Skól-
ar þessir eru samstarfsskólar FVA
og starfsfólk þeirra hittist reglu-
lega til umræðna og samstarfs.
„Skólarnir hafa lengi starfað sam-
an og ánægjulegt að þeir skuli enn
binda tryggð við hvern annan,“
segir Ágústa Elín Ingþórsdótt-
ir, skólameistari FVA í samtali við
Skessuhorn.
Um 230 manns, kennarar og
starfsfólk, sóttu fundinn í FVA
og stóð dagskrá frá klukkan tíu að
morgni og fram eftir degi. Fund-
urinn hófst á fyrirlestrum Elsu
Eiríksdóttur, lektors á mennta-
vísindasviði Háskóla Íslands og
Sigurjóns Mýrdal, deildarstjóra
í mennta- og menningarmála-
ráðuneytinu. Næst tóku til máls
kennararnir Flemming Madsen
frá FVA, Pelle Caroe frá FSU
og Ægir Karl Ægisson frá FSS.
Fluttu þau stutt erindi þar sem
þau ræddu kennslu og kennslu-
aðferðir og deildu reynslu sinni
með kollegum sínum. Að lokn-
um fyrirlestrum og erindum fund-
uðu deildir og starfssvið og um-
ræður héldu áfram. „Hugmyndin
með samstarfinu er að læra hvert
af öðru. Verkefni skólanna eru
mörg og margslungin og það gerir
þróun skólanna bæði skipulegri og
markvissari að allir leggist á eitt,“
segir Ágústa.
kgk
Fjölmennur þrískólafundur haldinn í FVA
Fjölmennt var á fundinum þar sem um 230 kennarar og starfsfólk komu saman.
Flemming Madsen, rafiðngreinakenn-
ari við FVA, var einn þeirra kennara
sem fluttu erindi á fundinum.
AKRANES • BORGARNES • BÚÐARDALUR • GRUNDARFJÖRÐUR • HÓLMAVÍK • HVAMMSTANGI • ÓLAFSVÍK • STYKKISHÓLMUR
SK
ES
SU
H
O
R
N
2
01
5
LAUS STAÐA LÆKNARITARA VIÐ HVE AKRANESI
Hæfnikröfur:
•
•
•
•