Fréttablaðið - 25.01.2020, Qupperneq 10

Fjórðungur ungmenna
13 til 18 ára finna fyrir
kvíða og 6 prósent barna
glíma við alvarlegan kvíða.
Álagningar- og breytingarseðlar fasteignagjalda í Reykjavík 2020 verða birtir á vefsíðunni island.is og á
Rafrænni Reykjavik á næstu dögum. Álagningar- og breytingarseðlar eru ekki sendir í pósti í samræmi
við breytingu sem gerð var á lögum nr. 4/1995 sem tók gildi 1. janúar 2019, en þá er sveitarstjórn heimilt
að senda tilkynningu um álagningu fasteignaskatts rafrænt.
Fasteignagjöldin verða innheimt í gegnum netbanka þar sem jafnframt er hægt að prenta út
greiðsluseðil. Greiðsluseðlar verða ekki sendir út en hægt er að óska eftir heimsendum greiðsluseðlum
á mínum síðum á www.reykjavik.is eða í gegnum þjónustuver Reykjavíkurborgar í síma 411 1111.
Fjármála- og áhættustýringarsvið Reykjavíkurborgar annast álagningu
og innheimtu á fasteignaskatti, lóðaleigu og sorphirðugjaldi.
Fasteignagjöld ársins 2020, yfir 25.000 kr., greiðast með níu jöfnum
greiðslum á 1. febrúar, 2. mars, 4. apríl, 3. maí, 1. júní, 5. júlí,
2. ágúst, 1. september og 3. október.
Gjalddagi fasteignagjalda undir 25.000 kr. er 1. febrúar.
Tekjulágir elli- og örorkulífeyrisþegar, sem fengu afslátt af fasteignaskatti
og fráveitugjaldi sem greitt er til Orkuveitu Reykjavíkur á síðastliðnu
ári, fá einnig að óbreyttu afslátt af fasteignaskatti og fráveitugjaldi fyrir
árið 2020 að teknu tilliti til tekjuviðmiða. Eftir yfirferð Ríkisskattstjóra
á skattframtölum elli- og örorkulífeyrisþega, framkvæmir Fjármála-
og áhættu stýringarsvið breytingar á fasteignaskatti og fráveitugjaldi.
Það þarf því ekki að sækja sérstaklega um afslátt þessara gjalda.
Við álagningu fasteignagjalda í janúar verður afsláttur elli- og örorku-
lífeyrisþega til bráðabirgða miðaður við tekjur ársins 2018. Þegar
álagning vegna tekna ársins 2019 liggur fyrir í júní 2020, verður
afslátturinn endanlega ákvarðaður og verða þá allar breytingar
tilkynntar bréflega seinnipartinn í október.
Skilyrði afsláttar eru að viðkomandi sé elli- eða örorkulífeyrisþegi, sé
þinglýstur eigandi fasteignar, eigi þar lögheimili og geti átt rétt á vaxta-
bótum vegna hennar skv. B-lið 68. gr. laga nr. 90/2003 um tekjuskatt
og eignaskatt.
Einungis er veittur afsláttur vegna íbúðarhúsnæðis til eigin nota.
Borgarráð hefur ákveðið að tekjumörk elli-og örorkulífeyrisþega vegna afsláttar
fasteignaskatts og fráveitugjalds á árinu 2020 verði eftirfarandi:
100% afsláttur: Einstaklingur með tekjur allt að 4.240.000 kr.
A100 Samskattaðir einstaklingar með tekjur allt að 5.920.000 kr.
80% afsláttur: Einstaklingur með tekjur á bilinu 4.240.000 til 4.860.000 kr.
A80 Samskattaðir einstaklingar með tekjur á bilinu 5.920.000 til
6.570.000 kr.
50% afsláttur: Einstaklingur með tekjur á bilinu 4.860.000 til 5.650.000 kr.
A50 Samskattaðir einstaklingar með tekjur á bilinu 6.570.000 til
7.850.000 kr.
