Sveitarstjórnarmál - okt. 2019, Blaðsíða 39
39
í útboð jafnvel strax á næsta ári. Þetta
verður vonandi komið í samgönguáætlun
þingsins strax í haust.
Við sækjum margvíslega þjónustu til
Egilsstaða og stytting leiðarinnar skiptir
okkur því verulegu máli. Þegar skoðaðar
eru umferðartölur yfir háannatímann sjá
menn hve stór hluti vegfarenda kýs að
fara þennan hlykkjótta og bratta malarveg
sem nú liggur yfir Öxi. Þá geta menn
ímyndað sér hver notkunin verður á
nýjum heilsársvegi,“ segir Gauti og bætir
við að allar samgöngubætur á svæðinu
skipti íbúa og vegfarendur miklu máli.
„Bara nýverið var lokið við að leggja
bundið slitlag á þjóðveg 1 þegar
malbikaðir voru nokkrir kílómetrar í
Berufirðinum. Það er ekki bara okkar
einkamál heldur framfaraspor fyrir
alla vegfarendur. Vegurinn fyrir botn
Berufjarðar var vægast sagt alveg
skelfilegur.“
Verndarsvæðið við voginn
Það hefur vakið eftirtekt víða um land
hve mikla áherslu Djúpavogshreppur
hefur lagt á endurgerð gömlu húsanna
á Djúpavogi til margra ára. Gauti segist
afar stoltur af því hvernig til hefur tekist
og ekki síður af því að Djúpivogur
varð fyrstur íslenskra bæja til að verða
verndarsvæði í byggð. Djúpavogshreppur
hefur jafnframt þá sérstöðu meðal
íslenskra sveitarfélaga að hann er aðili
að Cittaslow, alþjóðlegum samtökum
sveitarfélaga sem leggja áherslu á
velferð íbúanna og það að leggja rækt
við og vernda hið staðbundna. Sú
hugmyndafræði liggur að baki öllum
ákvörðunum sveitarstjórnar, að sögn
Gauta.
„Það var stór áfangi fyrir okkur þegar
mennta- og menningarmálaráðherra
staðfesti í október 2017 að
verndarsvæðið við voginn yrði sérstakt
verndarsvæði innan sveitarfélagsins en
það nær til miðbæjarins á Djúpavogi.
Í þessu felst mikil viðurkenning á
varðveislugildi svæðisins í ljósi náttúru,
sögu og umhverfis. Það er rétt að við
höfum lagt áherslu á endurgerð gamalla
húsa og höfum notið mikils stuðnings
Minjastofnunar í því verkefni. Hér má
nefna hina fornu Löngubúð sem byggð
var 1790 hér í miðjum bænum. Þar er nú
veitingastaður og safn. Faktorshúsið er í
endurbyggingu og við eigum því láni að
fagna að skrifstofur sveitarfélagsins eru
til húsa í Geysi, endurbyggðu húsi sem
byggt var árið 1900. Þá höfum við eignast
gömlu kirkjuna og erum að endurbyggja
hana. Það er óráðið hvaða starfsemi
verður í henni en við höfum lagt áherslu
á að koma á virkri starfsemi í þessum
húsum,“ undirstrikar Gauti.
Breytir bæjarbragnum
Hann bendir á að endurgerð gömlu
húsanna hefur breytt ásýnd bæjarins og
bæjarbragnum og lýsir þeirri skoðun sinni
að sveitarfélög eigi að ganga á undan
með góðu fordæmi við umsjón og viðhald
húsa á þeirra vegum.
„Þessi gömlu hús eru í eigu bæjarins og
við sýnum þeim einfaldlega þá virðingu
sem þau eiga skilið. Þetta hefur kostað
talsverða fjármuni en með góðum
stuðningi Minjastofnunar hefur okkur
tekist þetta og að mínu mati og íbúanna
hérna hefur tekist vel til. Að okkar mati er
það vel þess virði að leggja í kostnað við
Búlandstindur er bæjarfjall Djúpavogshrepps en verði af sameiningu sveitarfélaga þá verður fjallið innan sveitarfélags sem nú hefur vinnuheitið
Sveitarfélagið Austurland.