Tímarit hjúkrunarfræðinga - 2019, Page 73

Tímarit hjúkrunarfræðinga | 73
fylgjumst mjög vel með tækniframförum á þessu sviði og leitumst við að
tileinka okkur þær.
Um árabil hef ég starfað með kanadískum hjúkrunarfræðingum, þeim
Mary Ellen Purkis og Christine Ceci, að rannsóknum á starfsháttum
(e. practice) í hjúkrun. Árið 2015 hófst rannsóknarverkefni sem beinist
að fólki með heilabilun sem býr heima og fjölskyldum þess. Markmið
þess er að átta sig á því hvað þessum fjölskyldum finnst hjálplegt og
hvaða aðferðum þær beita til að takast á við aðstæður sínar. Hugsunin
er sú að bera niðurstöður frá ólíkum löndum saman. Það tók töluverðan
tíma að fjármagna þetta verkefni hér heima en er nú komið mjög vel
á veg. Margrét Guðnadóttir hjúkrunarfræðingur, sem hefur áralanga
reynslu af að starfa sem teymisstjóri í heimahjúkrun, hlaut þriggja ára
doktorsnemastyrk til að vinna að því. Niðurstaðna er að vænta á næstu
misserum og það er von okkar að þetta verkefni geti orðið til að styðja að
uppbyggingu þjónustu fyrir þennan ört vaxandi en viðkvæma hóp fólks
sem nýtur heimaþjónustu.
Auk Margrétar hlotnaðist mér einnig að vinna með Ingu Valgerði
Kristinsdóttur að doktorsverkefni hennar sem hefur hlotið styrk til
þriggja ára. Inga ætlar að skoða ýmsa þætti heimaþjónustu með það fyrir
augum að koma auga á þau atriði sem mætti styrkja. Hún mun byggja á
gögnum úr IBenc-verkefninu sem var samstarfsverkefni 8 Evrópulanda
þar sem gagna var safnað með Inter-RAI HC-mælitækinu.
Nú fer að halla á seinni hluta minnar starfsævi. Þetta hefur sannarlega
verið ánægjulegt ferðalag, en það besta er að sjá nýja kynslóð taka við
kyndlinum af þrótti og þekkingu.
„Í RANNSÓKNUM MÍNUM OG ANNARRA
VÍSINDAMANNA Á NORÐURLÖNDUNUM
OG VÍÐAR Í EVRÓPU HEFUR KOMIÐ FRAM
AÐ HEIMAHJÚKRUN VERÐUR STÖÐUGT
TÆKNILEGA FLÓKNARI OG KREFST
SÉRHÆFÐARI ÞEKKINGAR“
TIL HAMINGJU
HJÚKRUNARFRÆÐINGAR!
HEILBRIGÐISSTOFNUN
AUSTURLANDS ÓSKAR
HJÚKRUNARFRÆÐINGUM
HJARTANLEGA TIL
HAMINGJU MEÐ
100 ÁRA AFMÆLI
FÉLAGS ÍSLENSKRA
HJÚKRUNARFRÆÐINGA
OG ÞAKKAR UM LEIÐ
GIFTURÍKT SAMSTARF
GEGNUM TÍÐINA.
1978
Nafni tímaritsins breytt í Hjúkrun