Tímarit Öryrkjabandalags Íslands - 01.03.2002, Blaðsíða 18

KR-strákar
á táknmálsnámskeiði
Sindri Jóhannsson er 12 ára
KR-ingur sem lifir og
hrærist í fótbolta eins og
strákar gera oft á þessum
aldri. Sindri er heyrnarlaus en lætur
það ekki hafa áhrif á fótbolta-
iðkunina. Foreldrar Sindra hafa
stutt hann og gera allt sem í þeirra
valdi stendur til að auðvelda sam-
skiptin á milli hans og félaga hans.
í nóvember hélt Samskiptamið-
stöðin táknmálsnámskeið fyrir
strákana sem æfa fótbolta með
Sindra að beiðni foreldra hans
þeirra Jóhanns Hlíðar Harðarsonar
og Maríu Klemensdóttur. Fyrsta
námskeiðið var haldið fyrir rúmu
ári og var þetta því nokkurs konar
framhaldsnámskeið. Trausti
Jóhannesson táknmálskennari kom
frá Samskiptamiðstöð heyrnar-
lausra og einnig túlkur. Nám-
skeiðið var haldið í KR-heimilinu
við Frostaskjól þrjá fimmtudaga í
röð í tvo tíma í senn. María segir að
forsvarsmenn KR hafi sýnt þeim
mikinn skilning. Námskeiðið var
vel sótt af félögum Sindra og áhug-
inn mikill. María segir að strákarnir
hafi sýnt mikla framför enda mátti
sjá á strákunum að áhuginn var
mikill. Margir höfðu aldrei kynnst
táknmáli áður og er óhætt að segja
að þama hafi strákamir fengið gott
tækifæri til að kynnast aðstæðum
heymarlausra.
Sindri er ánægður með framtak
foreldra sinna en María segir að
best af öllu sé að félagar hans viti
hvað er að vera heymarlaus.
Fjölskyldan bjó í 11 ár í Dan-
mörku og lærði Sindri danskt tákn-
mál sem er líka notað á heimilinu.
Þau fluttu heim fyrir rúmum fjórum
árum og hafa þau gengið á marga
veggi en reyna allt hvað þau geta til
að koma í veg fyrir einangrun sem
fylgir heyrnarleysinu.
„Sindri er mikil félagsvera og
Trausti Jóhannesson að kenna strákunum helstu táknin.
18