Fréttabréf Öryrkjabandalags Íslands - 01.03.1999, Page 11

okkur sjálf. Stundum vörpum við
skuggunum í okkur sjálfum yfir á
stjómmálamenn og embættismenn.
En hvað gemm við til þess að hlúa
betur að náunganum á þessari
aðventu? Ef það er eitthvað sem
boðskap jólanna er ætlað að hafa áhrif
á þá er það þetta. Við skulum þakka
fyrir þau tækifæri sem við höfum til
að efla hag þeirra sem standa höllum
fæti. Það gerum við með samstöðu og
með því að taka undir réttmætar kröf-
ur þeirra. Réttlætið og kærleikurinn á
að haldast í hendur og sagt hefur verið
að réttlætið birti ásjónu guðs en með
óréttlæti og umburðarleysi glötum við
henni.
Nú á tímum eru menn orðnir
hræddir við dauðann í umhverf-
inu af mengun og súm regni og ekki
að ástæðulausu. En sennilega verður
tilfinningaleysið fyrr til að deyða
okkur. Þetta dæmalausa sinnuleysi
þegar öllum stendur á sama um allt
og alla. Það versta er að menn venjast
þessu, rétt eins og menn venjast
eyðingu umhverfisins.
Læknirinn Karl Menninger sagði
eitt sinn að það sé hægt að verða betri
en góður til heilsunnar, það sem hann
kallaði “weller than well”. Okkur
býðst öllum að verða betri en góð til
heilsunnar með því að læra að takast
á við áföll og mótlæti lífsins í hvaða
mynd sem þau birtast og hvað afstöð-
una til öryrkja varðar þá verða breyt-
ingamar mestar og bestar þegar menn
setja sig í þeirra spor.
Ef við ætlum okkur að lifa verðum
við meðvitað að velja lífið. Það er sú
ögrun sem við stöndum frammi fyrir
á þessari aðventu. Við verðum að
elska lífið af svo mikilli ástríðu að við
venjumst ekki sinnuleysinu. Við verð-
um að sigrast á eigin tilfinningaleysi
og heillast af því lífi sem guð hefur
gefið okkur. Það er sá guð sem birtist
í Jesú Kristi, höfðingja friðar, kær-
leika og réttlætis. Hann kom til þess
að líkna og lækna og gera menn betri
en góða til heilsunnar.
Við spyrjum hvernig við getum
haldið til fundar við hann, eða öllu
heldur hvernig hann komi til okkar
um þessi jól?
að gerði einnig skósmiðurinn
sem Tolstoy skrifar um í sögunni
Dagur í lífi Panovs afa. Skósmiðinn
dreymdi draum á aðfangadag um að
Jesús kæmi til hans. Hann sat við
gluggann á verkstæði sínu og trúði því
að Jesús kæmi. Svo kom götusóp-
arinn sem virtist vera kalt og skósmið-
urinn sló til og bauð honum upp á
kaffisopa. En hann leit stöðugt út um
gluggann og sagði götusóparanum frá
draumi sínum. Svo fór götusóparinn
og var kaffinu og hlýjunni feginn.
Síðan kom kona með illa klætt barn
og skósmiðurinn gaf barninu skó og
mömmunni súpu. Hann rak heila
hjálparstofnun á verkstæði sínu. En
þegar hún var farin fannst skósmiðn-
um eins og talað væri til sín með
orðunum: “Eg var svangur og þú gafst
mér að borða, ég var þyrstur og þú
gafst mér að drekka. Mér var kalt og
þú bauðst mér inn. Eg mætti þér í
öllum sem þú líknaðir í dag. Þegar þú
aðstoðaðir þá miskunnaðir þú þig yfir
mig”. Þannig er hið eilífa kærleiksríki
guðs, sem Jesús birti og lauk upp fyrir
mönnum”. “Það sem þér gerið einum
þessara minna minnstu bræðra, það
gjörið þér mér”.
Sigurbjörn Einarsson, biskup,
varpaði eitt sinn fram þeirri spurningu
hvort “íslenska þjóðin sé orðin svo
háþróuð, að svona einföld orð frá
Kananlandi eigi ekkert erindi við hana
lengur. Einfaldur, blátt áfram kristin-
dómur hæfir víst ekki þroska hennar”,
segir hann. “Eða hvað? Kristin trú
óbrengluð, eltist ekki við álfa, aftur-
göngur eða “geimverur”. Hún beinir
athygli að mönnum, hún vill vera
skyggn á fólk, hún vill horfa með
augum Krists á mennina og mannlífið
og taka til hendinni á vettvangi mann-
Iegs lífs eftir tilvísun hans í hlýðni við
hann”. Svo mörg voru þau orð.
Hvert verður andsvar þitt á þessari
jólaföstu? Ert þú reiðubúinn að
fylgja Kristi eftir með því að sýna
náunganum samstöðu, vitandi að þar
sem Kristur er þar er ríki guðs, ríki
kærleika, miskunnsemi og réttlætis?
Hann leiðir okkur til samfélags við
guð og náungann, lífríkið og náttúr-
una og okkar innra sjálf, þannig að
viðskynjumtilgangmeðlífinu. Hann
vísar okkur veginn, svo við öðlumst
rétt sjálfsmat og sjálfsvirðingu, höld-
um í vonina þrátt fyrir þung áföll,
finnum leiðina frá sektarkennd til
sáttargjörðar, skynjum hið eilífa mitt
í tímanum og eignumst samfélag
trúarinnar og kærleikans. Gefum
honum rúm í hjörtum okkar um þessi
jól og þá mun náungi okkar einnig
eignast skjól og jólin verða gleðileg
samstöðuhátíð.
Olafur Oddur Jónsson
Kynningarátak
• •
Oryrkjabandalag Islands efndi í febrúar sl. til sérstaks kynn-
ingarátaks í fjölmiðlum til þess að vekja athygli á baráttumálum
bandalagsins og bágum kjörum svo alltof margra öryrkja.
Annars vegar voru tvær heilsíðuauglýsingar í Morgunblaðinu sem
birtust þar með viku millibili og fóru tæpast framhjá neinum lesanda
blaðsins. Vissir þú sem hér birtist í síðasta blaði var uppistaða annarrar
og sláandi sterk ummæli margra merkra aðila um kjör öryrkja uppistaða
hinnar, en þau ummæli einmitt birt hér í blaðinu nú.
Þau ummæli voru svo lesin í hljóðvarpi bæði á RUV og Bylgjunni
og hljóta að hafa náð eyrum ærið margra.
Þetta átak var eðilega tengt því að nú var að ljúka síðasta þingi á
þessu kjörtímabili og full ástæða til ítrekunar á því sem mestu skiptir
þ.e. réttlátri hlutdeild öryrkja í hinu margrómaða góðæri.
Kosningar eru á næsta leiti og öruggt að áfram verður á hin bráðbrýnu
baráttumál minnt í aðdraganda þeirra, þannig að nokkuð ljóst sé hvað
flokkar og frambjóðendur hyggjast fyrir í því að rétta hag þessa hóps.
Það verður þá ekki sagt að menn hafi verið alls ófróðir um ástand
mála og hvar úr mætti bæta allra helst.
H.S.
FRÉTTABRÉF ÖRYRKJABANDALAGSINS
11