Morgunblaðið - 03.10.2019, Síða 20

20 FRÉTTIRInnlent
MORGUNBLAÐIÐ FIMMTUDAGUR 3. OKTÓBER 2019
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma
Sigurður Bogi Sævarsson
sbs@mbl.is
Nú í vikunni undirrituðu þjóðminja-
vörður og hjónin Þórarinn Eldjárn
rithöfundur og Unnur Ólafsdóttir
veðurfræðingur samning um að þau
sinni hefðum samkvæmt umhirðu og
eftirliti með Arngrímsstofu í Svarf-
aðardal sem tilheyrir húsasafni
Þjóðminjasafnsins. „Arngrímsstofa
verður í góðum höndum. Þjóðminja-
safnið á sér marga góða og trausta
bakhjarla. Þar er fólkið sem vinnur
með okkur við umsjón með bygg-
ingum í húsasafni okkur sérstaklega
mikilvægt. Það er til dæmis okkar
frábæra handverksfólki afar mik-
ilvægt í samstarfi,“ segir Margrét
Hallgrímsdóttir þjóðminjavörður.
Húsasafnið er kjarninn í safnkosti
Þjóðminjasafns á landsbyggðinni,
merkilegur arfur þar sem umhverfi
og mannvirki fara saman. Í safninu
eru 62 gamlar byggingar á 41 stað
víða um land og allar hafa þær, hver
á sinn hátt, sérstöðu í menning-
arsögu Íslendinga. Á hverjum stað
sinnir heimafólk daglegri umsjón
með byggingunum, en viðhald og
viðgerðir eru á ábyrgð Þjóðminja-
safnsins.
Samofin saga húsa
Arngrímsstofa er kennd við Arn-
grím Gíslason (1829-1887) listmálara
sem bjó sín síðustu ár í Gullbringu;
hjáleigu frá kirkjustaðnum og höf-
uðbólinu Tjörn. Torfbær stóð í Gull-
bringu á dögum Arngríms og sunn-
an við hann reisti hann sér
vinnustofuna, sem er sex fermetra
timburhús með torfþaki. Þjóðminja-
safni Íslands var færð byggingin til
eignar og varðveislu 1953. Húsið var
endurbyggt nánast frá grunni 1983
og æ síðan hefur það fengið reglu-
bundið og nauðsynlegt viðhald.
Í Gullbringu er timburhús sem
reist var árið 1912 og er það nú
ásamt nýbyggingu sumarhús Þór-
arins og Unnar. Áður var húsið í
eigu foreldra Þórarins, þeirra Hall-
dóru og Kristjáns Eldjárns, þjóð-
minjavarðar og forseta Íslands, sem
var frá Tjörn. „Vel fer á þessu sam-
starfi enda Arngrímsstofa sam-
byggð Gullbringu og saga húsanna
samofin. Okkur þykir sömuleiðis
vænt um að unnt sé að hlúa þannig
að arfleifð Kristjáns Eldjárns,“ segir
Margrét Hallgrímsdóttir.
Sterkar rætur í Svarfaðardal
„Arngrímsstofa er klárlega elsta
vinnustofa listamanns sem til er á
Íslandi. Og ekki bara það, faðir minn
skrifaði ævisögu Arngríms sem út
kom 1983 og segir þar fullum fetum
að hún sé fyrsta „atelier“ sem byggt
hefur verið á Íslandi,“ segir Þór-
arinn sem með fjölskyldu sinni er
mikið í Svarfaðardal á sumrin.
Samningurinn við Þjóðminjasafnið
mótast raunar af því, en skyldurnar
sem kveðið er á um eru að þrífa hús-
ið, vökva þekju og fylgjast með
ástandi öllu. Einnig yfir sumartím-
ann að sinna eftir föngum gestum
sem ber að garði og veita þeim
fræðslu. Einnig stendur til að hressa
upp á litla myndasýningu sem þar er
og jafnvel standa fyrir menningar-
viðburðum sem hæfa staðnum og
sögu hans, þó ekki sé gólfflöturinn
stór.
„Rætur mínar í Svarfaðardal eru
sterkar. Þar var ég í sveit á sumrin í
nokkur ár og við systkinin öll og
makar höfum alltaf sótt mikið þang-
að. Sömuleiðis afkomendur okkar;
þar eigum við öll góðar stundir við
leik og störf. Þar er gott að sitja og
standa við skriftir, enda margt í
vinnslu; sögur og ljóð,“ segir Þór-
arinn í Gullbringu að síðustu.
Undirritun Unnur Ólafsdóttir og Þórarinn Eldjárn hér með Margréti Hallgrímsdóttur þjóðminjaverði, sem er til
hægri á myndinni, þegar samningar um að þau hjónin verði vörslufólk Gullbringu í Svarfaðardal voru undirritaðir.
Annast Arngrímsstofu
 Elsta vinnustofa íslensks listamanns  6 fermetrar undir
torfi  Þórarinn og Unnur  Góðar stundir í Gullbringu
Morgunblaðið/Sigurður Bogi
Svarfaðardalur Í hlíðinni ofan við Tjörn eru þessar byggingar. Arngríms-
stofa er nær með torfþakinu en fjær með frambyggingunni er Gullbringa.
