Skessuhorn - 23.05.2018, Blaðsíða 4
MIÐVIKUDAGUR 23. MAÍ 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Með von um
snjóléttan kjördag
Ekki er alveg laust við að ég fagni því að nú sér fyrir endan á stuttri og
fremur rólegri kosningabaráttu. Á laugardaginn kjósum við hrepps-
nefndir eins og séra Geir myndi kalla það. Ekki held ég að það sé
sagt til að gera lítið úr vægi stjórnvaldsins, miklu fremur að honum
finnst einfaldlega fínt að nota gamla stjórnsýsluheitið. Við erum jú
öll sveitafólk inn við beinið. Til sanns vegar mætti hins vegar færa
að vald sveitarstjórna í dag er hlutfallslega miklu minna en það var
fyrir fimmtíu eða hundrað árum þegar ekki þekktist annað stjórn-
sýsluheiti og vammlitlir og óumdeildir héraðshöfðingjar unnu kosn-
ingarnar ítrekað. Í seinni tíð hafa sveitarfélög nefnilega verið bund-
in á klafa laga og ægivalds „að sunnan“ sem markvisst hefur gert þau
að valdlitlum afgreiðslustofnunum með þröngan og jafnvel vonlaus-
an fjárhag. Þau hafa engu að síður mikilvægum skyldum að gegna og
skulu t.d. sjá til þess að skólamálin séu í lagi, málefni fatlaðra eru á
þeirra herðum og ekki síst skipulagsmál sem mér sýnist vera helsta
þrætuepli samtímans. Svo ef útsvarið hrekkur ekki til þarf sveitar-
stjórnarfólk að fara bónferð til bjargar inn í einhverja stofnunina í
Reykjavík, nú eða að leita á náðir Alþingis, og reyna að grenja út meiri
pening. Ekki má jú skuldsetja sveitarfélögin umfram lögbundið há-
mark af veltu þeirra. Yfirleitt er það nefnilega svo að þegar búið er að
greiða það sem skólamálin og önnur lögbundin þjónusta kostar, þá er
sáralítið eftir til framkvæmda og sýnilegra verka, svo sem malbikunar
gatna, viðhalds göngustíga og þess háttar sem telst til munaðar í dag.
Hreppsnefndir liðins tíma voru hins vegar miklu valdameiri og höfðu
að ég hygg oft á tíðum betri fjárhag en þekkist í dag.
Miðað við hvernig hlutverk hreppsnefndarfólks hefur breyst í tím-
ans rás og kjör þess, tek ég ofan fyrir þeim sem gefa kost á sér til
starfa í sveitarstjórnum. Mér skylst að launin fyrir hreppsnefndarstörf
séu knöpp í hlutfalli við framlagða vinnu og áreiti af ýmsum toga.
Einkum á þetta við í smæstu hreppunum sem hafa ekki efni á að ráða
embættismenn til að sinna þessum skyldum og draga úr áreitinu. Það
er nefnilega svo að þrátt fyrir tilburði í þá veru hefur ekki tekist að
þoka upp lögbundnum lágmarksfjölda í hverjum hreppi og þeir því
fámennir. Nýlegt dæmi um skyndilega fjölgun íbúa í Árneshreppi um
heil fjörutíu prósent, nægir að nefna til að sjá hversu veikburða þessar
stjórnsýslueiningar eru og varnarlausar þegar reynt er að hafa utan-
aðkomandi áhrif á sjálfstæða ákvarðanatöku hreppsbúa. Þar koma því
upp deilur um kjörgengi og búsetu og allt fer á annan endan. Upp
koma deilur sem vafalítið munu ekki gróa í einn eða tvo mannsaldra.
Nær okkur man ég eftir fleiri dæmum þar sem fámennið gerði mönn-
um erfitt að leysa mál á friðsamlegum nótum.
Ég óska frambjóðendum til sveitarstjórna velfarnaðar um helgina
og að þeir uppskeri eins og til hefur verið sáð. Jafnframt óska ég þess
að snjólétt og hæglátt veður verði á kjördag svo kjósendur komist allir
sem einn heilu og höldnu á kjörstað. Niðurstaðan eftir að búið verð-
ur að telja upp úr kjörkössunum verður sú lýðræðislegasta sem í boði
er. Í blaðinu í dag leggjum við lóð á vogarskál þess að frambjóðendur
komi málum sínum á framfæri í formi viðtala og birtingu aðsendra
greina. Sé fólk í vafa ætti það að kynna sér þetta efni vel. Þótt munur
á framboðum virðist á yfirborðinu lítill, má þó eygja tilburði til að-
greiningar.
