Morgunblaðið - 23.11.2019, Side 60

60 MENNING
MORGUNBLAÐIÐ LAUGARDAGUR 23. NÓVEMBER 2019
Lopapeysa
í sveitina
Verið velkomin í nýja og glæsilega
verslun okkar okkar á Laugavegi 4-6
Álafossvegi 23, Laugavegi 4-6, alafoss.is
Þessi eina sanna sem verður bara betri
eftir því sem þú nota hana meira.
Orðin hljóð er yfirskrift Tónlistar-
hátíðar Rásar 1 sem haldin verður
í Norðurljósum Hörpu í dag,
laugardag, klukkan 16 og verður
útvarpað í beinni á Rás 1. Þetta er
í þriðja sinn sem hátíðin er haldin
en listrænn stjórnandi hennar í ár
er Daníel Bjarnason.
Frumflutt verða fjögur verk
sem sérstaklega voru pöntuð fyrir
hátíðina og tengjast þema hennar,
en tónskáldin völdu hvert sitt ljóð-
skáld til samvinnu. Verkin á tón-
leikunum eru afrakstur þessa sam-
starfs þar sem tónskáldin vinna
með textann á ýmsan hátt og
flétta hann við tónlist sína bæði
sem söng og upplestur. Tón- og
textaskáldin eru María Huld
Markan Sigfúsdóttir og Kristín Ei-
ríksdóttir; Páll Ragnar Pálsson og
Ásdís Sif Gunnarsdóttir; Ingibjörg
Ýr Skarphéðinsdóttir og Sig-
urbjörg Þrastardóttir; Kjartan
Holm og Jóhannes Ólafsson. Öll
verkin verða flutt af Strokkvart-
ettinum Sigga auk þess sem söng-
konurnar Hildigunnur Einars-
dóttir og Ingibjörg Fríða Helga-
dóttir koma fram. Milli verkanna
á tónleikunum verða leikin viðtöl
við tón- og textahöfundana auk
stuttra útvarpshugleiðinga um
samspil tónlistar og texta.
Flytjendur Strokkvartettinn Siggi tekur þátt í flutningi allra verkanna.
Tónlistarhátíð Rásar 1
haldin í Hörpu í dag
Anna Eyjólfsdóttir myndlistarmaður hóf árið 1979 söfn-
un á leirmunum eftir íslenska listamenn. Í safninu eru nú
tæplega 2.000 gripir sem spanna tímabilið frá 1932 til
dagsins í dag. Þetta er stærsta einstaka keramiksafn
landsins og hefur Hönnunarsafn Íslands nú eignast það
með styrk frá Bláa Lóninu.
Í tengslum við skráningu á þessu mikla safni undan-
farna mánuði hefur Hönnunarsafnið fengið Ingu Sigríði
Ragnarsdóttur til þess að halda fyrirlestur á morgun,
sunnudag, klukkan 13 þar sem saga íslenskrar leirlistar
á tímabilinu 1930 til 1970 er rakin.
Inga Sigríður er dóttir Ragnars Kjartanssonar leir-
kerasmiðs. Hún útskrifaðist úr keramikdeild MHÍ og fór síðan í framhalds-
námi til München í keramik og skúlptúr. Hún hefur starfað sem leir-
listamaður og kennt við Myndlistarskólann í Reykjavík.
Inga Sigríður vinnur nú ásamt Kristínu G. Guðmundsdóttur listfræðingi
að rannsókn á íslenskri leirlist á þessu tímabili.
Fjallar um sögu íslenskrar leirlistar
Inga Sigríður
Ragnarsdóttir
Carmina Burana eftir Carl Orff,
eitt vinsælasta klassíska tónverk
allra tíma, verður flutt á þrennum
tónleikum í Langholtskirkju næstu
daga. Flytjendur eru Háskóla-
kórinn og Sinfóníuhljómsveit unga
fólksins. Einsöngvarar eru Sólveig
Sigurðardóttir sópran, Þorsteinn
Freyr Sigurðsson tenór og Guð-
mundur Karl Eiríksson baritón.
Auk Háskólakórsins syngja félagar
úr Drengjakór Reykjavíkur. Á tón-
leikunum verður einnig frumflutt
ný gerð klarinettukonserts eftir
Tryggva M. Baldvinsson. Einleikari
er Baldvin I. Tryggvason klarin-
ettuleikari. Stjórnandi á tónleik-
unum er Gunnsteinn Ólafsson.
Carmina Burana byggist á kvæð-
um frá miðöldum. Þau fjalla um
fallvaltleika lífsins, lystisemdir þess
og helstu hættur, svo sem losta,
ofát, drykkjuskap og fjárhættuspil.
Kvæðin eru gamansöm og kaldhæð-
in en ekki síst erótísk og tvíræð.
Þau sem koma fram í einleiks- og
einsöngshlutverki á tónleikunum
hafa öll stundað nám erlendis.
