Bændablaðið - 09.05.2018, Qupperneq 48

48 Bændablaðið | Miðvikudagur 9. maí 2018
Ábúendur á Eysteinseyri eru
Marinó Bjarnason og Freyja
Magnúsdóttir. Þau ætla að halda
áfram svipaðri sauðfjárrækt en
bæta við sig í ferðaþjónstu.
Býli: Eysteinseyri.
Staðsett í sveit: Tálknafirði.
Ábúendur: Marinó Bjarnason og
Freyja Magnúsdóttir.
Fjölskyldustærð (og gæludýra):
Við erum bara tvö í kotinu.
Gæludýrið er eitt, letikötturinn
Yrsa.
Stærð jarðar? 18 hundruð að
fornu mati og dýrleika.
Gerð bús? Sauðfjábú.
Fjöldi búfjár og tegundir? Kindur
eru 85, 6 hrútar, 17 íslenskar
landnámshænur og tveir hanar, 2
hestar, 100 þúsund býflugur og
síðast en ekki síst Táta fjárhundur
og 8 hvolpar.
Hvernig gengur hefðbundinn
vinnudagur fyrir sig á bænum?
Almenn sveitastörf, gjafir og önnur
verk. Frúin sinnir bleikjuvinnslu í
Tungusilungi.
Skemmtilegustu/leiðinlegustu
bústörfin? Sauðburður að vori
og hunangstekja að hausti.
Leiðinlegast þegar veikindi og slys
eru á búfé.
Hvernig sjáið þið búskapinn fyrir
ykkur á jörðinni eftir fimm ár?
Svipaðan í skepnuhaldi en bætum
við okkur ferðaþjónustu.
Hvaða skoðun hafið þið á
félagsmálum bænda? Mætti styðja
betur við þá bændur sem eyða tíma
sínum við félagstörf í þágu bænda.
Hvernig mun íslenskum
landbúnaði vegna í framtíðinni?
Honum mun vegna vel ef við
gætum vel að helsta kosti hans,
hreinleikanum.
Hvar teljið þið að helstu tækifærin
séu í útflutningi íslenskra búvara?
Með okkar frábæru hreinu búvöru
ætti að vera léttur leikur að
markaðssetja hana hvar sem er.
Hvað er alltaf til í ísskápnum?
Mjólkurvörur, egg, rabarbarasulta
og lýsi.
Hver er vinsælasti maturinn á
heimilinu? Steiktur lambahryggur
með öllu.
Eftirminnilegasta atvikið við
bústörfin? Það má segja að tvö
atvik standa upp úr; þegar við
fylltum fjárhúsin og líka þegar
fyrsta býflugna búið kom á bæinn.
Grillaðar svínakótilettur með rósmaríni,
graskeri og kryddsmjöri
Það er upplagt að grilla svína-
kótilettur. Rósmarín og
kryddsmjör fer einkar vel með
slíkum grillmat.
Svínakótilettur
› ½ bolli salt
› ½ bolli kókossykur (eða venjulegur
hvítur sykur)
› 6 svínakótilettur, hver um sig ein
tomma á þykkt (Líka hægt að kaupa
léttreyktar og saltaðar svínakótilettur)
› Grasker og kryddsmjör
› 2–3 sneiðar grillað grasker
› 1⁄3 bolli kókossykur
› ½ bolli eplamauk (soðið eða grillað
epli)
› 1 msk. ferskt rósmarínlauf, aukagrein
til skreytingar
› 1 tsk. kanill
› Ögn af salti
› 100 g kalt smjör
Aðferð
Gerðu saltvatn með því að blanda
saltinu og sykrinum saman við tvo
lítra af vatni í potti sem er settur
á miðlungshita. Hrærið stöðugt
þar til sykurinn og saltið er alveg
uppleyst. Slökktu á hitanum og
láttu saltvatnið ná stofuhita. Setjið
svínakjötið í saltpækilinn í kæli í
að minnsta kosti eina klukkustund
en ekki meira en fjórar klukku-
stundir.
Setjið grasker, epli og krydd í mat-
vinnsluvél og maukið þar til blandan
er silkimjúk. Bætið þá köldu smjöri
saman við. Setjið til hliðar.
Forhitið útigrill á miðlungshita og
og penslið grindurnar létt með olíu.
Takið svínakjötið úr saltvatninu og
þerrið. Grillið þær þar til kjötið
hefur náð 68 gráðu kjarnhita – ætti
að vera um 10–12 mínútur á hlið.
Látið hvíla í nokkrar mínútur áður
en þær eru framreiddar með með-
læti að eigin vali.
Látið graskerssmjörið kólna í
smjörpappír og setjið í frysti. Það
er svo skorið í sneiðar sem settar
eru ofan á kjötsneiðina þar sem þær
bráðna.
Skreytið með fersku rósmaríni ef
þess er óskað.
Hollari kókos-bounty stykki
› 1 bolli ósykraður rifinn kókos
› 3 ½ msk. hreint hlynsíróp, hunang
eða agavesíróp
› 2 msk. kókosolía
› ½ tsk. hreint vanilluþykkni
› 1/8 tsk. salt
› 150 g dökkt ekta súkkulaði
› 1 tsk. olía (valfrjálst til að
mýkja súkkulaðið)
Blandið fyrstu fimm inni-
haldsefnunum saman í matvinnslu-
vél eða hrærivél (hægt er að hræra
með höndunum en þá er blandan
aðeins laus í sér). Setjið á bakka
með smjörpappír eða plastfilmu á.
Hnoðið blönduna með hreinum
höndum og frystið síðan þar til hún
er orðin stíf (má líka frysta og skera
í fallega bita).
Bræðið súkkulaðið rólega yfir
vatnsbaði eða í örbylgjuofni. Það má
hræra einni teskeið af grænmetis-
eða kókosolíu saman við sem gefur
miklu mýkri súkkulaðiskel. Penslið
eða dýfið kókosinu í súkkulaðið.
Látið harðna og framreiðið úr kæli.
Bjarni Gunnar Kristinsson
Matreiðslumeistari
MATARKRÓKURINN
LÍF&LYST – BÆRINN OKKAR
Eysteinseyri