Sveitarstjórnarmál - okt. 2019, Blaðsíða 36
36
SVEITARSTJÓRNARMÁL
er þannig víðast hvar að fólk getur fundið
störf við hæfi. Það þarf meira að koma
til og aðrir hlutir fara að skipta máli.
Djúpivogur virðist hafa sterkt aðdráttarafl,
ekki síst fyrir ungt fólk, og það er mjög
ánægjulegt. Ég býst við að þetta skýrist
af því góða samfélagi sem hér er, góðri
þjónustu og fallegu umhverfi.“
Uppgangur í ferðaþjónustu
Hins vegar skýrist uppgangur á
Djúpavogi af því að ferðamönnum
hefur fjölgað verulega. Gistirými
hefur aukist talsvert á síðustu árum
og það hefur mikil ruðningsáhrif á
veitingaþjónustu og verslun. Gauti segir
að ferðamannatímabilið hafi jafnframt
verið að lengjast í báða enda.
„Við erum náttúrulega vel í sveit sett
gagnvart ferðafólki. Djúpivogur og
nágrenni eru ákjósanlegur áningarstaður
því nokkuð langt er í næstu þéttbýlisstaði.
Svo hefur svæðið margvíslegt
aðdráttarafl fyrir bæði innlenda og
erlenda ferðamenn. Þess má geta að
hingað komu 35 skemmtiferðaskip í
sumar og það er heilmikil búbót fyrir ekki
stærri bæ.
Granítegg Sigurðar Guðmundssonar
listamanns í Gleðivík eru mikið skoðuð
en hann á hér hús og dvelur hluta úr
árinu. Gönguferðir um héraðið eru mjög
vinsælar og hefur ferðafólk ekki síst
ánægju af að ganga um hinar svörtu
sandstrendur sem hér eru. Svo er vinsælt
að koma hingað til fuglaskoðunar.
Enn mætti nefna uppbygginguna á
Teigarhorni sem sveitarfélagið hefur
staðið fyrir. Teigarhorn er friðlýst
náttúruvætti og stærsti fundarstaður
zeólíta í heiminum svo þar er mikið
aðdráttarafl. Jörðin er í eigu ríkisins
en við erum með samning um rekstur
staðarins, landvörslu og fleira. Við stýrum
umferð mjög markvisst inn á svæðið
þannig að innviðirnir, göngustígar og
þess háttar, ráði við fjöldann. Við höfum
svo mörg víti til að varast í þessum efnum
og leggjum áherslu á að byggja upp
innviðina þannig að þeir ráði við þann
fjölda sem kemur. Svæðið er opið og
hefur verið það í mörg ár en við högum til
dæmis markaðssetningu með tilliti til þess
að innviðir haldi og náttúran verði ekki
fyrir tjóni,“ segir Gauti.
Kosið um sameiningu
Skammt hefur verið stórra högga á
milli síðan Gauti gerðist sveitarstjóri
Djúpavogshrepps. Auk þess sem
talið er að framan styttist nú óðum
í að kosið verði um sameiningu
fjögurra sveitarfélaga á Austurlandi,
Djúpavogshrepps, Fljótsdalshéraðs,
Seyðarfjarðarkaupstaðar og
Borgarfjarðarhrepps. Íbúakosning fer
fram 26. október næstkomandi og segist
Gauti frekar eiga von á að sameining
verði samþykkt. Hann er alla vega ekki
í vafa um hvernig hann kýs. Það verður
afdráttarlaust já.
„Ég hef til margra ára verið því fylgjandi
og verið talsmaður þess að sveitarfélög
skoði möguleika á að sameinast frekar.
Ég trúi því að þannig verði þau öflugri og
betur í stakk búin til að standa undir þeirri
þjónustu sem vænst er af þeim,“ segir
hann.
Hann hefur helgað sig þessari hugsjón til
margra ára og átti sæti í samstarfsnefnd
sveitarfélaganna fjögurra sem hefur lagt
drög að sameiningunni. Sveitarfélögin
fjögur eiga þegar samstarf um ýmsa
þjónustu, svo sem félagsþjónustu,
brunavarnir og skólamál. Gauti bendir
á að smá sveitarfélög hafi minni burði
til sérhæfingar á ýmsum sviðum en þau
stærri og að með sameiningu verði hægt
að auka sérhæfða þjónustu við íbúa.
„Auðvitað leggja smærri sveitarfélög sig
fram um að veita eins góða þjónustu og
unnt er en við eigum erfitt með að verða
sérfræðingar á einhverjum tilteknum
sviðum. Þetta myndi breytast með
sameiningu.
Mín upplifun er sú að íbúar hér séu
frekar hlynntir sameiningu. Vissulega
hræða sporin dálítið og maður heyrir
að fólk óttast að við hér á jaðri
væntanlegs sveitarfélags verðum með
einhverjum hætti afskipt. Það er víða
þannig í fjölkjarnasveitarfélögum að
fólki í jaðarsveitarfélögum finnst það
vera afskipt, með réttu eða röngu. Mín
„Auðvitað leggja smærri sveitarfélög sig fram um að veita eins góða þjónustu og unnt er,“ segir
Gauti, „en við eigum erfitt með að verða sérfræðingar á einhverjum tilteknum sviðum.“
Vissulega hræða sporin
dálítið og maður heyrir að
fólk óttast að við hér á jaðri
væntanlegs sveitarfélags
verðum með einhverjum
hætti afskipt.