Sveitarstjórnarmál - okt. 2019, Blaðsíða 19
sjónmengunar og einnig horft til
fyrirhugaðrar legu Sundabrautar.“
Úrgang má í grunninn flokka í þrjá
meginþætti: Lífrænan úrgang, óvirkan
úrgang og úrgang sem fer til brennslu.
Í gas- og jarðgerðarstöðina fer lífræni
úrgangurinn og þar verða til tvenns
konar afurðir. Annars vegar verður til
metangas sem er eina umhverfisvottaða
eldsneytið á Íslandi í dag en það fékk
Svansvottun árið 2016. Metan er í
dag m.a. notað til að knýja áfram alla
hirðubíla Reykjavíkurborgar auk um 50
annarra bifreiða borgarinnar. Hins vegar
jarðvegsbætir sem m.a. má nýta sem
áburð eða til uppgræðslu lands.
Óvirkur úrgangur sem fellur til í
Mosfellsbæ hefur til þessa verið
urðaður í Álfsnesi og segir Kolbrún
að nú sé verið að leita að hentugum
stað fyrir þann úrgang. „Það stóðu yfir
viðræður við Sveitarfélagið Ölfus um
að þau myndu láta land undir óvirka
úrganginn á Nessandi en myndu í
staðinn senda lífrænan úrgang í gas- og
jarðgerðarstöðina hjá SORPU, en eftir
sveitarstjórnarkosningarnar 2018 sleit
Ölfus þeim viðræðum.“
Meðvitaðir íbúar í Mosfellsbæ
„Íbúar Mosfellsbæjar eru almennt mjög
meðvitaðir um umhverfismál og hafa
staðið sig mjög vel í flokkun úrgangs.
Við öll heimili í bænum eru tvenns konar
tunnur undir úrgang, grá fyrir blandaðan
úrgang og blá fyrir endurvinnanleg
pappírsefni, s.s. tímarit, dagblöð,
fernur, eggjabakka og bylgjupappa.
Þá geta íbúar sett allt plast í plastpoka
og sett í gráu tunnuna. Einnig er í
Mosfellsbæ víðtækt grenndarstöðvakerfi
þar sem tekið er við plastumbúðum,
dósum og öðrum endurvinnanlegum
drykkjarumbúðum með skilagjaldi og
sérstakir gámar fyrir gler,“ sagði Kolbrún.
HLUTI AF RPC GROUP
SÆPLAST • Gunnarsbraut 12 • 620 Dalvík • Sími 460 5000 • sales.europe@saeplast.com • www.saeplast.com ® Sæplast er skrásett vörumerki í eigu RPC GROUP
Byggingarreglugerðir krefjast þess að brunnar séu settir við allar nýbyggingar enda er mikið
öryggi og kostnaðar hagkvæmni fólgin í að hafa aðgang að lögnum utanhúss vegna eftirlits
og viðhalds.
Sæplast framleiðir brunna til frá veitu lagna úr polyethylene-efni (PE).
Í Sæplast -vörulínunni er fjölbreytt úrval brunna til að mæta mismunandi notkunar kröfum.
Brunnarnir eru fáanlegir í þremur þvermáls stærðum: 400 mm, 600 mm og 1000 mm.
ATH. Hægt er að fá upphækkanir á alla brunna.
Fást í byggingavöruverslunum um land allt.
Sæplast ráðleggur að ætíð sé leitað til fagaðila um niðursetningu á brunnum.
Þar sem tvær lagnir koma saman
þar ætti að vera brunnur
HEIMSMARKMIÐIN OG LOFTSLAGSMÁL