Skessuhorn - 23.05.2018, Blaðsíða 6
MIÐVIKUDAGUR 23. MAÍ 20186
Réðist á bílstjóra
BORGARNES: Farþegi sem
tók sér far með Strætó í Borg-
arnes síðastliðinn miðviku-
dagsmorgun lét hendur skipta í
átökum við vagnstjóra. Á frétta-
vef RUV er greint frá því að far-
þeginn hafi látið höggin dynja á
bílstjóra strætó þá um morg-
uninn, þegar reynt hafi ver-
ið að vísa honum út úr vagnin-
um í Borgarnesi. Vagnstjórinn
var með áverka á höndum eft-
ir átökin og þurfti að leita að-
hlynningar læknis. Farþeginn
hafði greitt fyrir far frá Reykja-
vík í Borgarnes en vildi samt
lengra. Þegar það var ekki í boði
lét hann hendur skipta. Maður-
inn var handtekinn og látinn
sofa úr sér vímuna í fangaklefa
í Borgarnesi. Hann var sagður í
annarlegu ástandi.
-mm
Námskeið og
nýjungar hjá
Hér núna
AKRANES: „Í haust verða
fræðarar hjá Hér núna orðnir
fleiri þannig að við getum tek-
ið stærri hópa og til dæmis séð
um starfsdaga hjá fyrirtækj-
um,“ segir í fréttatilkynningu
frá fyrirtækinu. „Þá fer einnig af
stað Uppfræðslan, fræðsla fyrir
unglinga á fermingaraldri sem
byggir ekki á trú en innihaldið
byggir á því sem sálfræðin hef-
ur rannsakað að skapar gott líf.
Fjallað verður um dygðir, gildi,
styrkleika og tilfinningar, svo
eitthvað sé nefnt. Loks verður
námskeiðinu Blómstrun, ýtt af
stað. Það er sjálfstætt framhald
af Styrkleikunum þínum. Það
verður nokkurra vikna nám-
skeið sem á að styðja við það að
fólk blómstri, sem sagt líði bet-
ur og gangi betur með það sem
það er að gera í lífinu. Innihald
kynnt betur síðar. Látið ykkur
hlakka til.“ Nánari upplýsing-
ar gefur Steinunn Eva Þórðar-
dóttir í síma 893-1562. Skrán-
ing er í: http://her-nuna.is.
-mm
Lífrænt ferskt
pasta í fram-
leiðslu
AKRANES: Kaja organic ehf.,
í samvinnu við Sóknaráætlun
Vesturlands, kynnir með stolti
nýja íslenska framleiðslu; lífrænt
ferskt pasta unnið úr Demeter
vottaðri Semolinu frá Ítalíu og
lífrænum eggjum frá Nesbú en
pastað er framleitt á Café Kaju
á Akranesi. Pastanu er pakkað
í 200 gr neytendaumbúðir sem
eru eins umhverfisvænar og
hægt er fyrir svona framleiðslu.
Notaður er pappabakki í stað
plastbakka en enn sem komið
er eru ekki til aðrar lausnir en
plast þegar kemur að lofttæm-
ingu. Hægt er að nálgast pastað
hjá Bændum í bænum, Heilsu-
húsinu Kringlunni og Laugar-
vegi, Hagkaupum, Melabúðinni
og Matarbúri Kaju Akranesi.
-fréttatilk
Fimm sóttu um
stöðu rektors
B O R G A R B Y G G Ð :
Sunnudaginn 13. maí síð-
astliðinn rann út umsókn-
arfrestur vegna starfs rekt-
ors Landbúnaðarháskóla Ís-
lands. Fimm sóttu um stöð-
una; Magnús Örn Stefáns-
son, Ph.D. í stofnerfða-
fræði, Ragnheiður I. Þórar-
insdóttir, Ph.D. verkfræði
og MBA, Sigurður Sigurðs-
son MS verkfræði og MBA,
Snorri Baldursson, Ph.D.
plöntuerfðafræði og Þorleif-
ur Ágústsson, Ph.D. fiskalíf-
eðlisfræði. Athygli vekur að
Dr. Sæmundur Sveinsson,
sem skipaður var rektor síð-
astliðið haust tímabundið til
eins árs, er ekki meðal um-
sækjenda um starfið nú.
