Bændablaðið - 08.05.2017, Page 8

8 Bændablaðið | Fimmtudagur 8. júní 2017
Í síðustu viku var tilkynnt um
það hvaða veitingastaðir á Íslandi
náðu inn á lista The White Guide
Nordic-bókarinnar fyrir 2017–2018.
Bókin á að veita yfirlit yfir bestu
veitingastaðina á Norðurlöndum.
Að þessu sinni eru 16 íslenskir
veitingastaðir á listanum en þeir
voru 15 í fyrra og 17 þar áður.
Veitingastaðirnir Geiri Smart
og MAT BAR, sem báðir eru
á Hverfisgötu í Reykjavík, og
Tryggvaskáli á Selfossi koma nýir
inn á listann en Austur-Indiafjelagið
og Snaps í Reykjavík falla út af list-
anum.
Röðin birt 26. júní
The White Guide Nordic-bókin verð-
ur gefin út mánudaginn 26. júní að
þessu sinni – og þannig hefur útgáfan
verið færð til byrjun sumars í stað þess
að gefa bókina út seint að hausti eins
og áður hefur verið gert. Þá mun niður-
röðun íslensku staðanna einnig liggja
fyrir samkvæmt stigagjöf. Efstur á
íslenska listanum í fyrra var Dill, síðan
kom Grillið á Hótel Sögu og í þriðja
sæti var Norð Austur - Sushi & Bar á
Seyðisfirði.
Annars lítur íslenski listinn svona út í
stafrófsröð:
• Dill – Reykjavík
• Fiskfélagið – Reykjavík
• Fiskmarkaðurinn – Reykjavík
• Gallery Restaurant Hotel Holt –
Reykjavík
• Geiri Smart – Reykjavík
• Grillið – Reykjavík
• Grillmarkaðurinn – Reykjavík
• Kol – Reykjavík
• Lava restaurant – Grindavík
• MAT BAR – Reykjavík
• Matur og Drykkur – Reykjavík
• Norð Austur – Sushi & Bar –
Seyðisfjörður
• Rub 23 – Akureyri
• Slippurinn – Vestmannaeyjar
• Tryggvaskáli – Selfoss
• Vox (Hilton Hotel) – Reykjavík
/smh
Sextán íslenskir veitingastaðir í
The White Guide Nordic-bókinni
Bændur í Eyjafirði hófu slátt 28. maí
– Búist við að heyskapur verði kominn á fullan snúning nú í byrjun júní
Það telst til tíðinda að íslensk-
ir bændur skuli hefja slátt túna
sinna í maímánuði þó ekki muni
það vera einsdæmi. Þórólfur Ómar
Óskarsson, bóndi á Steinhólum í
Eyjafjarðardal, var ásamt fleiri
Eyjafjarðarbændum með þeim
fyrstu þetta árið en hann hóf fyrsta
slátt sunnudaginn 28. maí.
Þórólfur sló eina 2 hektara á
jörðinni Grænuhlíð sem er rétt innan
við Steinhóla, þar sem faðir hans,
Óskar Kristjánsson, býr. Hann sagði
að þennan sama dag fyrir 63 árum,
á fæðingardegi Njáls föðurbróður
síns, hafi tún verið slegin á Gilsá
vestan við Eyjafjarðará og gegnt
Grænuhlíð.
„Ég var nú ekkert bjartsýn
á slátt þegar ég vaknaði á
sunnudagsmorgninum því það
mígrigndi alla nóttina. Síðan fór
að blása seinnipartinn og það var
orðið þurrt á klukkan fimm. Ég
kíkti á veðurspána og það átti ekki
að rigna nema í nokkra daga svo ég
ákvað að slá.
Hann sagðist aldrei áður hafa
slegið tún í maí, og einhver tími í
að hann færi af alvöru í heyskap.
Hann hafi þó oft slegið minna gras
en þetta.
„Þetta var nú bara svona
snyrtisláttur í kringum íbúðarhúsið
og eitt stykki sem kýrnar fara síðan á.
Þær hafa núna einn og hálfan hektara
í beit og munu klára þá beit á einni
viku. Þá verður fínt ef komin verður
smá vöxtur á túnið í Grænuhlíð.“
Þórólfur er með um 65 árskýr og
þó hann hafi tekið fyrsta slátt nú í
maí, þá sagðist hann ekki reikna með
að hefja heyskap fyrir alvöru fyrr en
nú í annarri viku júní, þó hægt væri
að byrja fyrr.
