Sveitarstjórnarmál - okt. 2019, Blaðsíða 18

Síðla árs 2018 var hafist handa
við framkvæmd nýrrar gas- og
jarðgerðarstöðvar SORPU bs. á Álfsnesi.
Í stöðinni verður lífrænum úrgangi frá
heimilum á höfuðborgarsvæðinu breytt
í metan og jarðvegsbæti.
Reiknað er með að gas- og
jarðgerðarstöðin taki til starfa á
vormánuðum 2020. Með tilkomu
stöðvarinnar mun allt að 95%
alls lífræns úrgangs frá heimilum
á höfuðborgarsvæðinu fara til
endurnýtingar og urðun á lífrænum
heimilisúrgangi verður hætt. Í dag
er endurnýtingarhlutfall úrgangs á
starfssvæði SORPU bs. 49,4%.
„Mosfellsbær hefur verið leiðandi í
umræðunni um að sveitarfélögin á
höfuðborgarsvæðinu hæfu byggingu
gas- og jarðgerðarstöðvar. Það má
segja að íbúar Mosfellsbæjar hafi verið
orðnir langþreyttir á að horfa uppá
urðunarstaðinn á Álfsnesi sem blasir við
íbúum bæjarins auk þess sem norðan
áttin ber óþef yfir bæinn.,“ segir Kolbrún
G. Þorsteinsdóttir, lýðheilsufræðingur og
bæjarfulltrúi í Mosfellsbæ, í samtali við
Sveitarstjórnarmál.
Mosfellsbær leiðandi í umræðunni
um gas- og jarðgerðarstöð
„Gas- og jarðgerðarstöðin er ein dýrasta
framkvæmd sem sveitarfélögin á
höfuðborgarsvæðinu hafa lagt í en talið er
að hún muni kosta ríflega fjóra milljarða.
Stöðin mun taka á móti blönduðum
úrgangi frá heimilum á svæði SORPU bs.
Lífrænu efnin, s.s. matarleifar, verða nýtt
til gas- og jarðgerðar en málmar og önnur
ólífræn efni verða flokkuð vélrænt frá til
endurnýtingar,“ sagði Kolbrún.
Hvers vegna gas- og
jarðgerðarstöð?
„Starfsleyfi urðunarstaðarins á Álfsnesi
er að renna út og verður staðnum lokað í
lok árs 2020. Í febrúar sama ár mun gas-
og jarðgerðarstöðin taka til starfa,“ sagði
Kolbrún. „Við ákvörðun staðsetningar á
stöðinni var tekið tillit til athugasemda
íbúa Mosfellsbæjar vegna lyktar- og
HLUTI AF RPC GROUP
SÆPLAST • Gunnarsbraut 12 • 620 Dalvík • Sími 460 5000 • sales.europe@saeplast.com • www.saeplast.com ® Sæplast er skrásett vörumerki í eigu RPC GROUP
Byggingarreglugerðir krefjast þess að brunnar séu settir við allar nýbyggingar enda er mikið
öryggi og kostnaðar hagkvæmni fólgin í að hafa aðgang að lögnum utanhúss vegna eftirlits
og viðhalds.
Sæplast framleiðir brunna til frá veitu lagna úr polyethylene-efni (PE).
Í Sæplast -vörulínunni er fjölbreytt úrval brunna til að mæta mismunandi notkunar kröfum.
Brunnarnir eru fáanlegir í þremur þvermáls stærðum: 400 mm, 600 mm og 1000 mm.
ATH. Hægt er að fá upphækkanir á alla brunna.
Fást í byggingavöruverslunum um land allt.
Sæplast ráðleggur að ætíð sé leitað til fagaðila um niðursetningu á brunnum.
Þar sem tvær lagnir koma saman
þar ætti að vera brunnur
Kolbrún G. Þorsteinsdóttir, lýðheilsufræðingur og bæjarfulltrúi í Mosfellsbæ.
Teikning af gas- og jarðgerðarstöð Sorpu í Álfsnesi.