Fréttabréf Öryrkjabandalags Íslands - 01.09.1989, Síða 27

Óvandaður skóbúnaður þarf ekki
aðeins að valda óþægindum heldur
getur hann aflagað fætur varanlega.
velja menn frekar þann kostinn að
sérsmíða skó fyrirþá sem þurfa með og
hjálpa öðrum með innleggjum.
BÖRN OG FÓTBÆKLUN
Bæklunarskór verða að teljast
fremur dýr vara og eru þar af leiðandi
ekki smíðaðir nema um verulega fötl-
un sé að ræða sem ekki verður tekist á
við með góðu móti eftir öðrum leiðum.
Það er hins vegar nauðsy nlegt að bækl-
unarskór séu notaðir þar sem við á því
yfirleitt eru þeir eina leiðin til þess að
takast á við alvarlegri fótfötlun eða
fyrirbyggja frekari fötlun síðar meir.
Þetta er sérstaklega mikilvægt að hafa
í huga þegar um börn og ungmenni er
að ræða, því síst bíða fótamein þeirra
sér til betrunar.
Það er mjög áríðandi að tekist sé á
við fótaveiki bama strax í upphafi.
Fætur þeirra vaxa mjög ört og því má
með réttri meðferð móta þá og rétta
ýmist til frambúðar eða þá svo að veiki
þeirra hái þeim miklu síður.
Til þess að tryggja sem best varan-
lega heilbrigði fótanna er nauðsynlegt
að grunnurinn sé lagður strax í æsku.
Velja verður á börnin góða skó, breiða
yfir rist og rúma, svo vel fari um fótinn
og með stífum og góðum hælkappa
sem veitir traustan stuðning. Fætur
fólks eru missterkir og þurfa mikinn
stuðning. Lélegur og óvandaður skó-
búnaður getur því beinlínis valdið
kröm á fótum sem að öðrum kosti
hefðu átt góða möguleika til heil-
brigðis.
f þessu sambandi er rétt að und-
irstrika að yfirleitt er ekki hægt að
„lækna“ fótveiki með bæklunarskó-
búnaði, heldur aðeins að halda aftur af
einkennum hennar. Bæklunarskór,
öklaspelkur og innlegg geta hins vegar
aukið vellíðan sjúklinga og létt þeim
gang og með þeim hætti gert þeim lífið
bærilegra.
AÐ VIÐHALDA HEILBRIGÐI
FÓTANNA
Þeir eru sennilega ekki margir sem
gera sér ljósa grein fyrir þætti fótanna
í almennu heilsufari. í nútímalegu
iðnaðarþjóðfélagi ríkir mikil
verkaskipting og margir vinna erfið og
einhæf störf sem gera miklar kröfur til
þess að hirt sé um fæturna. Þreytuverki
í baki og mjöðmum svo og verki í
hnjáliðum má í mörgum til vikum rekja
til þess að slfk störf eru unnin í lélegum
skóbúnaði sem veita lítinn stuðning og
aflaga jafnvel þá líkamsstöðu sem
störfin krefjast. Góðir skór geta haft
fyrirbyggjandi áhrif á slík óþægindi og
mikilvægi þess að fólk gangi í slíkum
skóm verður því seint ofmetið.
FYRIRKOMULAG
BÆKLUNARSKÓÞJÓNUSTU
Á ÍSLANDI
Fólk sem telur sig þurfa á þjónustu
bæklunarskósmiða að halda verður
fyrst að leita til læknis. Læknar veita
tilvísanir á hjálpartæki frá Trygg-
ingastofnun ríkisins og þangað eru þær
sendar ásamt útfylltri umsókn um
samþykki stofnunarinnar fyrir því að
hún fjármagni kaupin á hjálpartækj-
unum. Samþykktartilvísanireru síðan
sendar til þeirra aðila sem smíða bækl-
unarskóbúnaðinn og er þá hafist handa
um smíðina.
Nokkurn tíma getur tekið að sér-
smíða skó þar sem slík smíði er oft
vandasöm og skórnir smíðaðir hluta
fyrir hluta. Innlegg er yfirleitt mun
fljótlegra að smíða. Vegna þess að bið-
tími getur varað nokkrar vikur er
áríðandi að fólk leiti til læknis í tíma
með fótvandamál sín, en dragi það
ekki fram á síðustu stundu. Slíkur
dráttur getur aðeins valdið sjúkl-
ingnum meiri vanlíðan að
ástæðulausu.
Kolbeinn Gíslason þessi ágæti
bæklunarskósmiður sendi okkur
þessar Iínur og er þetta þarfa fram-
tak vel þakkað.
Tilkynning um
aðalfund
• •
Qryrkjabandalags
/
Islands
Aðalfundur Öryrkjabandalags
Islands verður settur föstudaginn 13.
október 1989 kl. 20.30. Setningin er
sameiginleg með Landssamtökunum
Þroskahjálp, sem setja þá landsþing
sitt. Sameiginlegur fundur verður með
Landssamtökunum Þroskahjálp laug-
ardaginn 14. október og verður aðal-
efni þess fundar réttindagæsla fatlaðra.
Aðalfundur Öryrkjabandalags íslands
verðursíðan haldinn sunnudaginn 15.
október. Setningin og báðir fundirnir
verða í Borgartúni 6 4. hæð.
Dagskrá fundanna og nánari tíma-
setning verður send síðar. Athygli skal
vakin á því, að á aðalfundi bandalags-
ins fer fram kjör formanns og annarra
stjómarmanna þess til næstu tveggja
ára. Hvert aðildarfélag á rétt á að senda
3 fulltrúa til fundarins og ber að skila
kjörbréfum til bandalagsins fyrir 10.
okt. n.k.
FRÉTTABRÉF ÖRYRKJABANDALAGSINS
27