Tónleikarnir í Langholtskirkju
hefjast kl. 17 á laugardag og sunnu-
dag en kl. 20 á mánudagskvöldið.
Flytjendur Háskólakórinn kemur fram
ásamt Sinfóníuhljómsveit unga fólksins,
einsöngvurum og einleikara á klarínett.
Carmina Burana í Langholtskirkju
Hópur íslenskra listamanna á verk
á sýningunni „Suggested spaces“
sem verður opnuð í sýningarrým-
inu Uns in maniére noire í Berlín í
dag. Sýnendurnir eru Eygló
Harðardóttir, Ásta Fanney
Sigurðardóttir & Gavin Morrison,
Guðrún Benónýsdóttir, Ólöf Helga
Helgadóttir, Örn Alexander
Ámundason, Una Margrét Árna-
dóttir og Arild Tveito.
Við opnuna í kvöld flytur Íslenski
kórinn í Berlín verkið Hafvísu eftir
Ástu Fanney og Morrison. Sýn-
ingarstjórar eru Guðrún Benónýs-
dóttir og Ana Victoria Bruno.
Í texta sem fylgir sýningunni úr
hlaði segir að listamennirnir fylgi
ýmist persónulegu raunsæi eða séu
flöktandi í leit sem leiði þá að nýj-
um og spennandi möguleikum.
Sýnir Eygló Harðardóttir er einn sýnenda.
Hópur íslenskra listamanna í Berlín
Hjálmar & Vasks er yfirskrift tón-
leika sem söngsveitin Ægisif og
strengjasveitin Íslenskir strengir
standa fyrir í Kristskirkju í Landa-
koti á mánudagskvöldið kemur, 25.
nóvember, klukkan 21.
Á tónleikunum verður frumflutt
nýtt verk eftir Hjálmar H. Ragn-
arsson fyrir kór og strengjasveit
sem ber titilinn Laudem Domini.
Einnig verður frumflutt á Íslandi
verkið Musica Adventus eftir hinn
lettneska Peteris Vasks en hann er
eitt vinsælasta evrópska tónskáld
samtímans.
Ólöf Sigursveinsdóttir mun
stjórna flutningnum á verki Vasks.
Hreiðar Ingi Þorsteinsson stjórnar
flutningi Ægisifjar og Íslenskra
strengja á verkum Hjálmars en í
upphafi tónleikanna munu hljóma
tvö eldri verka hans, a cappella,
Gamalt vers (1980) og Ave maria
(1985).
Langt er síðan nýtt kórverk eftir
Hjálmar hefur heyrst opinberlega
en á sínum tíma voru mörg slík
hljóðrituð undir hans stjórn með
sönghópnum Hljómeyki. Hjálmar
segir verkið samið fyrir „kór og
minni strengjasveit við biblíutexta á
íslensku og forna latínutexta úr
sönghefð kaþólskra. Meginþráður
verksins er ákallið um réttvísi og
frið til að lífið fái að endurnýjast og
jörðin blómstra“.
Morgunblaðið/Kristinn Magnússon
Á æfingu Félagar í Íslenskum strengjum og söngsveitinni Ægisif æfðu fyrir tónleikana í vikunni.
Frumflytja verk Hjálmars
 Á tónleikum Ægisifjar og Íslenskra strengja hljómar kant-
ata eftir Hjálmar H. Ragnarsson og rómað verk eftir Vasks
Myndlistarmað-
urinn Ragnar
Fjalar Lárusson
opnar í dag,
laugardag, kl. 16
sýningu í Gallery
Porti að Lauga-
vegi 23b. Sýn-
inguna kallar
Ragnar 33 og í
tilkynningu segir
að verkin séu unnin með „persónu-
legri aðferðafræði Ragnars“ og
byggist á „stafrænni nálgun á
flaumrænum (analog) aðferðum“.
Ragnar Fjalar sýnir
ný verk í Porti
Hluti eins mynd-
verks Ragnars.
Í tengslum við sýninguna Eitthvað
úr engu: Myndheimur Magnúsar
Pálssonar sem stendur nú yfir í
Listasafni Reykjavíkur – Hafnar-
húsi verður í dag, laugardag,
klukkan 13 til 15 haldið þar mál-
þing um felil Magnúsar.
Frummælendur eru Jón Proppé
listfræðingur, Hanna Styrmisdóttir
sjálfstæður ráðgjafi og sýningar-
stjóri, Þráinn Hjálmarsson tónskáld
og Aðalheiður Lilja Guðmunds-
dóttir lektor og fagstjóri listfræða
við myndlistardeild Listaháskóla
Íslands.
Fundarstjóri er Markús Þór
Andrésson sem er, ásamt Sigurði
Trausta Traustasyni, sýningar-
stjóri sýningarinar með verkum
Magnúsar í Hafnarhúsinu.
Málþing um feril Magnúsar Pálssonar
Morgunblaðið/Einar Falur
Listamaðurinn Fjallað verður um feril
Magnúsar Pálssonar myndlistarmanns.