Dagblaðið Vísir - DV - 04.10.2019, Blaðsíða 12

12 4. október 2019FRÉTTIR
Á
gúst Elín Ingþórsdóttir,
skólameistari Fjölbrauta­
skóla Vesturlands á Akra­
nesi (FVA), freistar þess
nú að vera skipuð aftur í embætti
skólameistara við FVA og hefur
jafnframt kært þá ákvörðun Lilju
Alfreðsdóttur menntamálaráð­
herra að auglýsa starfið.
Frá því að Ágústa tók við emb­
ættinu hefur hún mætt harðri
gagnrýni fyrir stjórnunarhætti
sína og framkomu við undir­
menn. Meðal annars hefur ríkið
þurft að greiða ríflega fimm millj­
ónir króna í bætur og málskostn­
að til fyrrverandi aðstoðarskóla­
meistara sem Ágústa vék úr starfi
án þess að fylgja réttum verkferl­
um.
„Hafi skólameistari skömm
fyrir“
Ágústa Elín var skipuð skóla­
meistari frá og með 1. janúar 2015
til fimm ára. Fljótlega eftir að hún
tók við embættinu sagði hún upp
sjö ræstingakonum sem störfuðu
við skólann. Skólinn hafði verið
rekinn með töluverðum halla
árin á undan og voru þessar upp­
sagnir liður í tilraun Ágústu Elín­
ar til að rétta úr kútnum. Verka­
lýðsfélag Akraness gagnrýndi
uppsagnirnar harðlega. Í yfirlýs­
ingu vegna málsins á heimasíðu
félagsins frá 13. maí 2015 segir
að það sé „dapurlegt og nöturlegt
til þess að vita að á sama tíma og
kennarar fengu 30 prósent launa­
hækkun sé krafist launalækkun­
ar hjá ræstingarfólki skólans. Þær
konur sem þarna um ræðir hafa
starfað þarna í allt
að 30 ár við góðan
orðstír.“
Kennarar skól­
ans mótmæltu
einnig uppsögnun­
um og á fundi starfs­
manna FVA var sam­
þykkt ályktun þar
sem starfsmenn mót­
mæltu uppsögnun­
um formlega og skor­
uðu jafnframt á Ágústu að draga
þær tafarlaust til baka. Fráleitt
væri að gera starfsfólk í ræstingu
ábyrgt fyrir halla skólans.
Í samtali við Skessuhorn
sögðu ræstingakonurnar upp­
sagnirnar vera nöturlega sumar­
gjöf og Vilhjálmur Birgisson, for­
maður Verkalýðsfélags Akraness
gerði uppsagnirnar að umfjöll­
unarefni á baráttufundi félagsins
þann 1. maí 2015 þar sem hann
sagði: „Hafi skólameistari skömm
fyrir þessa framgöngu og skora ég
á hann að draga þessar uppsagnir
tafarlaust til baka og leita annarra
leiða til að fara í vasa íslensks lág­
tekjufólks til hagræðingar.“
Kom fram við staðgengil sem
aðstoðarmann
Í mars á þessu ári féll dómur
Landsréttar í máli Hafliða Páls
Guðjónssonar, fyrrverandi að­
stoðarskólameistara FVA, gegn
ríkinu. Kærði hann þar ákvörðun
Ágústu Elínar að víkja honum
fyrirvaralaust úr starfi aðstoðar­
skólameistara árið 2015, sem
hann hafði aðeins nýlega tekið
við, sem og úr kennarastarfi við
skólann, en hann hafði unnið
þar frá árinu 1998. Bæði héraðs­
dómur og Landsréttur komust
að þeirri niðurstöðu að uppsögn
Hafliða hefði verið ólögmæt,
bæði hvað varðaði aðstoðar­
skólameistarastöðuna sem og
kennarastöðuna.
Greindi Hafliða og Ágústu á
um hvað fælist í því að vera að­
stoðarskólameistari. Hafliði lagði
hefðbundinn skilning í starfið,
það er staðgengill skólameistara,
en Ágústa Elín virtist fremur telja
að Hafliði væri aðstoðarmaður
hennar sem ætti að vera henni
innan handar í hverju því verki
sem henni dytti til hugar að fela
honum.
Skólanefnd FVA efast um að
rétt hafi verið staðið að ráðn-
ingu Ágústu
Í október 2015, skömmu eftir að
Hafliða Páli var vikið úr starfi, rit­
aði Reynir Eyvindsson, formaður
skólanefndar FVA, pistil þar sem
hann rakti aðkomu skólanefndar
að ráðningu Ágústu Elínar. Í pistl­
inum gagnrýndi hann að mennta­
málaráðuneyti hefði bannað
skólanefnd að boða umsækjend­
ur í viðtal heldur var þeim gert að
byggja afstöðu sína alfarið á fyrir­
liggjandi gögnum. Nefndin mátti
ekki einu sinni hafa samband við
umsækjendur til að afla viðbótar­
gagna eða upplýsinga. Á papp­
írum voru Ágústa Elín og einn
annar umsækjandi talin hæfust.
Í kjölfar þess að Ágústa var ráð­
in sendi skólanefnd kvörtun til
ráðuneytisins yfir ráðningarferl­
inu. „Það einkenndist allt af
seinagangi og skorti á upplýsing­
um. Þessa kvörtun sendum við
aftur 23. maí. Hvorugu erindinu
var svarað.“ Kennarafélagið hafi
einnig kvartað yfir Ágústu án þess
að ráðuneytið gripi til aðgerða.
