Sveitarstjórnarmál - okt. 2019, Blaðsíða 51

51
HÚSNÆÐISÞING
27.11.19
Húsnæðisþing verður haldið miðvikudaginn
27. nóvember á Hilton Nordica. Takið daginn frá.
Dagskrá og skráning auglýst síðar.
Að mínu mati er æskilegt að sveitarfélög almennt auki áherslu á gerð sviðsmynda-
og áhættugreininga sem tækja til að meta þarfir fyrir viðbrögð, stefnubreytingar
og aðgerðir bæði til skamms og langs tíma. Þau þurfa jafnframt að auka
fjárhagslega sjálfbærni sína meðal annars með því að tryggja að reksturinn skili
rúmlega því fjármagni sem þarf til að standa undir þekktum skuldbindingum, og
helst svo rúmlega að reksturinn standi líka undir einhverjum áföllum. Sveitarfélög
sem eru með miklar skuldir eða skuldbindingar ættu að huga að uppbyggingu
varasjóða og setja sér reglur um ábyrgðaveitingar sem eru raunsæjar miðað við
fjárhagslega getu. Að mínu mati eru þetta stóru lexíurnar sem við getum lært af
efnahagshruninu 2008 og eftirmála þess.
Þetta segir Birgir Björn Sigurjónsson
í samtali við Sveitarstjórnarmál
í aðdraganda fjármálaráðstefnu
sveitarfélaga sem haldin verður í
Reykjavík 3. og 4. október næstkomandi.
Óhætt er að segja að hér tali maður
með reynslu því Birgir Björn var
fjármálastjóri Reykjavíkurborgar frá því
skömmu fyrir hrun og þangað til í maí
síðastliðnum þegar hann lét af því starfi
fyrir aldurs sakir. Hann var því lykilmaður
í endurskipulagningu fjármálastjórnar
borgarinnar í hruninu og á árunum eftir
það. Birgir Björn gegnir nú tímabundnu
hlutastarfi hjá borginni vegna verkefna
sem meðal annars tengjast viðræðum
við ríkið um umbætur í samgöngum á
höfuðborgarsvæðinu og fjármögnun
þeirra.
Birgir Björn hefur sótt fjármálaráðstefnuna
til margra ára og haldið þar erindi um
margvísleg efni en lætur sér nægja að
vera áheyrandi að þessu sinni. Hann telur
að ekki hafi öll sveitarfélög jafnað sig á
hruninu en segist vona að þau hafi öll
dregið nauðsynlegan lærdóm af því.
Fjármálaráðstefnan mikilvæg
„Fjármálaráðstefnan er mikilvægur
vettvangur fyrir sveitarfélögin og starfsfólk
þeirra til að efla samskipti manna á milli,
að bera saman bækur sínar og hlýða
á vönduð fræðsluerindi. Þetta getur
verið mjög mikilvægt fyrir fjármálastjóra
Lexíurnar sem
við lærðum af
hruninu
Birgir Björn Sigurjónsson, fyrrverandi fjármálastjóri Reykjavíkur-
borgar, í samtali við Garðar. H. Guðjónsson.
Birgir Björn Sigurjónsson
fyrrverandi fjármálastjóri Reykjavíkurborgar