Umhverfis- og skipulagssvið Reykjavíkurborgar, Borgartúni 12-14, veitir
allar upplýsingar varðandi álagningu og breytingar á gjaldi fyrir meðhöndlun
úrgangs í síma 411 1111. Einnig má leita upplýsinga með tölvupósti á
netfangið sorphirda@reykjavik.is.
Fjármála- og áhættustýringarsvið Reykjavíkurborgar, Höfðatorgi, Borgartúni
12-14, veitir upplýsingar varðandi álagningu fasteignaskatts og lóðarleigu og
breytingar á þeim í síma 411 1111. Einnig má leita upplýsinga með tölvupósti
á netfangið fasteignagjold@reykjavik.is.
Hægt er að leita upplýsinga um ofangreind atriði á heimasíðu Reykjavíkurborgar: www.reykjavik.is
Fasteignagjöld
2020
Borgarstjórinn í Reykjavík, 25. janúar 2020.
www.reykjavik.is
SAMFÉLAG Bensínstöð Costco fékk
hæstu einkunn allra fyrirtækja
í Íslensku ánægjuvoginni 2019.
Niðurstöðurnar voru kynntar í gær
en þetta er í 21. skipti sem ánægja
með íslensk fyrirtæki er mæld með
þessum hætti.
Þau fyrirtæki sem mælast með
tölfræðilega marktækt hæstu eink­
unn í sínum f lokki hljóta viður­
kenningu og voru þau sex talsins
að þessu sinni.
Á eldsneytismarkaði var ánægja
viðskiptavina mest með Costco,
sem fékk 85,9 stig af 100 möguleg­
um. Verslun Costco fékk hins vegar
65,8 stig og lenti í þriðja neðsta sæti
á smávörumarkaði.
Á farsímamarkaði var Nova efst
með 75,1 stig og Krónan bæði á
smásölu­ og matvörumarkaði með
74,7 stig. BYKO var efst á bygginga­
vörumarkaði með 71,3 stig, Sjóvá á
tryggingamarkaði með 67 stig og
Apótekarinn á lyfsölumarkaði með
74 stig.
Alls voru nú birtar niðurstöður
fyrir 31 fyrirtæki í tíu atvinnu­
greinum. Niðurstöður byggjast á
svörum 200 til rúmlega þúsund
viðskiptavina hvers fyrirtækis en
Zenter rannsóknir sáu um fram­
kvæmdina. – sar
Mæla mestu
ánægju með
stöð Costco
Niðurstöðurnar voru kynntar í gær.
Viðskiptavinir á elds-
neytismarkaði eru ánægð-
astir með Costco. Fékk
Costco 85,9 stig af 100
mögulegum. Verslun Costco
fékk hins vegar 65,8 stig af
100 og er í þriðja neðsta sæti
á smávörumarkaði.
SAMFÉLAG „Ég hef sjálf hugleitt í sex­
tán ár og kennt hugleiðslunámskeið
fyrir fullorðna en hef tekið eftir því
að eftirspurn eftir hugleiðslu fyrir
börn hefur aukist,“ segir Stefanía
Ólafsdóttir, grunnskólakennari
og stofnandi Heillastjörnu.  Í dag
fer hún af stað með hugleiðslunám­
skeið fyrir börn á aldrinum 11–14
ára í Jógasetrinu.
Námskeiðið kallar hún Frelsi frá
kvíða og segir hún það henta vel
börnum sem glíma við kvíða auk
þess að geta haft fyrirbyggjandi
áhrif. „Hugleiðsla getur hjálpað
börnum að skilja hugann og hugs­
anir sínar betur og að hafa meiri
stjórn á huganum,“ segir Stefanía.
