Heimsmynd - 01.09.1990, Blaðsíða 73

Sverrir Þórðarson,
blaðamaður á
Morgunblaðinu
Gunnlaugur Þórðarson________________________________
hæstaréttarlögmaður og Herdís Þorvaldsdóttir leikkona á
brúðkaupsdegi sínum.
Sveinn Þórðarson
og kona hans Þórunn J. Hafstein ásamt börnum sínum
Ellen, Marínó og Þórði.
„HERFORINGINN"
Ellen Kaaber var mikil samkvæmiskona og vildi hafa Iíf og
fjör í kringum sig. Hún átti ógrynni af skemmtilegum barna-
bókum og alls konar spilum og kunni kynstrin öll af leikjum.
Eins og bóndinn var hún líka ræktunarmanneskja og prófaði
ýmsar nýjungar í matjurtagarðinum, ól einnig upp svín, kálfa
og jafnvel gæsir og kalkúna til matar. Aldrei iðraðist hún þess
að hafa flutt til hins fjarlæga íslands en hélt miklu bréfasam-
bandi við ættingja sína í Danmörku, heimsótti þá reglulega og
það flaug jafnvel fyrir að hún fjarstýrði þeim með bréfaskrift-
um. Börn hennar stríddu henni á því að hún væri herforingi.
Um æðruleysi og glettni húsmóðurinnar á Kleppi vitnar sagan
um það þegar hún varð sein fyrir niður í bæ og fólk vildi fylgja
henni austur að Kleppi
sem var drjúg ferð
myrkri og yfir óbyggð
svæði að fara. Hún
sagði það óþarft:
„Morðinginn fylgir
mér.“ Fólkið vissi ekki
: hvaðan á sig stóð veðr-
ið og varð skelfingu
lostið. En þetta var
meinlaus sjúklingur á
Kleppi, sem hafði víst
ranglega verið grunað-
ur um morð og gekk
) alltaf undir þessu gæl-
unafni. Hann var fastur
fylgdarmaður frúarinn-
ar í bæjarferðum á
vetrarkvöldum og vei
þeim sem hefði reynt
að gera henni mein.
Arið 1935 lærbrotn-
aði Þórður og gat ekki
gengið síðan. Eftir það
sat hann í stól sínum og
tók á móti gestum. Fjörið var til staðar til hinstu stundar og
sagt var um hann að hann héldi áfram að þroskast fram á gam-
als aldur. Hann lét af störfum sem yfirlæknir á Kleppi árið
1939 og þau hjónin fluttu í bæinn og settust að á Suðurgötu 13.
Þórður lést árið 1946 en Ellen varð háöldruð. Meðan hún
gat og raunar lengur varð hinn stóri hópur barna hannar og
barnabarna að vera gestir hennar á aðfangadagskvöld. Þegar
kom að gjöfum og jólatrénu fór hún inn í stofuna, þar sem
þetta var, og lokaði að sér. Allir stóðu við dyrnar og hlustuðu
nú á samtal hennar við jólasveininn. Það fór fram á íslensku
vegna barnanna en danskan var henni alla tíð tamari. Jóla-
sveinninn spurði hana á bjagaðri íslensku um öll litlu börnin
og hvort þeim hefðu orðið á yfirsjónir á árinu. Hún vissi alltaf
hvaða yfirsjónir þurfti að minnast á og þau ræddu um það
hvernig fyrirgefa skyldi svo að barnið gæti fengið jólagjöf.
Hugkvæmni hennar í þessu ímyndaða samtali var mikil og
svipurinn á börnunum fyrir utan dyrnar eftir því. Loks var allt
klappað og klárt og dyrnar opnuðust. Þarna blasti við jólatréð
og gjafirnar en jólasveinninn hafði þurft að flýta sér í önnur
hús og var horfinn.
SPARISJÓÐSSTJÓRI OG BRIDGESPILARI
Þau Þórður og Ellen eignuðust sjö börn og urðu flest þeirra
þjóðkunn. Verða þau nú talin upp og börn þeirra.
1. Hörður Þórðarson (1909-1975). Hann lauk lögfræðiprófi
við Háskóla íslands
1933 og starfaði síðan
við Landsbankann, var
meðal annars formaður
Starfsmannafélags
Landsbankans um
skeið. Þá stofnaði hann
fyrirtækið Electric og
var meðeigandi þess en
seldi sinn hlut í því árið
1942 er hann tók við
stöðu sparisjóðsstjóra í
Sparisjóði Reykjavíkur
og nágrennis (SPRON)
en þeirri stöðu gegndi
hann til dauðadags.
Hörður þótti ærslafeng-
inn ungur maður, eins
og hann átti kyn til, og
fékk oft hugdettur en
sem sparisjóðsstjóri var
hann gætinn og flanaði
ekki að neinu. Hann
var fremur íhaldssamur
að eðlisfari en fylgdist
þó vel með nýjungum. Hörður var einn af fremstu bridgespil-
urum landsins og margfaldur íslandsmeistari, ennfremur fyrsti
formaður Bridgefélags Reykjavíkur. Sveit hans hefur náð
lengst allra íslenskra bridgesveita er hún varð þriðja í röðinni á
Evrópumeistaramótinu í bridge og tveir liðsmenn hennar voru
síðan valdir til að keppa fyrir hönd Evrópu í heimsmeistara-
keppni. Hörður var lengi í yfirkjörstjórn Reykjavíkur og til-
nefndur dómari í mörgum gerðardómsmálum. Kona hans var
Ingbjörg hattnri, dóttir Odds Bjarnasonar, skósmiðs í Reykja-
vík. Þau eignuðust tvö börn.
a. Eldri er Þórður Harðarson (f. 1940) doktor í hjartasjúk-
framhald á bls. 88
Tvö í hópi þekktustu
fjölskyldumeðlimanna, systkinin Tinna og Hrafn
Gunnlaugsbörn.
HEIMSMYND 73