Skessuhorn - 23.05.2018, Blaðsíða 10
MIÐVIKUDAGUR 23. MAÍ 201810
Síðastliðinn miðvikudag tóku Veit-
ur í notkun nýja hreinsistöð skólps
við Ægisbraut 31 á Akranesi. Bætist
bærinn þar með í hóp þeirra sveitar-
félaga sem uppfylla kröfur um skólp-
hreinsun samkvæmt reglugerð og
stórt skref er jafnframt stigið í um-
hverfismálum. Fyrir uppbyggingu
fráveitunnar rann óhreinsað skólp út
um átta meginútrásir, nálægt fjöru-
borði. Nú er skólpi veitt frá þessum
útrásum og í hreinsistöðina við Æg-
isbraut. Uppbygging kerfisins fól í
sér, auk hreinsistöðvarinnar, upp-
setningu á sex nýjum dælubrunnum
sem dæla skólpinu frá gömlu útrás-
unum í átt að hreinsistöðinni, nokkr-
um kílómetrum af nýjum lögnum á
landi auk sjólagnar. Stöðin hreins-
ar öll gróf efni úr skólpinu auk þess
að sía frá sand og fitu. Skólpinu er að
endingu dælt um hálfan annan kíló-
metra í sjó fram.
Á sex stöðum á
Vesturlandi
Hönnun mannvirkisins hófst árið
2006 og var smíði þess boðin út í
áföngum hrunárin 2007 og 2008.
Árin 2008-2010 voru mannvirk-
in byggð, dælubrunnar settir niður
og lokið við megnið af lagnavinn-
unni. Þar sem Orkuveita Reykjavík-
ur, móðurfélag Veitna, fór illa út úr
bankahruninu varð fjárhagur fyrir-
tækisins afar erfiður og framkvæmd-
um því slegið á frest. Þráðurinn var
tekinn upp að nýju á Akranesi árið
2015 þegar lögð var lögn í sjó fram.
Í Borgarbyggð reka Veitur nú fjór-
ar tveggja þrepa hreinsistöðvar á
Varmalandi, Reykholti, Bifröst og
Hvanneyri. Á næstu vikum verður
svo ný hreinsistöð sambærileg þeirri
á Akranesi tekin í notkun í Borgar-
nesi.
Góð umgengni
mikilvæg
Undanfarin misseri hafa Veitur stað-
ið fyrir átakinu „Blautþurrkan er
martöð í pípunum,“ sem ætlað er
að vekja athygli á því að klósett eru
ekki ruslafötur. Í þau eiga ekki að
fara blautþurrkur, bindi, eyrnapinn-
ar, tannþráður eða aðrar hreinlætis-
vörur. Á hverjum degi berst gríðar-
legt magn af rusli í hreinsistöðvan-
ar Veitna. „Mikil vinna og kostnað-
ur felst í því að hreinsa dælur og
farga ruslinu. Með því að minnka
magn óæskilegra hluta og efna sem
við sendum í fráveituna getum við
lækkað kostnað verulega. Til við-
miðunar þá sturtum við fjórfalt
meira niður af slíku en Svíar. Fita
og olía á heldur ekki heima í frá-
veitukerfinu. Fita og blautklút-
ar eru til dæmis slæm blanda. Úr
þeim efnivið geta orðið til svokall-
aðir fituhlunkar, eða „fatbergs“
eins og þeir heita upp á ensku. Þeir
eru stórt vandamál í fráveitukerf-
um víða um heim og hér á landi
einnig. Málning, leysiefni, lyf og
önnur efni eiga heldur ekkert er-
indi í niðurföllin, því skal skila í
endurvinnslu.“
mm/ Ljósm. Hrafnhildur Harðar-
dóttir.
Lögreglustjórinn á Vesturlandi
stöðvaði síðastliðinn miðvikudag,
að beiðni Vegagerðarinnar, meinta
ólögmæta innheimtu bílastæða-
gjalda við Hraunfossa í Borgarfirði
sem þá hafði staðið í hálfan annan
dag. Frá málinu var greint í síðasta
Skessuhorni.
