Dagblaðið Vísir - DV - 01.11.2019, Blaðsíða 6

6 1. nóvember 2019FRÉTTIR
Leðurverkstæðið reykjavík býður upp á handunnin og
kLæðskeraskorin karLmannsbeLti úr hágæða Leðri.
Þá bjóðum við upp á mikið úrvaL af axLaböndum.
síðumúLa 33 / 108 reykjavík / sími: 551 6659 / www.Lvr.is
Leðurverkstæðið reykjavík á
sér Langa sögu en upphaf Þess
má rekja aLLt aftur tiL áranna
fyrir seinna stríð. árið 1937
hóf Það starfsemi sína að
víðimeL í reykjavík en í dag er
Það tiL húsa með versLun og
verkstæði að síðumúLa 33.
AXLARBÖND FRÁ
4.990 KR.
BELTI FRÁ
5.990 KR.
„Ég upplifi þetta sem
einelti og ekkert annað“
n Öryrki sakar heilbrigðisstjóra Suðurnesja um misbeitingu valds
n Upplifir einelti og missir hálfar bætur
Þ
essi gjörningur heilbrigðisfull-
trúa kostaði mig hálfs mánaðar ör-
orkubætur,“ segir Ólafur Harðar-
son öryrki sem búsettur er í húsbíl
við Njarðarbraut í Reykjanesbæ. Ólafur
kveðst hafa upplifað misbeitingu valds af
hálfu heilbrigðisfulltrúa Suðurnesja eftir
að jeppabifreið hans var fjarlægð af um-
ræddri einkalóð, sem að sögn eigandans
var að tilefnislausu og hluti af braski. Þegar
hann reyndi að leysa út bílinn hjá Vöku var
búið að fjarlægja hvarfakútinn og pústið
undan bílnum.
Ólafur telur ólíklegt að um tilviljun sé
að ræða í ljósi þess að bifreiðaverkstæði
stendur við hliðina á einkalóðinni, þar
sem að hans sögn er stöðugt reynt að koma
fleiri bílum inn á svæði verkstæðisins.
„Heilbrigðiseftirlit Reykjanesbæjar
Suðurnesja er að setja miða á bíla sem eru
búnir að vera númerslausir fyrir utan lóð-
ir. Bíllinn minn er í iðnaðarhverfi, á einka-
lóð, og í kringum hann eru hátt í þrjátíu
eða fjörutíu bílar. Það eru heilu lengjurn-
ar hérna af bílum og það er ekki hreyft við
neinu nema hjá mér,“ segir Ólafur. „Bíla-
verkstæðið vantar svo mikið stæði og þeir
hafa verið að nýta sér allar leiðir til að losna
við bíla sem við félagi minn eigum. Þetta er
yfirgengileg frekja. Það er allt fullt af bílum
á svæðinu og þeir hirða flottasta bílinn, bíl-
inn minn.“
Benedikt Heiðdal, eigandi lóðarinn-
ar við Njarðarbraut, þar sem Ólafur er bú-
settur, tekur undir orð hans og upplifir
þetta sem hreinræktað einelti. „Það sem
var sorglegt við þetta er að bíllinn hans
Ólafs og hundrað aðrir bílar voru fluttir
upp í Mosfellsbæ. Þar er þeim hrúgað inn
í gamla malarnámu við hliðina á ÍSTAK og
þar er meiri umgengni á næturnar af hálfu
erlendra verkamanna sem eru að skera
hvarfakútana úr bílunum. Þar með var það
gert við bílinn hans Ólafs,“ segir Benedikt.
„Ég upplifi þetta sem einelti og ekkert
annað og yfirgang hjá húsfélaginu, verk-
stæðinu og heilbrigðisfulltrúa, sem er kall-
aður til eins og smalahundur. Það er ein-
hver vinskapur þarna sem herjar á Ólaf.
Svo er fullt af hræjum sem fá að vera þarna
óáreitt. Ég hringdi í Vöku fyrir stuttu og þá
voru bílarnir mínir aftur dottnir inn á lista
yfir þá sem á að fjarlægja, en öll hræin fá
að vera í friði. Það getur enginn gert þetta
nema á undan sé genginn dómur með
vörslusviptingu. Það getur engin ríkis-
stofnun farið inn á mína lóð og tekið minn
bíl nema með slíkum dómi.“
Ekki bárust nein svör frá Heilbrigðis-
eftirliti Suðurnesja við vinnslu fréttarinn-
ar. n
Tómas Valgeirsson
tomas@dv.is
Benedikt
Heiðdal, vinur
Ólafs Ólafur
sjálfur treysti
sér ekki í
myndatöku.