Bændablaðið - 20.09.2018, Blaðsíða 15

Bændablaðið | Fimmtudagur 20. september 2018 15
Íbúum fækkaði í alls 20 sveitar-
félögum af þeim 72 sem í landinu
eru á tímabilinu frá 1. desember
2017 til 1. september síðastliðinn.
Þetta kemur fram í yfirliti yfir
íbúa í sveitarfélögum landsins sem
birt er á vef Þjóðskrár.
Íbúum Reykjavíkur fjölgaði
um 1.370 á tímabilinu.Hlutfalls-
leg aukning var um 1,1% í
höfuðborginni. Það sveitarfélag
sem kom næst í fjölgun íbúa var
Reykjanesbær með 925 einstaklinga
sem er 5,2% fjölgun í bæjarfélaginu
frá 1. desember 2017.
Hlutfallsleg aukning var mest
í Mýrdalshreppi, eða um 9,1% en
íbúum þar fjölgaði úr 626 í 683.
Á höfuðborgarsvæðinu fjölgaði
íbúum mest í Mosfellsbæ, eða um
6,3% á umræddu tímabili, eða um
663.
Íbúum fækkaði hlutfallslega mest
í Reykhólahreppi, eða um 9,7% og í
Norðurþingi um 7,3%.
Fjölgun varð í öllum landshlutum
nema Norðurlandi eystra.
Hlutfallslega fjölgaði íbúum mest
á Suðurnesjum, eða um 4,3% og á
Suðurlandi um 2,5%. Á Norðurlandi
eystra fækkaði íbúum hins vegar um
0,4% sem er fækkun um 112. /MÞÞ
569 6900 09:00–16:00www.ils.is
Húsnæðismál á
landsbyggðinni
–Tilraunaverkefni
Markmið verkefnisins er að leita leiða til þess að
bregðast við þeim mikla húsnæðisvanda sem ríkir
víðsvegar á landsbyggðinni, m.a. vegna óvirks
íbúða- og leigumarkaðar og skorts á viðunandi
íbúðarhúsnæði.
Horft er til þess að 2-4 sveitarfélög taki þátt í
tilraunaverkefninu og að verkefnið nái að fanga
mismunandi áskoranir á ólíkum landsvæðum.
Þannig geta þær lausnir sem verkefninu er ætlað
að móta nýst á sem breiðustum grunni.
Verkefnið tekur mið af stjórnarsáttmála ríkisstjórn-
arinnar sem og stefnumótandi byggðaáætlun sem
samþykkt var á Alþingi þann 11. júní 2018. Í byggða-
áætlun er m.a. kveðið á um markmið um fjölgun
íbúða á svæðum þar sem skortur á hentugu íbúðar-
húsnæði hamlar uppbyggingu í sveitarfélaginu.
Húsnæðisáætlun sveitarfélagsins er grundvallar-
forsenda fyrir þátttöku í verkefninu. Hafi sveitar-
félagið ekki þegar unnið slíka áætlun og skilað til
Íbúðalánasjóðs þarf það að hafa til þess vilja og
getu að ljúka við gerð hennar.

Þau sveitarfélög sem óska eftir að taka þátt í verk-
efninu eru beðin um að hafa samband við Sigrúnu
Ástu Magnúsdóttur, deildarstjóra á húsnæðis-
sviði Íbúðalánasjóðs, á netfangið sigrun@ils.is
fyrir 30. september 2018.
Íbúðalánasjóður óskar eftir þátttöku
sveitarfélaga í tilraunaverkefni um
uppbyggingu húsnæðismála á lands-
byggðinni
Umsóknarfrestur:
30. september 2018
FRÉTTIR
Íbúafjölgun í öllum landshlutum
nema Norðurlandi eystra
Fjaðrárgljúfur:
Nýr göngustígur
Unnið hefur verið við gerð
göngustígs við Fjaðrárgljúfur
frá Lakavegi að útsýnispalli við
gljúfrið nú á liðnu sumri. Verklok
eru óljós en þegar stígurinn
verður fullbúinn verður hann
fær hjólastólum og mun skapa
aðgengi fyrir hreyfihamlaða
sem annars ættu erfiðara um
vik að njóta náttúruperlunnar.
Fyrirtækið Stokkar og steinar
gerir stíginn.
Göngustígurinn er uppbyggður
malarstígur, að jafnaði 1,6 metrar á
breidd. Geogrid er notað á blautustu
köflunum, þunnt plastnet, sem sett
er undir mölina til að koma í veg
fyrir að mold og möl blandist saman
og að stígurinn sígi þannig að hann
fljóti í raun ofan á votlendinu.
Framkvæmdin er samvinnuverkefni
Umhverfisstofnunar, landeigenda
og sveitarfélagsins. Megintilgang-
urinn er að draga úr álagi á náttúru
svæðisins með stýrðri umferð
og bæta um leið aðgengi fyrir
hreyfihamlaða. Göngustígurinn
hefur verið opnaður og er hægt að
ganga frá útskoti við Lakaveg.
Þetta kemur fram á heimasíðu
Umhverfisstofnunar og þar er
jafnframt bent á að takmörkuð
bílastæði eru við Fjaðrárgljúfur
þegar mið er tekið af þeim gríðarlega
fjölda gesta sem heimsækja svæðið
dag hvern. Svæðið er illa farið
vegna ágangs ferðamanna og hefur
verið brugðist við því með aukinni
landvörslu, uppbyggingu innviða
og stýrðri umferð um svæðið. Gestir
fara ekki allir eftir þeim reglum sem
gilda á svæðinu og því gengur illa
að græða upp sár í gróðursverðinum
á hluta svæðisins og er þar helst að
nefna brúnir Fjaðrárgljúfurs.
„Mikilvægt er að við tökum
höndum saman og upplýsum
gesti um mikilvægi þess að fara
eftir þeim reglum sem gilda á
náttúruverndarsvæðum svo okkur
takist að vernda þau gegn ágangi
og koma í veg fyrir lokanir,“ segir á
vefsíðu Umhverfisstofnunar. /MÞÞ
Samningur um kaup
á slökkvibúnaði
Fram undan eru talsverðar breyt-
ingar á starfsemi sameiginlegs
slökkviliðs Þingeyjarsveitar og
Skútustaðahrepps í kjölfar þess
að Vaðlaheiðargöng verða tekin í
notkun síðar á þessu ári.
Að undanförnu hafa sveitarfélögin
átt í viðræðum ásamt Slökkviliði
Akureyrar við Vaðlaheiðargöng
hf. um búnaðarkaup. Fram hefur
verið lagður samningur um
framlag Vaðlaheiðarganga hf. til
búnaðarkaupanna, en samkvæmt
honum skuldbinda Vaðlaheiðargöng
sig til að veita slökkviliðunum
framlag að upphæð 80 milljónir
króna vegna Vaðlaheiðarganga.
Sveitarstjórnir beggja sveitar-
félaganna, Þingeyjarsveitar og
Skútustaðahreppsr hafa staðfest
samninginn. /MÞÞ