Í tilkynningu sem lögreglustjóri
gaf út á miðvikudaginn sagði m.a.:
„Gjaldtaka einkaaðila hófst í gær
að nýju á vegi að Hraunfossum og
Barnafossi í Hvítá í Borgarfirði en
fossarnir eru friðlýstir sem náttúru-
vætti.“ Þá segir að Vegagerðin vísi til
þess að þjóðvegir séu opnir almennri
umferð skv. 1. mgr. 8. gr. vegalaga
og að Vegagerðin, sem veghaldari
umrædds vegar skv. 13. gr. vegalaga,
hafi ekki veitt heimild til gjaldtöku
fyrir notkun á þessum vegi. Vega-
gerðin vísar til þess að gjaldtaka, án
heimildar skv. 17. gr. vegalaga, fyr-
ir notkun vegarins feli í sér óleyfi-
lega hindrun á umferð um þjóðveg.
„Vegagerðin hefur farið þess á leit að
lögreglan gefi þeim sem standa fyrir
slíkri gjaldtöku af vegfarendum fyr-
irmæli um að láta af þeirri háttsemi
og framfylgi þeim fyrirmælum.“
Loks minnir lögreglustjóri á að brot
á vegalögum og reglugerðum, sem
settar verða samkvæmt þeim, varði
sektum nema þyngri refsing liggi
við samkvæmt öðrum lögum.
Telja athæfið ótækt
Á fundi byggðarráðs Borgarbyggð-
ar síðastliðinn fimmtudag var fjallað
um innheimtu vegtolla við Hraun-
fossa. Byggðarráð bókaði eftirfar-
andi: „Hraunfossar hafa verið frið-
lýst svæði frá árinu 1987. Umhverf-
isstofnun ber ábyrgð á Hraunfoss-
um og nánasta umhverfi þeirra
samkvæmt sérstakri auglýsingu nr.
410/1987. Umhverfisstofnun hefur
einnig komið að fjármögnun á upp-
byggingu göngustíga og útsýnispalla
í þeim tilgangi að ferðafólk geti not-
ið fegurðar Hraunfossa án þess að
spilla nærliggjandi umhverfi. Einn-
ig ber Umhverfisstofnun ábyrgð á
landvörslu á svæðinu. Vegagerðin
hefur lagt veg að svæðinu fyrir opin-
bert fé svo og byggt upp bílastæði.
Borgarbyggð hefur einnig lagt fjár-
magn í uppbyggingu á aðstöðu á
svæðinu til að auðvelda aðkomu
ferðafólks að því og tryggja vernd
náttúrunnar á hinu friðlýsta svæði.
Einnig hefur Borgarbyggð kostað
hreinlætisaðstöðu við Hraunfossa
um langt árabil. Því vekur það furðu
að leigutakar jarðarinnar Hraunsáss
II skuli á nýjan leik hefja töku veg-
tolla fyrir eigin ábata inn á fyrrgreint
svæði án þess að hafa á nokkurn hátt
lagt fé til uppbyggingar á þeirri að-
stöðu sem er þar til staðar. Byggðar-
ráð Borgarbyggðar telur slíkt athæfi
ófært og skorar á lögreglustjórann
á Vesturlandi og Umhverfisstofnun
að tryggja að innheimtu vegtolla við
Hraunfossa verði tafarlaust hætt.“
mm
Lögregla stöðvaði innheimtu vegtolla við Hraunfossa
Hér tilkynnir lögregla síðastliðinn miðvikudag Guðlaugi Magnússyni hjá H-fossum ehf. um ákvörðun lögreglustjórans um að
stöðva innheimtu meintra ólögmætra bílastæðagjalda.
Skólphreinsistöð formlega tekin í notkun á Akranesi
Svipmynd úr safni Skessuhorns frá 2015 þegar unnið var við sjólögnina frá
Akranesi.
Hreinsistöðin við Ægisbraut á Akranesi. Ljósm. Veitur.
Guðrún Erla Jónsdóttir stjórnarfor-
maður Veitna, Inga Dóra Hrólfsdóttir
framkvæmdastjóri Veitna og Sævar
Freyr Þráinsson bæjarstjóri.
Svipmynd innan úr nýju stöðinni.