Á námskeiðinu er unnið með hug­
leiðslu og sjálfsstyrkingaræfingar
sem miða að því að efla sjálfstraust
og innra jafnvægi barnanna og
draga úr kvíða og spennu. „Ég nota
bæði hugleiðslu sem er leidd með
orðum og svo ýmsar æfingar sem
hjálpa krökkunum að opna á upp­
lifun og tilfinningar,“ segir Stefanía.
Hún segir hugleiðslu geta hjálpað
bæði börnum og fullorðnum sem
glíma við kvíða og að auðvelt sé
að tileinka sér hugleiðslu í daglegu
lífi. „Orkan innra með manni getur
gjörbreyst bara við það að hlúa að
sér, tengja inn á við og færa athygl­
ina frá því ytra. Þetta gildir bæði um
börn og fullorðna,“ segir hún.
„Á námskeiðinu læra börnin að
vera meðvituð um eigin tilfinning­
ar,“ segir Stefanía. „Þeim eru kennd­
ar einfaldar æfingar til að leiða sinn
eigin huga og stýra honum. Þau læra
að leiða hugann inn í upplifun á
friði, öryggi og öðrum jákvæðum
tilfinningum,“ útskýrir hún.
„Svo í framhaldinu getur fjöl­
skyldan hugleitt saman og hug­
leiðsla orðið hluti af heimilislífinu
því þetta þarf ekki að taka meira
en fimm til tíu mínútur á dag sem
er ekki langur tími en getur hjálpað
mikið þegar glímt er við kvíða,“
segir Stefanía en hún heldur einnig
úti vefsíðunni heillastjarna.is þar
sem má nálgast hugleiðsluefni fyrir
börn og foreldra.
Mikil aukning hefur orðið á kvíða
hjá börnum á Íslandi síðastliðin ár
og samkvæmt upplýsingum á vef
Heilsuveru má ætla að allt að fjórð­
ungur ungmenna á aldrinum 13 til
18 ára finni fyrir kvíða og að um 6
prósent barna séu með alvarlegan
kvíða.
Stefanía segist hafa orðið vör við
aukna eftirspurn vegna úrræða
þegar kemur að kvíða hjá börnum.
„Foreldrar tala mikið um að úrræði
vanti fyrir börnin þeirra og þannig
kviknaði hugmyndin að þessu öllu,“
segir hún.
„Svo heyrir maður líka börnin
tala um þetta sjálf,“ segir Stefanía.
Hún kennir hugleiðslu einu sinni í
viku í Dalskóla og segir nemendur
skólans sækja mikið í að komast í
hugleiðslutímana. „Það er svo mikill
hraði og áreiti í samfélaginu og hug­
leiðslan kemur þar inn með ákveðið
mótvægi. Það hjálpar fólki að hvíla
sig frá ytra áreiti og tengja við sjálft
sig,“ bætir hún við.
„Börnin eru opin fyrir því að iðka
hugleiðslu og sækja í það að taka
þátt í þessu verkefni í skólanum,“
segir hún. „Auk þess er ég líka með
hugleiðslu fyrir kennarana í lok
vinnudags. Helst myndi ég vilja að
boðið yrði markvisst upp á hug­
leiðslustundir fyrir nemendur og
kennara í sem flestum grunnskól­
um landsins, það væri mikil gjöf
inn í skólakerfið og í raun eitt það
mikilvægasta sem við getum kennt
börnunum okkar.“
birnadrofn@frettabladid.is
Hugleiðsla hjálpar börnum með kvíða
Stefanía Ólafsdóttir segir að hugleiðsla sé góð leið til að hjálpa börnum með kvíða. Hún leiðir hugleiðslunámskeið fyrir börn þar
sem þeim er kennt að hafa stjórn á huga sínum og segir óskandi að boðið væri upp á hugleiðslu í öllum grunnskólum landsins.
Stefanía kennir börnum æfingar til að stýra huganum. FRÉTTABLAÐIÐ/ERNIR
2 5 . J A N Ú A R 2 0 2 0 L A U G A R D A G U R10 F R É T T I R ∙ F R É T T A B L A Ð I Ð