Tímarit Öryrkjabandalags Íslands - 01.03.2002, Blaðsíða 20

Hús finnsku Parkinsonsamtakanna.
Frá ársfundi
N.P.R. í Turku
Finnlandi í
apríl 2001
Eins og allir aðrir fundir sem við
sækjum til annarra landa, byrjaði
þetta með löngu ferðalagi, í þetta
sinn flugum við til Stokkhólms og
þaðan áfram til Turku. Alltaf má sjá eitthvað
spaugilegt á þessum ferðum og í þetta sinn
var það að þeir voru ekki neitt sparir á
fararskjóta handa okkur því ekki dugði
minna en ein af 46 framleiddum Saab
skrúfuþotum sem taka 58 farþega en við
vorum samtals 8 með flugfreyjunni. Fulltrúi
íslands ásamt undirrituðum var Hervör
Hallbjömsdóttir. Er við komum á áfangastað
var byrjað á því að vísa okkur til herbergja,
ennfremur fengum við öll gögn sem fylgdu
fundinum. Þá var farið með okkur í smá-
kynnisferð um húsið sem er hið glæsilegasta
í alla staði en það er mjög nýlegt og búið
öllum þeim tækjum og tólum sem þarf. Hús
þetta mun vera eign Parkinsonsamtakanna
finnsku og félags heilaskaðaðra. Kynningu á
húsinu og staðháttum öllum annaðist Sirppa
Kinos frá finnsku samtökunum.
Kl. 18:00 var boðið til kvöldverðar í mat-
sal hússins. Við hittumst síðan öll í einni
af setustofum hússins og þar fór fram kynn-
ing á öllum fundarmönnum og eins konar
samblöndun á fólki. Gengið var snemma til
náða því erfiður dagur var framundan.
Morguninn eftir var byrjað með því að
velja fundarstjóra en það féll í hlut Bi
Nybom. Fyrst tók til máls hjúkrunarfræð-
ingur frá háskólasjúkrahúsinu í Helsingfors
og fjallaði hún um heimsóknir sjúklinga á
heilsugæslustöðvar m.a. kostnað sem virtist
vera minna en 60 finnsk mörk (um 900 kr.) ef
farið var á heilsugæslustöð en stundum 120
Fm ef talað var við lækni. Fyrst og fremst var
um upplýsingamiðlun að ræða og var talið
mjög mikilvægt að sjúklingar fengju sem
gleggstar upplýsingar um væntanlega með-
höndlun því þá yrði allt miklu jákvæðara.
Upplýsingar um lyf og aðra sjúkdóma er
kynnu að vera til staðar, meirihluti þessara
upplýsinga kemur frá lækni viðkomandi og
er um mjög nána samvinnu að ræða.
20