Morgunblaðið - 03.10.2019, Síða 6

6 FRÉTTIRInnlent
MORGUNBLAÐIÐ FIMMTUDAGUR 3. OKTÓBER 2019
Kristján H. Johannessen
khj@mbl.is
„Leitar- og björgunarsvæði Íslands
er það stórt að við höfum lítinn mátt
til að sinna því. Ef upp kemur um-
fangsmikið slys á norðurslóðum höf-
um við í raun ósköp takmarkaða
möguleika til að veita hjálp,“ segir
Björn Karlsson, forstjóri Mann-
virkjastofnunar, við Morgunblaðið.
Hann hélt í vikunni fyrirlestur í
Þjóðarbókhlöðunni um áhættugrein-
ingu og áhættumat. Var það hluti af
fyrirlestraröð Rannsóknaseturs um
norðurslóðir við Háskóla Íslands, en
málefni norðurslóða hafa í vaxandi
mæli ratað í umræðuna á undan-
förnum árum. Í ávarpi sínu fjallaði
Björn sérstaklega um verkefni þar
sem áhættugreining og áhættumat
er notað til að meta áhættu og
björgunarmöguleika vegna slysa á
norðurslóðum.
Björn segir ljóst að efla þurfi
björgunarmátt Íslendinga vegna
aukinnar umferðar á norðurslóðum.
„En ég tel það ekki vera rétt að ís-
lenskir skattgreiðendur eigi einir að
standa að þeirri uppbyggingu. Það
er í raun ekki hægt að ætlast til
þess. Mun frekar ættu menn að
setja ábyrgðina á þá sem eru að at-
hafna sig á norðurslóðum, að þeir
greiði fyrir sitt,“ segir hann.
Íslenska leitar- og björgunar-
svæðið er 1,9 milljónir ferkílómetra
að flatarmáli. Er það næstum tutt-
ugufalt flatarmál Íslands og ber
Landhelgisgæslan ábyrgð á að hefja
og stýra öllum aðgerðum vegna
flug- og sjóatvika á þessu svæði.
Þannig starfar Landhelgisgæslan á
svæði sem nær langt suður fyrir
Grænland, austur fyrir Færeyjar og
norður fyrir Jan Mayen. Teygir
svæðið sig að hluta yfir efnahags-
lögsögu fimm ríkja, samkvæmt upp-
lýsingum frá Landhelgisgæslu Ís-
lands.
Björn bendir á að slys verði gjarn-
an í vályndum veðrum og við erfiðar
aðstæður. Þá segir hann ljóst að
lendi stórt skemmtiferðaskip í alvar-
legu sjóatviki á norðurslóðum fjarri
ströndum Íslands þurfi vart að
spyrja að leikslokum. „Líf týnast á
klukkustundum, það getur tekið
daga að senda varðskip á slysstað.“
Aðeins tvö varðskip í rekstri
Ásgrímur L. Ásgrímsson er fram-
kvæmdastjóri aðgerðasviðs Land-
helgisgæslu Íslands. Hann segir tvö
varðskip vera í rekstri um þessar
mundir, Þór og Tý. Búið sé að taka
Ægi úr rekstri þó að hann sé enn í
eigu ríkisins. Þá hefur Landhelgis-
gæslan yfir að ráða þremur leitar-
og björgunarþyrlum og einni eftir-
lits- og björgunarflugvél.
„Við höfum okkar áskoranir og
aðstæður með erfiðu veðurfari en
hið sama má vafalaust segja um
alla,“ segir Ásgrímur og bætir við að
Landhelgisgæslan hafi átt í mjög
góðu samstarfi við aðrar þjóðir, s.s.
Dani, þegar kemur að eftirliti og
björgun á hafsvæðinu í kringum Ís-
land. Hann segir Gæsluna þó þurfa
annað skip og áhöfn í sína þjónustu.
„Það væri ákjósanlegt að geta
alltaf verið með tvö öflug skip á sjó
samtímis, en til þess þurfum við þrjú
skip í rekstri og þrjár áhafnir.“
Spurður hvort Gæslan telji nú
þörf á að festa kaup á nýju varðskipi
svarar Ásgrímur: „Það hefur ekki
verið farið í frekari athuganir á
smíði að kaupum á nýju eða notuðu
varðskipi,“ en tækjakostur LHG er
metinn reglulega í landhelgisáætlun
í samstarfi við stjórnvöld.
Takmörkuð geta til að veita hjálp
 Íslenska leitar- og björgunarsvæðið er 1,9 milljón ferkílómetrar  Höfum lítinn mátt til að sinna
því, segir forstjóri Mannvirkjastofnunar  Tvö varðskip og fjögur loftför eru til taks hjá Gæslunni
Morgunblaðið/Júlíus
Öflugur Þór hefur reynst Landhelgisgæslunni vel en þörf er á minnst þrem-
ur góðum skipum í rekstri svo stuðla megi að góðu viðbragði Gæslunnar.
Íslenska leitar- og
björgunarsvæðið
Íslenska leitar-
og björgunar-
svæðið er
1,9 milljónir
ferkíló metra
að fl atarmáli.
Ísland ber
ábyrgð á að hefja
og stýra öllum
aðgerðum vegna
fl ugatvika og
sjóatvika á þessu
svæði.
ÍSLAND
KANADA
DANMÖRK
(GRÆNLAND)
K
o
rt
: L
a
n
d
-
h
e
lg
is
gæ
sl
a
n
Höskuldur Daði Magnússon
hdm@mbl.is
„Þetta hús gjörbreytir allri aðstöðu
við völlinn, bæði tengt æfingum og
leikjum,“ segir Bjartur Aðalbjörns-
son, fyrirliði karlaliðs Einherja í
knattspyrnu.
