Dagblaðið Vísir - DV - 01.11.2019, Blaðsíða 26

26 PRESSAN 1. nóvember 2019
n Ófremdarástand á einum vinsælasta íþróttamiðli heims n Einn rekinn og sjö sögðu upp
Þ
að logaði allt í herbúðum
netmiðilsins Deadspin
síðasta mánudag þegar
eigendur fyrirtækisins
skipuðu starfsmönnum að
skrifa eingöngu um íþróttir og
fréttir með ríka íþróttatengingu.
Vissulega hefur Deadspin verið
íþróttafjölmiðill síðan síðan var
opnuð árið 2005 en hins vegar
höfðu blaðamann fram að þessu
haft mikið frelsi í efnistökum, svo
lengi sem efnið tengdist að ein­
hverju leyti, sama hve litlu, íþrótt­
um af ýmsum toga.
Deadspin er þekkt fyrir að
vera með mjög skýra og skorin­
orða stefnu. Reglulega birtast þar
fréttir um umfjöllun um stjórn­
mál, menningu og fjölmiðla í
bland við fréttir úr íþróttaheim­
inum. „Okkur finnst leiðinlegt
að við gátum ekki haldið áfram
að fjalla svona breitt um sviðið,“
segir Jeffrey Schneider, talsmaður
G/O Media, sem rekur Dead spin,
í samtali við Huffington Post.
„Við erum spennt fyrir framtíð
Deadspin og við munum kynna
mikilvægar uppfærslur á næstu
dögum.“
Uppsögnin hneisa
Ástandið á Deadspin er hins vegar
langt frá því að vera spennandi.
Barry Petchesky, sem var ráðinn
tímabundinn ritstjóri síðunnar, var
rekinn á þriðjudag fyrir að hlýða
ekki skipunum eigenda. Næsta dag
sögðu sjö starfsmenn Deadline
upp í mótmælaskyni. Þetta hefur
því varpað dökkum skugga á fram­
tíð Deadspin, sem árið 2006 var
talin ein af fimmtíu svölustu vefsíð­
um í heimi af tímaritinu Time.
Tom Ley, einn af yfirmönnum
á Deadline, var meðal þeirra sem
sögðu upp. Í smáskilaboðum til
New York Times harmar hann
hvernig komið er fyrir fjölmiðlin­
um.
„Það var hneisa að reka Barry og
ég get ekki unnið á þeirri línu sem
stjórnendur hafa ákveðið að setja.“
Hetjuskapur
Deadspin var opnuð árið 2005 og
var hluti af fyrirtækinu Gawker
Media. Fyrsti ritstjóri miðilsins,
Will Leith, segist í tölvupósti til
New York Times vera stoltur af
uppreisninni sem þar hefur átt
sér stað.
„Það vekur innblástur að sjá
hvernig þau kýldu, öskruðu og
klóruðu á leiðinni út úr dyrunum
og það er hinn sanni andi
Deadspin. Þau neituðu að láta
vondu karlana kúga sig. Á tímum
þar sem margir hafa atvinnu af
því að lúffa þá finnst mér þetta
hreint út sagt hetjuskapur,“ skrif­
ar Will. Gawker Media var selt
til Univision árið 2016 eftir að
glímukappinn Hulk Hogan vann
meiðyrðamálssigur gegn Gawker.
Fékk hann 140 milljónir dollara í
bætur. Univision seldi netmiðla
fyrirtækisins, til að mynda leikja­
bloggið Kotaku og tækjablogg­
ið Gizmodo, auk Deadspin, til
hlutabréfasjóðsins Great Hill
Partners fyrr á þessu ári. Í kjöl­
farið var G/O Media stofnað til að
halda utan um netmiðlana.
Afskipti eigenda
Vissulega hefur það tekið á að
segja upp starfi sínu hjá fjölmiðl­
inum þar sem erfitt er að finna
atvinnu í þeim geira vestan hafs,
sem og annars staðar í heim­
inum. Prentmiðlar hafa barist í
bökkum og nú hafa margir net­
miðlar sem spruttu upp vegna
vandræða í prentheimum lent í
fjárhagserfiðleikum. Kelsey Mc­
Kinney, einn af blaðamönnunum
sem sögðu upp, stendur hins
vegar keik við sína ákvörðun.
„Ég trúi ekki lengur að fyrir­
tækið styðji við bakið á blaða­
mönnum,“ segir hún í smá­
skilaboðum til New York Times
og bendir á að forsvarsmenn
G/O Media hafi nýverið eytt út
grein þar sem kvartanir lesenda
Deadspin um sjálfspilandi aug­
lýsingar hafi verið teknar saman.
Nú stendur miðillinn eftir án rit­
stjóra eftir uppsögn Barrys, en
netmiðillinn hefur verið án fast­
ráðins ritstjóra síðan í ágúst þegar
ritstjórinn Megan Greenwell
sagði upp störfum vegna of mik­
illa afskipta eigenda.
Deadspin hefur skúbbað
mörgum málum frá stofnun árið
2005 og hefur mörg hver umfjöll­
un þeirra síðustu ár vakið mikla
athygli. Árið 2010 opinberaði
miðillinn rannsókn NFL á ruðn­
ingskappanum Brett Favre sem
áreitti sjónvarpskonuna Jenn
Sterger. Þá afhjúpaði Deadspin
árið 2013 einnig ruðningshetjuna
Manti Te‘o sem hafði haldið því
fram að kærasta hans hefði dáið
í bílslysi. Uppskar Manti mikla
samúð meðal samlanda sinna
en umfjöllun Deadspin varpaði
ljósi á að sagan hefði verið upp­
spuni frá upphafi til enda. Í júlí
árið 2017 varð síðan uppi fótur á
fit vegna ummæla sem voru látin
falla í nafni Deadspin á Twitter
þegar stjórnmálamaðurinn John
McCain tilkynnti að hann hefði
greinst með krabbamein í heila. Á
Twitter­aðgangi Deadspin var því
tíst að miðillinn vildi ekki „heyra
annað fjandans orð um John
McCain nema hann deyi eða geri
eitthvað gagnlegt til tilbreytingar.“
Það er því ljóst að Deadspin
átti marga aðdáendur en einnig
marga óvildarmenn. Framtíð
miðilsins er hins vegar algjörlega
óljós. n
Lilja Katrín Gunnarsdóttir
lilja@dv.is
„Þau
neituðu
að láta
vondu
karlana
kúga sig“
Barry Petchesky Will Leith Kelsey McKinney
Framtíðin óljós
Óvíst er hvernig fer
fyrir Deadspin.