Sveitarstjórnarmál - okt. 2019, Blaðsíða 40

40
SVEITARSTJÓRNARMÁL
verkefni sem þetta. Hér hefur í gegnum
árin skapast mikil þekking og kunnátta
í endurgerð húsa og vonandi getur
hún nýst öðrum sem eru í svipuðum
hugleiðingum. Við þekkjum líka mjög
vel gömlu húsin hér í byggðinni og gildi
þeirra því hér var gerð húsakönnun árið
2014 sem fólst í því að skrá öllu gömlu
húsin hér í byggðinni, mynda þau og
teikna upp.
Þetta hefur mælst mjög vel fyrir hjá
íbúum. Þeir líta á gömlu húsin sem sína
sameign og hluta af sögu byggðarinnar,“
segir Gauti.
Cittaslow
Djúpavogshreppur er sem fyrr segir eina
íslenska sveitarfélagið sem er aðili að
Cittaslow, alþjóðlegum samtökum sem
stofnuð voru 1999 að frumkvæði fjögurra
bæjarstjóra á Ítalíu. Samtökin eiga rætur
að rekja til „Slow food“ hreyfingarinnar en
hugmyndafræði þeirra er mun víðtækari
nú. Djúpavogshreppur gerðist aðili árið
2014.
„Við kynntumst þessari hugmyndafræði
fyrir mörgum árum og fannst hún henta
okkur. Hún byggist á því að leggja rækt
við og vernda hið staðbundna á hverjum
stað með áherslu á sögu, náttúru,
menningu og framleiðslu í héraði. Þessi
hugmyndafræði beinist á vissan hátt gegn
hnattvæðingunni og leggur áherslu á að
Gauti ásamt Guðnýju Sverrisdóttur, formanni ráðgjafarnefndar Jöfnunarsjóðs sveitarfélaga, og
Svanfríði Ingu Jónasdóttur, fv. bæjarstjóra í Dalvíkurbyggð. Myndin var tekin á fjármálaráðstefnu
sveitarfélaga 2018.
við höldum upp á sérstöðu okkar fremur
en að leitast við að vera eins og allir aðrir.
Cittaslow gengur út frá því að allar
ákvarðanir sveitarstjórnar eigi fyrst og
fremst að vera til hagsbóta fyrir íbúana.
Íbúarnir eru alltaf í fyrsta sæti. Gestir eru
alltaf velkomnir en aðild að Cittaslow
leggur okkur í sveitarstjórn þær skyldur
á herðar að miða allar ákvarðanir við
hagsmuni íbúanna.
Lífsgæði íbúanna í fyrirrúmi
Þessi hugmyndafræði er meðal annars
höfð til hliðsjónar í deiliskipulagsvinnu
sem nú stendur yfir fyrir miðbæ
Djúpavogs. Við gerð skipulagsins er
miðað við ákveðnar reglur Cittaslow
sem nauðsynlegt sé að taka tillit til við
deiliskipulagsgerðina, svo sem að við
uppbyggingu í þéttbýli skuli leggja áherslu
á að skapa sjálfbært og mannvænt
umhverfi, fjölbreytilega ferðamáta,
tengingu við náttúru og virðingu fyrir sögu
og menningarminjum.
„Deiliskipulagsvinnan miðar meðal annars
að því að reyna að takmarka bílaumferð
í miðbænum. Það er ein leið til að mæta
þessum markmiðum Cittaslow og öðrum
markmiðum sem við vinnum eftir, svo
sem um öryggi íbúa. Við viljum gjarnan
að börnin hér geti gengið óhult um
bæinn. Það eru samhliða uppi hugmyndir
um að ræða við Vegagerðina um að
breyta aðkomunni í bæinn af þjóðvegi
1 til að draga úr umferð um miðbæinn
þannig að þeir sem ætla ekki að staldra
við á Djúpavogi geti bara haldið ferð sinni
áfram án þess að keyra í gegnum bæinn.
Nú fer mikil umferð í gegnum miðbæinn
og það dregur úr lífsgæðum og öryggi
íbúanna. Við viljum sporna við því. Okkar
sýn er sú að þar sem fólki líður vel og
hugað er vel að þörfum heimamanna,
þar er gott að vera og þangað er gott að
koma. Við tökum vel á móti ferðamönnum
og öðrum gestum en það getur aldrei
orðið á kostnað lífsgæða fólksins í
bænum,“ segir Gauti.
Margir listamenn sækja innblástur til Djúpavogs. Myndin er frá sýningunni Rúllandi snjóbolti sem
fór fram dagana 13. júlí-8. ágúst í sumar.