Hugmyndasöfnun í verkefninu
Okkar Kópavogur hófst í vikunni.
Fram til 21. október verður hug-
myndir á vef verkefnisins um ýms-
ar framkvæmdir
í bænum. Kosið
verður milli hug-
mynda í árs-
byrjun næsta árs
og hefjast fram-
kvæmdir á því
og hinu næsta.
Alls 200 millj-
ónum verður á
tveimur árum
varið til fram-
kvæmda verkefna og er fjár-
munum skipt í hlutfalli við stærð
bæjarhluta. Framkvæmdafé skipt-
ist á tvö ár.
Fundir í hverfunum
Fimm íbúafundir verða haldnir á
næstunni í tengslum við Okkar
Kópavog. Fyrsti fundurinn er í
Salaskóla í kvöld, 3. október, fyrir
íbúa Linda- og Salaskólahverfis.
Fundurinn hefst kl. 17 og stendur
til 18.30. Upplýsingar um fundi í
öðrum hverfum má finna á vef
Kópavogsbæjar.
Meðal þess sem íbúar völdu í árs-
byrjun 2018 er hjólabraut við
íþróttahús í Digranesi, körfubolta-
völlur við Hörðuvallaskóla, frisbí-
golfvöllur í Guðmundarlundi,
vatnspóstar og bekkir víða um bæ-
inn, eftirlitsmyndavélar í Linda-
hverfi og fjölgun hjólastæða við
Smáraskóla.
Íbúar eru sérfræðingar
„Hugmyndir sem íbúar hafa lagt
til í Okkar Kópavogi eru afar fjöl-
breyttar og verkefnin sem hafa
verið valin í kosningum setja
sannarlega svip sinn á bæinn. Íbú-
ar kunna vel að meta framtakið,
sem sést á því hversu góð þátt-
takan hefur verið, bæði í hug-
myndasöfnun og kosningum á milli
verkefna,“ segir Ármann Kr. Ólafs-
son, bæjarstjóri í Kópavogi. Sjálfur
kveðst hann líta svo á að íbúar séu
sérfræðingar í málefnum nærsam-
félags síns. Viti vel hvað þurfi að
gera í nágrenni sínu svo gera megi
umhverfið þar betra. Af þeim sök-
um hafi verkefnið hitt í mark.
„Loks má geta að Okkar Kópa-
vogur er í takti við þá áherslu sem
við höfum lagt á íbúasamráð. Við
erum að kalla eftir áliti íbúa í fjöl-
mörgum málum, bæði með því að
opna samráðsgáttir á vefnum og
með íbúafundum. Í þessu verkefni
bjóðum við íbúum til funda á fimm
stöðum í bænum og þar velja fund-
argestir verkefni saman sem
tryggt er að fari í kosningu, það
hefur gefist vel að blanda þessum
tveimur leiðum saman. “ sbs@mbl.is
Hugmyndaleit
í Kópavoginum
Morgunblaðið/Sigurður Bogi
Kópavogur Lindir og Engihjalli.
 Íbúar velja  200 millj. kr. í pottinum
Ármann Kr.
Ólafsson
Forstöðukona Droplaugarstaða
segir enga aðra íbúa heimilisins
hafa greinst með hermannaveiki.
Hreinsun á vatnslagnakerfi hússins
fer fram á morgun og hafa aðrir
verktakar verið fengir til að sjá um
hreinsunina.
„Það verða allt aðrir aðilar sem
hreinsa þetta núna. Það er í raun-
inni Mannvit sem sér um þetta og
þeir fengu nýjan verktaka að borð-
inu núna við hreinsunina.
Aðferðirnar dugðu
Aðferðirnar sem notaðar voru
síðast virðast ekki hafa dugað og
við vildum fá annan aðila að borð-
inu. Við getum samt ekki sagt að
hitt hafi ekki verið nægilega vel
gert, við vitum það hreinlega ekki,“
segir Jórunn Frímannsdóttir, for-
stöðukona Droplaugarstaða.
Greindist fyrir 6 vikum
Íbúi Droplaugarstaða greindist
með hermannaveiki fyrir sex vik-
um. Ekki hefur náðst að uppræta
bakteríuna, en í kjölfar hreinsunar-
innar á vatnslagnakerfi á morgun
mun Matís taka sýni úr vatns-
lögnum hússins og staðfesta að að-
gerðirnar hafi verið fullnægjandi.
Hermannaveikin eða Legionell-
bakterían lifir í vatnslagnakerfum.
Jórunn segir að hreinsunin feli ekki
í sér röskun að nokkru leyti fyrir
íbúa Droplaugarstaða, en þar búa
rúmlega 80 einstaklingar sem
þurfa daglega hjúkrun og aðhlynn-
ingu.
„Enginn annar hefur smitast að
okkur vitandi og það hefur gengið
vel að passa fólkið okkar,“ segir
Jórunn.
Ekki hafa fleiri greinst með hermannaveiki
á Droplaugarstöðum, segir forstöðukona