Fréttablaðið - 10.01.2008, Page 28

[ ]
Einn, tveir, einn, tveir.
Ný líkamsræktarstöð með
spa-aðstöðu hefur verið opnuð
á Grand hóteli við Sigtún í
Reykjavík. Í tækjasalnum eru
þjálfarar til aðstoðar almenn-
ingi og herðanudd eftir æfingar
er innifalið í prógramminu.
„Hér er fullkomin líkamsræktar-
stöð með tækjasal og líka spa sem
felst í heitum potti ásamt gufubaði
og nuddi,“ segir Sólveig Bjarna-
dóttir, starfsmaður í móttöku
Grand Spa, og sýnir aðstöðuna.
Þar er meðal annars fullkomin La
Mer snyrtistofa, ein fjögurra
slíkra í heiminum, og herbergi til
að slaka á í og teygja.
Athygli vekur veggur með drag-
vírum. Sólveig segir þá koma í
stað lóða. „Þetta nefnist Kinesis
og er nýtt æfingarform. Fólk færir
sig eftir veggnum og tekur hvern
líkamspart fyrir í einu. Þannig
notar það allt hreyfisviðið eðli-
lega.“
Önnur nýjung er skíða-fitness
og golf-fitness. „Þá getur mann-
eskja sem er mikið á skíðum þjálf-
að vöðva sem hún þarf að styrkja
vegna skíðaíþróttarinnar. Sama á
við um golfið. Allir eiga að fá sem
mest út úr þessu,“ segir Sólveig.
Íþróttafræðingurinn Goran
Micic er með leiðbeiningar um
mataræði og námskeið sem byggj-
ast á stöðvarþjálfun að sögn Sól-
veigar. „Námskeiðin eru fyrir
allan aldur og bæði kyn. Allir geta
verið á sínum hraða og í hvaða
formi sem er. Þarna er miðað við
getu hvers og eins og fengið það út
úr þjálfuninni sem þeir þurfa,“
lýsir hún. Svo kemur eitt trompið
enn. Handklæði fylgja með fyrir
hvern og einn þannig að fólk losn-
ar við stöðugan handklæðaþvott á
heimilunum. Lífrænt kaffi er í
boði Grand Spa og þeir sem eru á
námskeiði fá orkudrykk eftir
hverja æfingu. Auk þess er boost-
bar á staðnum.
Í tækjasalnum eru þjálfarar
ávallt tilbúnir að aðstoða fólk að
sögn Sólveigar og þeir þátttakend-
ur sem eru í föstum tímum fá þjálf-
unarprógramm og geta fengið
vigtun og mælingu. Þar sem stöðin
er inni á hóteli fær Sólveig veiga-
mikla spurningu. Er þetta stöð
fyrir almenning eða bara fyrir hót-
elgesti? „Þetta er sjálfstætt rekin
stöð og er fyrir hvern sem er. Við
reynum að hafa hana þannig að
fólk sé í friði frá umheiminum og
ekkert að spekúlera í hvernig veðr-
ið sé úti. Það er bara í sínum
heimi.“ gun@frettabladid.is
Dragvírar í stað lóða
Á spa-svæðinu er boðið upp á herða-
nudd eftir æfingar.
„Allir fá handklæði í hvert skipti sem þeir koma,“ segir Sólveig Bjarnadóttir, starfs-
maður í afgreiðslunni. FRÉTTABLAÐIÐ/AUÐUNN
Heilsudrykkir ýmiss konar njóta nú mikilla vinsælda eftir ofát
jólanna. Setja má heilmikla hollustu í eitt glas af safa og þeir sem eiga
safapressu leika sér oft með ýmsar samsetningar. Til dæmis er engifer
góður gegn kvefi sem og ýmiss konar vítamín í grænmeti og ávöxtum.
Reyklaus spítali
Æ FLEIRI REYKHERBERGJUM Á
LANDSPÍTALA ER LOKAÐ.
Nú nýverið var reykherbergjum á
öldrunarsviði á Landakoti og á end-
urhæfingarsviði á Grensási lokað
en í desember var reykherbergi á
sjúkrahótelinu lokað. Þetta er liður
í því að gera Landspítala að reyk-
lausu sjúkrahúsi en 15. ágúst í
fyrra var reykherbergjum sjúklinga
á Landspítala Fossvogi og á bráða-
deildum við Hringbraut lokað.
Um leið er þó lögð áhersla á að
hjálpa fólki að hætta að reykja á
meðan það dvelur á Landspítala
og sjúklingum boðin meðferð
meðan á innlögn stendur.
Upplýsingar, stuðningur og
meðferð hjálparlyfja til reyk-
leysis fyrir sjúklinga eru á hönd-
um þeirra sem annast meðferð
á deildum. Þá hefur á geðsviði
verið sett fram meðferðaráætl-
un sem byggir á virkum stuðn-
ingi við að hjálpa sjúklingum
að hætta að reykja meðan þeir
dvelja á sjúkrahúsinu.
Kinesis. Veggur með dragvírum.
/ rakel@osk.is