Félagið kvartaði svo aftur eftir að
Hafliða var vikið úr starfi og þá
loks hafi borist viðbrögð frá ráðu­
neytinu. Reynir kvaðst þó í pistl­
inum aðeins vera hóflega bjart­
sýnn á að tekið yrði á málinu af
festu.
Svört skýrsla um faglega
forystu
Árið 2017 var gerð úttekt á starf­
semi FVA fyrir menntamálaráðu­
neytið. Þar segir meðal annars
í niðurstöðum: „Ágreiningur er
innan FVA um faglega forystu
skólameistara“, „Augljós núning­
ur er á milli formanns nefndar­
innar [skólanefndarinnar] og
skólameistara.“
Í úttektinni kom einnig fram
að menntamálaráðuneytið hefði
brugðist við kvörtunum og stríðs­
ástandinu í FVA með því að láta
gera vinnusálfræðilega úttekt á
ágreiningsmálum og með því að
skipa svonefnda stjórnunarráð­
gjafa til að aðstoða Ágústu við að
leysa samskiptavanda. Þrátt fyrir
þessar aðgerðir segir í úttektinni:
„Þrátt fyrir margvíslega ráðgjöf
um aðgerðir og umbótaáætlun í
mars 2016 tókst ekki að lægja öld­
ur“ og „Átök síðustu ára hafa sett
sinn svip á skólastarfið og ímynd
skólans hefur skaðast til skemmri
tíma litið“. Af skýrslunni er ljóst
að þó svo að samskiptaerfiðleik­
ar hafi dvínað, þá voru þeir enn
til staðar þegar skýrslan var rit­
uð. Hins vegar er tekið fram í
skýrslunni að um leið og Ágústa
tók við embætti hafi hún ráð­
ist í hagræðingaraðgerðir sem
voru ekki vinsælar meðal starfs­
manna en báru þó þann árang­
ur að skólinn var ekki lengur rek­
inn með halla strax eftir fyrsta ár
hennar í starfi. Í skýrslunni kom
einnig fram að FVA hefði einnig
komið illa út í könnun SFR á
Stofnun ársins, en FVA hafnaði
þar í næstsíðasta sæti.
Ágústa sendi ráðuneytinu
athugasemdir vegna skýrslunnar
þar sem hún hafnaði mestallri
þeirri gagnrýni sem sett var fram í
henni. Nokkrir starfsmenn innan
skólans hafi magnað upp ástand
sem hafi þegar verið til stað­
ar í skólanum, áður en hún tók
við stöðunni. Andstaða við hana
hafi verið skipulögð af nokkrum
starfsmönnum strax eftir að
Ágústa var ráðin. Einnig benti
hún á að varðandi fullyrðingu um
að átök hefðu sett svip á skóla­
starf og skaðað ímynd, að þarna
væri um huglægt mat úttektar­
aðila að ræða og beinlínis rangt.
Efaðist hún jafnframt um að hægt
væri að mæla ímynd skóla.
Tengsl inn í ráðuneytið
Áður en Ágústa varð skólameist­
ari FVA hafði hún starfað í ríflega
áratug í Borgarholtsskóla. Ólafur
Sigurðsson var þá skólameist­
ari en hafði sagt starfi sínu lausu
og tekið við stjórnunarstöðu hjá
mennta­ og menningarmála­
ráðuneyti þegar Ágústa Elín var
skipuð í starf, en það er mennta­
málaráðuneyti sem tekur end­
anlega ákvörðun um ráðningu
skólameistara. Ólafur sá einnig
um samskipti við lögmann áð­
urnefnds Hafliða Páls fyrir hönd
mennta­ og menningarmála­
ráðuneytis í aðdraganda mál­
sóknarinnar.
Tilkynning degi of seint
Nú hefur Ágústa Elín kært
ákvörðun menntamálaráðherra
um að auglýsa stöðu skólameist­
ara FVA. Hefði henni átt að ber­
ast tilkynning fyrir þann 30. júní
á þessu ári um að slíkt yrði gert.
Hins vegar hafi tilkynning ekki
borist fyrr en 1. júlí. Reyndar
hefði Lilja hringt í Ágústu þann
30. júní, sem var sunnudagur, en
formlegt bréf ekki borist fyrr en
1. júlí í tölvupósti og svo 4. júlí í
ábyrgðarpósti. Ágústa telur því
að skipun hennar eigi sjálfkrafa
að framlengjast í fimm ár til við­
bótar, eða til 2025. Lilja Alfreðs­
dóttir hefur vegna þessa ákveðið
að taka ekki þátt í ráðningarferl­
inu. nSmiðjuvegur 4C - 202 Kópavogur - S 587 2202
Ryðga ekki
Brotna ekki
HAGBLIKK
Álþakrennur & niðurföll
Litir á lager:
Svart, hvítt, ólitað, rautt, silvurgrátt og dökkgrátt
„Hafi skólameistari skömm fyrir“
n Umdeildur skólameistari n Erfiðleikar í samskiptum og óánægja starfsmanna
Erla Dóra
erladora@dv.is
Umdeildur
skólameistari
Skjáskot/RÚV
Lilja Alfreðsdóttir