Læknablaðið - nóv. 2019, Blaðsíða 3
Hlíðasmára 8
201 Kópavogi
sími 564 4104
Útgefandi
Læknafélag Íslands
Ritstjórn
Magnús Gottfreðsson,
ritstjóri og ábyrgðarmaður
Elsa B. Valsdóttir
Gerður Gröndal
Hannes Hrafnkelsson
Ingibjörg Jóna Guðmundsdóttir
Magnús Haraldsson
Sigurbergur Kárason
Tölfræðilegur ráðgjafi
Thor Aspelund
Ritstjórnarfulltrúi
Védís Skarphéðinsdóttir
vedis@lis.is
Blaðamaður
Gunnhildur Arna
Gunnarsdóttir
gag@lis.is
Auglýsingastjóri og ritari
Esther Ingólfsdóttir
esther@lis.is
Umbrot
Sævar Guðbjörnsson
saevar@lis.is
Upplag
1850
Prentun og bókband
Prenttækni ehf.
Vesturvör 11
200 Kópavogi
Áskrift
16.900,- m. vsk.
Lausasala
1690,- m. vsk.
© Læknablaðið
Læknablaðið áskilur sér rétt til að birta og
geyma efni blaðsins á rafrænu formi, svo
sem á netinu. Blað þetta má eigi afrita
með neinum hætti, hvorki að hluta né í
heild, án leyfis.
Fræðigreinar Læknablaðsins eru skráðar
(höfundar, greinarheiti og útdrættir) í
eftirtalda gagnagrunna: Medline (National
Library of Medicine), Science Citation
Index (SciSearch), Journal Citation
Reports/Science Edition, Scopus og
Hirsluna, gagnagrunn Landspítala.
The scientific contents of the Icelandic
Medical Journal are indexed and
abstracted in Medline (National Library of
Medicine), Science Citation Index (SciSe-
arch), Journal Citation Reports/Science
Edition and Scopus.
ISSN: 0023-7213
LÆKNAblaðið 2019/105 475
Læknablaðið
THE ICELANDIC MEDICAL JOURNAL
■ ■ ■ Gunnhildur Arna Gunnarsdóttir
„Ég var undir það búinn að hætta að vinna. Það
var ekki vandamálið, en ég var ekki undirbú-
inn undir að vera látinn fara fyrirvaralaust án
nokkurrar ástæðu. Engar skýringar gefnar,“ segir
Magnús Ólason, fyrrum framkvæmdastjóri lækn-
inga á Reykjalundi.
Hann hafði starfað á endurhæfingarstöðinni
allt frá árinu 1985. Magnús skoðar nú stöðu sína
með aðstoð frá Læknafélaginu eftir óvænt starfs-
lok í kjölfar brottrekstrar forstjóra endurhæfinga-
stöðvarinnar.
Málið hefur vakið mikla athygli í fjölmiðlum.
Óánægjan meðal starfsmanna er mikil. Margir
íhuga uppsögn. Ólafur Þór Ævarsson geðlæknir
hefur verið ráðinn í starf Magnúsar og Herdís
Gunnarsdóttir, framkvæmdastjóri endurhæf-
ingarsviðs á Reykjalundi, sett sem forstjóri sam-
hliða því starfi.
Magnús segir að hann hafi ekki búist við því
að Ólafur yrði ráðinn í starf hans þar sem hann
væri ekki endurhæfingarmenntaður. Hann hafði
því boðist til að vinna þar til starfið yrði auglýst
að nýju svo fleiri sæktu um þegar öldurnar hefði
lægt.
„Ég vissi vel að vænlegir kandídatar til að
taka við af mér sóttu ekki um því þeir vildu ekki
koma inn í það andrúmsloft sem var komið þarna
í september,“ segir Magnús. Hann segist vona
Reykjalundar vegna að hægt verði að vinda ofan
af óánægjunni.
Magnús varð sjötugur á síðasta ári en þar sem
Reykjalundur lýtur ekki reglum um starfslok við
þau tímamót hefði hann getað haldið áfram störf-
um. „Þegar ég varð sjötugur var ég beðinn um
að halda áfram því ég hafði unnið að þjónustu-
samningagerð fyrir Reykjalund 2012 og var með
þá hluti á tæru. Forstjórinn, sem einnig missti
vinnunna, bað mig um að vera með sér í að semja
nýjan þjónustusamning,“ segir hann.
„Auk þess var ég beðinn um að taka að mér
sérverkefni í einhverja mánuði eftir að nýr
framkvæmdastjóri lækninga tæki við, til dæmis
að afla Reykjalundi alþjóðlegrar gæðavottunar
(CARF).“
Samningurinn hafi nánast verið í höfn þegar
Sjúkratryggingar hafi óskað frekari upplýsinga
um innra starfið og í kjölfarið farið fram á það í
vor að Reykjalundur þjónustaði 50% fleiri sjúk-
linga fyrir sama fé. Reykjalundur hafði þá farið
fram á meira fé.
Magnús segir mannskapinn hafa verið nógu
píndan fyrir og alltaf þjónustað 5-10% umfram
lágmarkssamningsviðmið. Eftir að forstjóri
Sjúkratrygginga hafi komið að málum hafi þau
þokast áfram, enda sé hún læknir. Fókusinn
hafi verið settur á fjölda meðferðardaga en ekki
ástæðu endurhæfingarinnar. Hann hafi fengið
umboð framkvæmdastjóra til að klára samninga-
gerðina viku áður en hann var rekinn. Sjálfur
hafi hann einnig boðist til að vinna áfram vegna
manneklunnar sem blasti við.
„Ég fékk engar skýringar á uppsögninni,“ seg-
ir Magnús. „Ég spurði: Hef ég brotið eitthvað af
mér? Nei, nei, nei. Hef ég staðið mig illa í starfi?
Nei, nei, nei. Þetta var aðeins liður í einhverju
ferli sem málið var komið í,“ segir Magnús.
„Ég var auðvitað tilbúinn að hætta en ég ætl-
aði ekki að hætta svona,“ segir hann hreinskiln-
islega.
„Mér finnst þessi gjörningur í raun svo maka-
laus og svo vitlaus. Ég er aðallega sár út í að með
ákveðnum hætti sé verið að eyðileggja þennan
stað sem ég hef lagt krafta mína í frá því að ég
kom heim úr sérnámi,“ segir Magnús.
En hvað ætlar Magnús að gera nú? Setjast í
helgan stein eða halda áfram að vinna?
„Ég hef sagt sumu samstarfsfólki frá því að ég
fékk nú strax daginn eftir uppsögnina atvinnu-
tilboð. Ég hef fengið annað síðan og áður en ég
fór hafði ég fengið tvö tilboð um að koma og veita
ráðgjöf. Ef ég hef áhuga á að vinna er það ekki
vandamálið,“ segir Magnús.
„Ég er fullfrískur og tel mig færan til að halda
áfram.“
Ég ætlaði ekki
að hætta svona
Magnús Ólason, fyrrum framkvæmda-
stjóri lækninga á Reykjalundi, segir
að hann hafi verið tilbúinn að ljúka
störfum en ekki að vera rekinn án
nokkurrar ástæðu. Sárt sé að sjá
stoðunum kippt undan ævistarfinu
Magnús Ólason skoðar stöðu sína eftir óvænta uppsögn eftir
ríflega 30 ára starf á endurhæfingarstöðinni Reykjalundi, eða allt
frá árinu 1985. Mynd/gag