Fréttabréf Öryrkjabandalags Íslands - 01.03.1999, Blaðsíða 19

Norræn menntastofnun fyrir starfsfólk
sem vinnur með daufblindum
s
IDronninglund, rétt norðan við
Álaborg í Danmörku, er norræn
menntastofnun, sem hefur það
hlutverk að halda námskeið fyrir
starfsfólk sem vinnur með dauf-
blindum.
Stofnunin heit-
ir Nordisk Udd-
annelsessenter
For Dövblinde-
personale.
(N.U.D.)
H 1 u t v e r k
N.U.D. er meðal
annars að bjóða
upp á ýmiskonar
fræðslu svo sem.
6 vikna grunn-
námskeið (2x3
vikur)
Fyrir fólk sem
vinnur annað-
hvort með dauf-
blindfæddum, þ.e.
einstaklingar með
meðfædda sjón
og heyrnarskerð-
ingu eða hafa
misst sjón og
heyrn fyrir mál-
töku. Hinsvegar
síðdaufblindum,
þ.e. einstaklingar
sem hafa orðið
daufblindir seinna
á ævinni, fæðast
annaðhvort
heyrnarlausir og
verða svo blindir, eða fæðast blindir
og verða heyrnarlausir. Nokkrir eru
fæddir með eðlilega sjón og heyrn en
missa svo hvoru tveggja vegna sjúk-
dóms, slysa eða elli.
Framhaldsnámskeið/þema-
námskeið (1-3 vikur).
Fyrir þá sem hafa ákveðna grunn-
menntun í starfi með daufblindum.
Ráðstefnur og námstefnur (3-5
dagar)
T.d. hafa hópar og einstaklingar
greiðan aðgang að N.U.D. og geta
skipulagt ráðstefnur að eigin
frumkvæði.
Námsviku sem ætluð er einstakl-
ingum og hópum sem vilja vinna sam-
an og nýta bókasafn og aðra aðstöðu
stofnunarinnar (1 -5 dagar).
Kostnaður:
Þátttakendur greiða hluta af uppi-
haldi um það bil 100 þúsund krónur
fyrir 6 vikna námskeið. Annar kostn-
aður til dæmis ferðir og námskeiðs-
gögn er allur greiddur af N.U.D. sem
er samnorræn stofnun og er styrkt af
félagsmálaráðuneytum allra Norð-
urlandanna. Gert er ráð fyrir að
vinnuveitandi tryggi þátttakendum
óskert laun meðan á námi stendur.
Inntökuskily rði:
18-20 nemendur komast að á hvert
námskeið og er reynt að hafa sem
jafnastan fjölda þátttakenda frá öllum
Norðurlöndunum. Nemendur skulu
hafa unnið að minnsta kosti eitt ár
með daufblindum. Námskeiðin eru
þverfagleg og ætluð jafnt öllum
faghópum. Einstaka þemanámskeið
er þó ætlað sérstökum hópum og er
það þá auglýst sérstaklega. Fyrirles-
arar koma frá öllum Norðurlöndunum
og boðið er upp á túlkun á öllu efni
fyrir Islendinga og Finna.
Upplýsingar um námskeiðin:
N.U.D. gefur árlega út bækling
sem inniheldur hvaða námskeið er
boðið upp á á hverju ári, ásamt frétta-
bréfi til skóla og stofnana sem þess
óska. Þeir sem hafa áhuga á að fá upp-
lýsingar um N.U.D. er bent á Dauf-
blindrafélag íslands.
Grunnnámskeið fyrir starfsfólk
sem vinnur með fullorðnum síð-
daufblindum.
Undirritaðar sóttu þetta sex vikna
námskeið sem er 2x3 vikur og var
fyrri hlutinn haldinn 20/9 - 9/10 1998
í Dronninglund. Sá hluti námskeiðs-
ins er aðallega fræðilegur í formi
fyrirlestra og hópavinnu. Fjallað er
um viðhorf, lífsgæði, samvinnu og
ýmsa læknisfræðilega þætti. Einnig
um ýmsa þjónustuþætti, samskipti og
mál og andleg áhrif fötlunarinnar.
Seinni hlutinn verður haldinn 11/
4 - 30/4 1999 og verður þá fyrsta
vikan ætluð sem námsvika þar sem
þátttakendum gefst kostur á að heim-
sækja stofnanir á Norðurlöndum eða
nota bókasafn N.U.D. til að afla sér
þekkingar.
Síðustu tvær vikur námskeiðsins
eru haldnar í Dronninglund.
Einnig er ætlast til að þátttakendur
vinni hóp- eða einstaklingsverkefni
og skili því fyrir lok síðari hluta nám-
skeiðsins.
Við völdum okkur sem verkefni að
miðla upplýsingum um daufblindu
með því að:
1. Taka saman efni um fötlunina
sem nota mætti í upplýsingabækling.
2. Skrifa grein í fagtímarit.
3. Kynna fötlunina og starfsemi
N.U.D. í nánasta starfsumhverfi.
Daufblinda er fötlun sem hefur
ekki fengið mikla umfjöllun að okkar
mati. Vildum við því leggja okkar af
mörkum til að vekja athygli á þessari
sértæku fötlun. En þeim sem hafa
áhuga á að afla sér frekari upplýsinga
viljum við benda á Daufblindrafélag
íslands Hamrahlíð 17. Sími 553-
6611.
Guðný Sigurðardóttir
starfar í Oddshúsi.
Ingibjörg Jónsdóttir
forstöðuþroskaþjálfi á sambýli á
Akranesi.
Sigrún Þorvarðardóttir
forstöðuþroskaþjálfi á sambýli á
Selfossi.
Meiri mér
Þú stóri örn
á sterkum vængjum
hátt í lofti
líður áfram,
einsog sértu
ekki háður
því sem heitir
þyngdarlögmál,
og mig fjötrar
fast við jörðu
hvað sem hátt
minn hugur leitar.
Jón Þorleifsson.
Guðný
Sigurðardóttir
Ingibjörg
Jónsdóttir
Sigrún
Þorvarðardóttir
FRÉTTABRÉF ÖRYRKJABANDALAGSINS
19