Sveitarstjórnarmál - okt. 2019, Blaðsíða 12

Samstarf um loftslagsmál og
heimsmarkmiðin skiptir sköpum
Samstarfsvettvangur sveitarfélaga um
loftslagsmál og heimsmarkmiðin var
stofnaður 19. júní sl. Honum er ætlað
að efla og styrkja sveitarfélögin til
samstöðu og samtals um loftslagsmál
og málefni sjálfbærrar þróunar. 52
sveitarfélög hafa sýnt áhuga á að taka
þátt í starfi vettvangsins og þegar þetta
er skrifað hafa 33 sveitarfélög tekið undir
yfirlýsingu stofnfundar og skráð tengiliði.
Sveitarfélögin sem taka þátt tilnefna
tengiliði sveitarfélagsins við verkefnið og
þegar þetta er skrifað hafa verið tilnefndir
73 fulltrúar. Fyrsti tengiliðafundurinn
var 13. september sl. og var honum
streymt. Var sjónum beint sérstaklega að
heimsmarkmiðum Sameinuðu þjóðanna.
Annar fundur er fyrirhugaður í nóvember
og verður meginefnið loftslagsmál.
Ljóst er að slagkraftur sveitarfélaga
skiptir sköpum til að greiða fyrir þeim
umskiptum sem þurfa að eiga sér stað
til að uppfylla heimsmarkmiðin, ákvæði
markmið sem þau vilja horfa sérstaklega
á. Innan nýstofnaðs samstarfsvettvangs
um loftslagsmál og heimsmarkmiðin
er ætlunin að styðja við þá vinnu sem
þegar er farin af stað. Hafin er vinna
við að greina hvaða heimsmarkmið
sveitarfélögin geta sameinast um
og skoða forsendur á sameiginlegri
þróun á árangursmælikvörðun. Vonast
er til að vinnuhópur um málið skili af
sér fyrir næsta vor. Hugmyndin er að
sveitarfélögin geti svo aðlagað afrakstur
þeirrar vinnu að sínum aðstæðum og
bætt við markmiðum eftir því sem hentar
þeim.
Íslensk sveitarfélög hafa vakið
athygli heimsins með framlagi sínu
í loftslagsmálum og innleiðingu
heimsmarkmiðana og má nefna
Reykjavíkurborg sem setti sér sína
fyrstu loftslagsstefnu 2009 og er aðili
að sameinuðum sáttmála sveitarfélaga
Parísarsamningsins og standast áætlanir
íslenska ríkisins um kolefnishlutleysi árið
2040. Íslenska ríkið hefur undirgengist
heimsmarkmið Sameinuðu þjóðanna
um sjálfbæra þróun og valið sér 65
forgangsmarkmið. Markmiðin gilda
til ársins 2030 og er ætlað að mynda
jafnvægi milli þriggja stoða sjálfbærrar
þróunar: hinnar efnahagslegu,
félagslegu og umhverfislegu. Aðgerðir í
loftslagsmálum er eitt af markmiðunum
en þau eru 17 talsins með 169
undirmarkmið.
Heimsmarkmiðin í heimabyggð
Mörg sveitarfélög hafa stigið stór skref
með aðgerðum sem styðja við lágmörkun
losunar gróðurhúsalofttegunda og
innleiðingu heimsmarkmiða Sameinuðu
þjóðanna. Þeim sveitarfélögum fer
fjölgandi sem hafa forgangsraðað
heimsmarkmiðunum og valið sér
Eygerður Margrétardóttir
sérfræðingur hjá Sambandi íslenskra
sveitarfélaga
Frá fyrsta fundi samstarfsvettvangs um loftslagsmál og heimsmarkmiðin, sem haldinn var í
Kópavogi 13. september sl.