-kgk
Slysalaus helgi
en mikið um
hraðakstur
VESTURLAND: Hvíta-
sunnuhelgin gekk vel fyrir
sig í umdæmi Lögreglunnar
á Vesturlandi. „Að vanda var
haldið uppi öflugu eftirliti og
ekki urðu alvarleg slys í um-
dæminu. Allt of margir öku-
menn óku þó of hratt, en 242
ökutækjum var ekið of hratt
þar sem lögreglumenn voru
við hraðamælingar. Sá sem
hraðast ók mældist á 128 km
hraða,“ segir í frétt LVL.
-mm
Samkvæmt frétt Stöðvar2 síð-
astliðinn fimmtudag er Sigurð-
ur Ingi Jóhannsson samgöngu-
ráðherra, í samráði við Vegagerð-
ina, búinn að ráðstafa þeim fjórum
milljörðum króna sem ríkisstjórn-
in ákvað að verja til aukinna vega-
framkvæmda á þessu ári, umfram
fjárlög. Ráðstöfun þessarar upp-
hæðar fer því ekki formlega leið í
gegnum Alþingi. Athygli vekur að
upplýsingar um ráðstöfun fjárins
hafa ekki verið birtar opinberlega
á upplýsingavefjum ráðuneytisins
né Vegagerðarinnar. Samkvæmt
frétt Stöðvar 2 er eina vegafram-
kvæmdin sem kemur til fram-
kvæmda á Vesturland uppbygg-
ing þriggja kílómetra langs veg-
arkafla í Laxárdal í Dölum, frá
Lambeyrum að Gröf. Er sú fram-
kvæmd talin kosta 200 milljónir
króna. Það framlag er um 5% af
fyrrgreindu viðbótarframlagi rík-
issjóðs.
Samgönguráðherra og vega-
málastjóri hafa nú, samkvæmt
fréttinni, gefið vegagerðarmönn-
um fyrirmæli um að láta þessa
peninga sem um ræðir komast
strax í vinnu. 2,4 milljarðar króna,
eða um 60 prósent framlagsins fer
til viðhalds eldri vega. „Viðhalds-
þörfin er mjög mikil og síðan er
hægur leikur að auka þar við um-
fang verka, þannig að það er þægi-
legra að koma þeim fjármunum í
vinnu,“ segir forstöðumaður við-
haldsdeildar Vegagerðarinnar í
samtali við Stöð 2. Stærstu við-
haldsverkin verða á Gullna hringn-
um í uppsveitum Árnessýslu.
Meðal stærstu nýframkvæmda,
samkvæmt frétt Stöðvar 2, eru
Grindavíkurvegur, Dettifossveg-
ur og Borgarfjörður eystri meðal
þeirra sem njóta góðs af þessu við-
bótarfé. Til nýframkvæmda fara
1.640 milljónir króna en þeim
fjármunum verður meðal annars
ráðstafað til að stækka verkáfanga,
sem þegar eru í framkvæmd, eins
og á Dettifossvegi. 350 milljón-
um verður bætt í Grindavíkurveg,
ofan á 200 milljónir, sem áður voru
ákveðnar. Þar verða akstursstefn-
ur skildar að á sex kílómetra kafla
milli Bláalónsvegar og Reykjanes-
brautar, og hraðaeftirlitsmynda-
vélar settar upp. Í Reykjanesbraut
fara 50 milljónir til að undirbúa
tvöföldun í gegnum Hafnarfjörð,
milli Kaldárselsvegar og Krýsuvík-
urvegar. Ljúka á gerð útboðsgagna
svo unnt verði að bjóða verkið út
snemma árs 2019. Í Suðurlands-
veg um Ölfus fara 300 milljónir,
sem fyrsti áfangi að breikkun milli
Hveragerðis og Selfoss, en fram-
kvæmdin kostar alls 5,5 milljarða
króna. Í Þingvallaveg um þjóð-
garðinn fara 250 milljónir. Bæta
á veginn frá þjónustumiðstöð að
Vallavegi. Til norðanlands fara 70
milljónir í malbik að Dagverðar-
eyri og 200 milljónir í Dettifoss-
veg, milli Súlnalækjar og Ásheið-
ar. Áætlað er að enn vanti 1.400
milljónir til að klára Dettifossveg
að vestanverðu. Austanlands fara
220 milljónir í slitlag á tvo kafla til
Borgarfjarðar eystri. Af þeim fara
120 milljónir í Borgarfjarðarveg
við Vatnsskarðsvatn og í Njarð-
vík og 100 milljónir í Njarðvíkur-
skriður.
mm/ Heimild visir.is og Stöð2.
Fimm prósent aukins
vegafjár á Vesturland
Yfirlögn vegar í Norðurárdal í Borgarfirði. Ljósm. úr safni Skessuhorns.