Tímarit hjúkrunarfræðinga - 2017, Blaðsíða 42

Fagdeild krabbameinshjúkrunarfræðinga á Íslandi fagnaði 20 ára afmæli sínu árið
2016. Af því tilefni var farið af stað með röð greina undir heitinu VIÐ GETUM — ÉG
GET í samvinnu við Krabbameinsfélag Íslands sem birtust í Fréttablaðinu síðastliðið
ár. Greinarnar voru alls átta og birtist sú fyrsta 4. febrúar sem er alþjóðlegur dagur
gegn krabbameini. Alþjóðasamtökin gegn krabbameini skora á þjóðir heims að taka
þátt í að vekja athygli á baráttunni gegn krabbameini með slagorðinu Við getum — ég
get. Mikilvægt er að samfélög og einstaklingar leggi sitt af mörkum til að fækka
krabbameinstilfellum og draga úr áhrifum sjúkdómsins en markmiðið með greina -
röðinni, sem er endurbirt í þessu blaði, var að upplýsa almenning um krabbamein því
það kemur okkur öllum við og einn af hverjum þremur fær það.
Að sögn Rannveigar Bjarkar Gylfadóttur, fráfarandi formanns fagdeildar krabba-
meinshjúkrunarfræðinga, og Kristínar Sigurðardóttur, núverandi formanns, hafa gríðar-
legar framfarir orðið í rannsóknum og greiningum á krabbameini undanfarin tuttugu
ár. Fagdeildin er ein af fyrstu fagdeildunum í hjúkrunarfræði sem var stofnuð innan
félagsins. Nú eru 182 meðlimir í fagdeildinni enda fjölbreytt svið og fjöldi hjúkrun-
arfræðinga hlotið sérmenntun á sviðinu. Þrátt fyrir að fólki, sem greinist með krabba-
mein, fjölgi, en um þriðjungur fólks greinist með krabbamein einhvern tíma á
lífsleiðinni, þá læknast fleiri og fleiri. Það fólk, sem læknast ekki, lifir lengur með sínum
sjúkdómi en áður var. Báðir hópar þurfa fjölbreytta og einstaklingshæfða meðferðarþjón-
ustu sem og endurhæfingarúrræði sem fer fjölgandi. Hlutverk hjúkrunarfræðinga í
krabbameinshjúkrun hefur í kjölfar þessa orðið enn viðameira síða stliðin ár.
VIÐ GETUM …
• haft áhrif á tíðni krabbameins
• stutt aðra, auðveldað þeim að takast á við krabbameinið og átt þátt í að bæta líðan
þeirra og lífsgæði
• haft áhrif á umræðuna og hafið samtalið um hvað er okkur mikilvægt og hvernig
við getum undirbúið dauða okkar
• sem samfélag stutt við fólk sem hefur fengið krabbamein til að endurhæfast til dag-
legra starfa
• sem samfélag lagt áherslu á að krabbameinsrannsóknir séu stundaðar og niður -
stöður þeirra nýttar til að efla forvarnir og bæta meðferð og þjónustu
• haft áhrif með því að tala um kynheilbrigði, miðlað upplýsingum og verið opin og
tilbúin til umræðu
• sem samfélag uppfrætt hvert annað um þá breidd sem felst í líknarmeðferð og þannig
upprætt lífseigan misskilning um að hún eigi einungis við þegar lífslokin nálgast
ÉG GET …
• verið meðvitaður/meðvituð um einkennin og brugðist við þeim
• leitað eftir stuðningi hjá öðrum til að takast á við krabbameinið
• rætt við fjölskyldu mína um hvað er mér mikilvægt og hvað ég myndi vilja forðast
ef ég veiktist alvarlega eða slasaðist
• endurhæfst til daglegra starfa
• sem einstaklingur stutt við og tekið þátt í krabbameinsrannsóknum
• verið virkur þátttakandi
• verið meðvitaður/meðvituð um einkennin og brugðist við þeim
42 tímarit hjúkrunarfræðinga • 1. tbl. 93. árg. 2017
Rannveig Björk Gylfadóttir, fráfarandi formaður
fagdeildar krabbameinshjúkrunarfræð inga.
VIÐ GETUM — ÉG GET …
„Krabbamein kemur okkur öllum við“
Kristín Sigurðardóttir, núverandi formaður og
formaður fagdeildar krabbameinshjúkrunar -
fræðinga.