Magnús Magnússon
Leiðari
Eins og fram kom í frétt Skessu-
horns í síðasta mánuði var sam-
þykkt á fundi sveitarstjórnar Dala-
byggðar að slíta viðræðum við Arn-
arlón ehf. um sölu á eignum Dala-
byggðar. Var það vegna ágreinings
um veðröð lána. Vildi sveitarstjórn
ekki ábyrgjast skuldabréf sem væri
neðar en á öðrum veðrétti á fast-
eignum. Sveinn Pálsson sveitar-
stjóri greindi frá því á vef Dala-
byggðar í síðustu viku að fulltrú-
ar Arnalóns ehf. hafi gert athuga-
semdir við þessa afgreiðslu máls-
ins þar sem um hafi verið að ræða
drög að samningum til umræðu en
ekki endanlega samninga til sam-
þykktar eða synjunar. „Úr þessu
fæst ekki skorið nema fyrir dóm-
stólum,“ skrifar Sveinn.
Í fréttinni á vef Dalabyggðar
segir að 13. maí síðastliðinn hafi
Arnarlón ehf. lagt fram tillögu að
lausn á málinu án þess að um nýtt
tilboð væri að ræða. Sveinn greinir
þannig frá í frétt á dalir.is: „Tilla-
gan felst í því að jörðin Sælings-
dalstunga verði undanskilin í við-
skiptunum og kaupverð lækki sem
nemur andvirði jarðarinnar í til-
boðinu. Hins vegar fái Arnarlón
kauprétt á þeim hluta Sælings-
dalstungu sem ætlaður er fyrir
frístundahúsabyggð og golfvöll.
Megin hluti jarðarinnar (um 2.465
ha. af um 2.830 ha.) yrði þá un-
danskilinn sölu og kauprétti, þar
með megnið af beitarlandi jarða-
rinnar. Jafnframt að kauprétturinn
gildi til ársloka 2022 og kaupverð
verði hið sama og hlutur jarðarin-
nar í tilboðinu. Verði kaupréttu-
rinn ekki nýttur hafi Arnarlón for-
kaupsrétt að þessum hluta jarðar-
innar.“ Gangi þetta eftir fær Da-
labyggð sama söluandvirði fyrir
eignirnar eins og áður hafði verið
ætlað en heldur eftir megin þor-
ra lands Sælingsdalstungu. Sel-
jandalán Dalabyggðar yrði á 2.
veðrétti á eftir láni Byggðastofnu-
nar.“
Málið verður til umfjöllunar á
fundi sveitarstjórnar Dalabyggðar
á morgun, 24. maí.
mm
Í liðinni viku afhenti Skúli Þórðar-
son sveitarstjóri Hvalfjarðarsveit-
ar Héraðsskjalasafni Borgarfjarðar
til varðveislu skjalasöfn Hvalfjarð-
arstrandarhrepps, Innri-Akranes-
hrepps, Leirár- og Melahrepps og
Skilmannahrepps. Um er að ræða
skjöl sem ná fram til þess tíma er
sveitarfélögin voru sameinuð í júní-
mánuði 2006 og Hvalfjarðarsveit
varð til.
Frá því í febrúar síðastliðnum
hafa Birna Mjöll Sigurðardóttir og
Erla Dís Sigurjónsdóttir, skjala- og
upplýsingafræðingar, unnið fyrir
Hvalfjarðarsveit að flokkun, skrán-
ingu og pökkun skjala og gagna frá
umræddum sveitarfélögum. „Verk-
inu skiluðu þær með miklum sóma
þann 9. maí síðastliðinn og eru
þeim færðar þakkir fyrir vel unnið
starf, fagleg vinnubrögð og vandað-
an frágang,“ segir Skúli Þórðarson
sveitarstjóri. „Það er afar ánægju-
legt að tekist hafi að ljúka verkefni
þessu en sveitarstjórn Hvalfjarð-
arsveitar hefur lagt áherslu á að
koma þessum menningarverðmæt-
um í aðgengilega skrá og varanlega
geymslu.“
Það var Jóhanna Skúladóttir, hér-
aðsskjalavörður í Safnahúsi Borgar-
fjarðar, sem tók á móti skjalasafn-
inu en eins og sést á meðfylgjandi
myndum er það mikið að vöxtum
eða um 245 öskjur með um 14,5
hillumetrum af skjölum. Skjölin
eru mikilsverð heimild um starf og
sögu hreppanna auk þess að tryggja
upplýsingarétt einstaklinga sem
góðar stjórnsýsluvenjur krefjast.
mm/ Ljósm. Hvalfjarðarsveit
Skjalasöfn gömlu hreppanna
afhent hérðasskjalasafni
Skúli Þórðarson og Jóhanna Skúladóttir héraðsskjalavörður glugga hér í gömul
gögn hreppanna.
Skjalasafnið er mikið að vöxtum. Hér er það á brettum og við þau standa Birna
Mjöll, Skúli og Erla Dís.
Arnarlón vill kaupa Laugar en
undanskilja Sælingsdalstungu