Nú er verið að byggja nýtt vall-
arhús við knattspyrnuvöllinn á
Vopnafirði. Þegar það er risið verð-
ur í fyrsta sinn í 45 ára sögu Ein-
herja hægt að fara í sturtu við völl-
inn.
„Alla tíð manns hjá Einherja hef-
ur verið notast við búningsklefa í
íþróttahúsinu. Svo hefur maður
annaðhvort þurft að hlaupa upp á
völl eins og gert var í yngri flokk-
unum eða keyra upp á völl í fullum
skrúða. Aðkomumönnum finnst
þetta mjög sérstakt,“ segir Bjartur.
Á árum áður, áður en íþróttahús var
byggt við skólann í bænum, var þó
aðstaðan enn frumstæðari. „Þá not-
uðust meistaraflokkarnir við bún-
ingsklefa í frystihúsinu fyrir leiki.
Þetta hefur verið löng bið. Nú fáum
við loksins klefastemningu hjá fé-
laginu,“ segir hann.
Þór Steinarsson sveitarstjóri seg-
ir í samtali við Morgunblaðið að
byggingu vallarhússins verði lokið
næsta vor. Kostnaður liggi ekki fyr-
ir en ljóst sé að hann hlaupi á tugum
milljóna. Hluti framkvæmdarinnar
er fjármagnaður með styrk úr
mannvirkjasjóði KSÍ. „Þetta hefur
verið lengi í undirbúningi. Fótbolt-
inn á Vopnafirði er gríðarlega öfl-
ugur og það er góð mæting á leiki
allra liða. Það þarf að hlúa að þessu
starfi,“ segir Þór.
Bjartur segir að nýja húsið upp-
fylli allar kröfur KSÍ. Þar verða
búningsklefar fyrir bæði lið, dóm-
araaðstaða, geymsluaðstaða, salerni
fyrir áhorfendur og lítil félagsað-
staða. Hann vonast til að gamall
hvítur kofi sem notaður hefur verið
sem vallarhús fái að standa áfram.
„Hann á sér svo merka sögu. Þetta
er gamla flugskýlið á Vopnafirði
sem var fært og notað sem vall-
arhús. Nýjustu hugmyndir eru að
breyta kofanum í safn, svipað og
Valsmenn gerðu með Fjósið.“
Morgunblaðið/Hari
Uppbygging Framkvæmdir við nýtt vallarhús á Vopnafirði hófust fyrr á árinu. Gert er ráð fyrir að húsið verði klár-
að næsta vor. Þá verður í fyrsta sinn í 45 ára sögu Einherja hægt að fara í sturtu við knattspyrnuvöll félagsins.
Húsið gjörbreytir að-
stöðunni á Vopnafirði
 Á árum áður var búningsaðstaða leikmanna í frystihúsinu
Þór
Steinarsson
Bjartur
Aðalbjörnsson
Þrátt fyrir fjölda funda í kjara-
viðræðum Rafiðnaðarsambandsins
og orkufyrirtækjanna um endurnýj-
un kjarasamninga hefur ekki tekist
að ljúka samningum. ,,Við vorum á
fundi í gær með Landsvirkjun og
bundum vonir við að geta klárað
þetta þá en það gekk ekki eftir,“
segir Kristján Þórður Snæbjarnar-
son, formaður Rafiðnaðarsam-
bandsins í samtali við Morgun-
blaðið.
Í umfjöllun um stöðu viðræðna á
vefsíðu sambandsins segir að hraði
viðræðna þurfi að vera miklu meiri
til þess að árangur fari að sjást.
Ljóst sé að óþreyju sé farið að gæta
í baklandi rafiðnaðarmanna innan
fyrirtækjanna.
Rafiðnaðarmenn hafa lokið gerð
átta samninga frá því að lífskjara-
samningarnir voru undirritaðir í vor
en hægt hefur miðað í viðræðum við
orkufyrirtækin og sömu sögu er að
segja af viðræðum við ríkið og
Reykjavíkurborg. Engri deilu hefur
þó enn verið vísað til Ríkissátta-
semjara. Kristján segir að fundað
verði með Rarik í dag og viðræður
séu í gangi við Orkuveitu Reykja-
víkur. Í næstu viku sé boðaður
samningafundur með fulltrúum
Landsnets.
Tekist á um vinnutímamál
og launabreytingar
Tekist er á um ýmis mál við
samningaborðið, vinnutímamál,
launahækkanir og ýmis útfærslu-
atriði innan fyrirtækjanna. Þá er
kjarasamningur rafiðnaðarmanna
hjá ISAL einnig laus en samningar
í öðrum stóriðjuverksmiðjum losna í
kringum áramótin og á næsta ári.
Óþreyja vegna
hægagangsins
holar@holabok.is — www.holabok.is
Afmælisrit til heiðurs
SIGMARI Ó. MARÍUSSYNI
Þann 8. mars 2020 á Sigmar Ó. Maríusson
gullsmiður (Siddi gull) 85 ára afmæli.
Þann dag kemur út bók um hann á vegum
Bókaútgáfunnar Hóla, skráð af Guðjóni Inga
Eiríkssyni, og verður hún í senn æviminningar
hans og afmælisrit.
Í bókinni verður svokölluð „Heillaóskaskrá“ og þar
getur fólk óskað honum heilla og jafnframt skráð
sig fyrir áskrift að bókinni.
Verð hennar, með sendingargjaldi og
virðisaukaskatti, verður kr. 7.500- og verður það
innheimt fyrirfram.
Skráning er á netfanginu: holar@holabok.is eða í
s. 557-5270. Henni lýkur 10. október.
Bókin verður send áskrifendum á
útgáfudaginn (afmælisdaginn).