„Maður reynir bara að nýta þessa
góðu tíð og grös eru hvergi farin að
skríða, allavega ekki þessi sáðgrös.
Það er bara háliðagrasið sem er farið
að skríða.“
Mikið kal í fyrra
Þórólfur segist enn eiga nóg hey frá
síðasta sumri, en hann hafi þó lent í
nokkrum hremmingum í fyrra.
„Það var svo mikið kal á
nýræktunum í Grænuhlíð og síðan
var mjög þurrt veður.
Það rigndi ekkert í Grænuhlíð
í maí og júní og það var ekki fyrr
en í júlí að það fór að rigna þar
almennilega. Fyrri slátturinn var því
tóm vonbrigði.“
– Þú situr þá ekki uppi með miklar
fyrningar frá fyrra ári?
„Ja, ég heyjaði hvern einasta blett
sem ég komst í og á nóg af heyi, eða
um 250 rúllur. Ef maður sæi núna
fram á að vanta hey, þá hefði maður
trúlega beðið lengur með að byrja
að slá. Annars finnst mér ágætt að
vera kominn af stað,“ sagði Þórólfur
bóndi á Steinhólum.
Fleiri bændur hófu slátt í maí
Hann sagðist svo sem ekkert hafa
verið einn um það í Eyjafirðinum
að hefja slátt 28. maí. Líka hafi
verið slegið hjá Þresti Þorsteinssyni
á Moldhaugum og einnig hjá
Guðmundi S. Óskarssyni á Hríshóli
og hugsanlega víðar. /HKr.
Byggkynbætur á Korpu:
Yrkin Smyrill og Valur
kynnt til sögunnar
– eru fljótþroska og skila góðri uppskeru
Jónatan Hermannsson lét af
störfum sem tilraunastjóri í
jarðrækt á Korpu um síðustu
áramót, eftir þrjátíu ára
starfsferil þar meðal annars við
korntilraunir og kynbætur. Að
skilnaði skilaði hann af sér tveimur
byggyrkjum, sem hann hefur
þróað á undanförnum árum og
bindur talsverðar vonir við.
Yrkin hafa fengið nöfnin Smyrill
og Valur, en áður hefur kynbótastarfið
á Korpu skilað af sér fjórum yrkjum;
Skeglu, Kríu, Lómi og Skúmi.
„Nýju yrkin eru því miður
ekki komin á markað enn, þau eru
enn í svokölluðu DUS-prófi, sem
sannreyna skal að þau séu ólík öðrum
yrkjum, einsleit og stöðug,“ segir
Jónatan. „Þetta eitt og sér ætti ekki
að koma í veg fyrir innflutning, en
hitt er það, að við höfum ekki fengið
nógu hraða fjölgun á þeim í Svíþjóð,
akurlendi hjá kynbótafyrirtækinu
virðist takmarkað.
Nöfnin á nýju yrkjunum verða
með Is fyrir framan í útlendu
útgáfunni. Þau eru hálfsystkin, eiga
bæði Skúm sem annað foreldri. Á
móti honum eru norsku yrkin sem
best reyndust hér á fyrsta áratugi
aldarinnar. Þar er um að ræða Arve,
Olsok, Lavrans og Tiril. Ekki er
gott að vita hver er mótparturinn
móti Skúmi í hvoru tilviki, því
að víxlunum var í upphafi slegið
saman,“ útskýrir Jónatan.
Sexraða og fljótþroska
„Þessi yrki eru bæði sexraða og
einkennast af fljótum þroska og
eru líka á toppnum í uppskeru. Að
ná saman fljótum þroska og svo
góðri uppskeru hefur ekki tekist til
fullnustu fyrr.
Yrkin bæði eru af sömu hæð og
erlend sexraðayrki og virðast gefa
hálm í svipuðu magni. Strástyrkur
virðist góður, það er legu hefur ekki
orðið vart í þeim í tilraunum og ekki
hefur heldur blásið úr axi. Þó er ekki
hægt að segja að það sé fullreynt.
Von er til að sáðkorn fáist til landsins
vorið 2019, því miður ekki fyrr,“
segir Jónatan. /smh
FRÉTTIR
Mynd / Þórólfur
Myndir / smh
Mynd / BBL