Dagblaðið Vísir - DV - 31.01.2020, Blaðsíða 21

Sérblað
31. janúar 2020
KYNNINGARBLAÐ
Ábyrgðarmaður: Kolbrún Dröfn Ragnarsdóttir / kolla@dv.is Umsjón: Jóhanna María Einarsdóttir / johanna@dv.is
HÖNNUN OG EFTIRLIT:
Ný eign er ekki
sjálfkrafa gallalaus
Hönnun og eftirlit er framsækið og öflugt fyrirtæki sem sérhæfir sig
í ástandsskoðun fasteigna, þá
bæði fyrir einstaklinga og fyrirtæki,
ásamt byggingastjórn og öðru
sem viðkemur fasteignamálum.
Fyrirtækið var stofnað árið
2007 af Gunnari Fannbergi
Gunnarssyni byggingarfræðingi
og Hólmfríði Halldórsdóttur
viðskiptafræðingi og fór fljótlega
eftir stofnun í sérhæfingu í almennri
ástandsskoðun ásamt því að taka
að sér deilumál/ágreiningsmál eða
mál sem eru bæði innan sem utan
dómstóla.
Hönnun og eftirlit byggir á
fagmennsku og vel skilgreindum
verkferlum. Auk þess hefur fyrirtækið
öflugt gæðakerfi og áratuga reynslu
starfsmanna við mannvirkjagerð,
eftirlit eða aðra þætti sem snúa að
fyrirliggjandi verkefnum.
Ástandsskoðun fyrir allar
fasteignir
„Ástandsskoðun fasteigna kemur í
veg fyrir alls konar vandamál, en við
þannig skoðun koma oft ýmsir duldir
gallar eða önnur vandamál fram
strax,“ segir Gunnar.
Gunnar bendir á að við kaup á
nýrri fasteign sé gott að kynna sér
eignina vel og gera svo í framhaldinu
kauptilboð byggt á þeirri skoðun
með fyrirvara um ástandsskoðun.
Með þeim hætti er ekki verið að
leggja út í kostnað við skoðun nema
í þeim tilfellum þar sem fyrir liggur
samþykkt kauptilboð.
Í flestum tilvikum er um sjónmat
að ræða, en við þannig mat er
alltaf hitamyndavél og rakamælir
meðferðis og notað þegar ástæða
þykir til. Í framhaldinu er svo hægt
er að gera nánari ástandsskoðun
eins og t.d. með myndavélaskoðun
í holræsi eða prufu niðurrif á
byggingarhlutum til þess að kanna
ástand byggingarhluta frekar.
„Við skoðun koma oft upp atriði
sem ekki lágu fyrir við kauptilboð
og með því er komið í veg fyrir
vandamál eða ágreining sem
almennt kemur upp ef kaupendur
eða seljendur hefðu ekki verið
upplýstir um þau. Ástandsskoðun
sem og önnur skoðun stýrir því
oft málum frá ágreiningi eða
málaferlum,“ bætir Gunnar við.
Nýjar eignir ekki alltaf gallalausar
„Það er ekki sjálfgefið að nýjar eignir
séu gallalausar og oft erum við
að sjá verri galla eða vandamál í
nýjum eignum frekari en eldri,“ segir
Gunnar. „Í eldri eignum sem hafa
fengið gott viðhald í gegnum árin
erum við hins vegar að sjá færri og
minni galla,“ bætir Gunnar við. Ávallt
er farið yfir þau atriði sem upp koma
og útskýrt fyrir aðilum hvað snýr
að almennu viðhaldi og leiðum til
endurbóta eða lagfæringa
Undanfarið hefur því
ástandsskoðunum á nýjum eignum
fjölgað gríðarlega og mælir
Gunnar eindregið með að fólk
í fasteignahugleiðingum, bæði
einstaklingar og fyrirtæki, íhugi að
láta ástandsskoða eignirnar. Þrátt
fyrir að verið sé að festa kaup á
alveg nýrri og ónotraði eign þá snýr
skoðun meira að því hvort eignin sé
fullbúin og tilbúin til afhendingar til
kaupenda.
„Það jákvæða er að við nýrri
eignirnar eru oft ábyrgðir eða
tryggingar til staðar eða jafnvel inni
í myndinni að verktakinn sem byggði
umrædda fasteign mæti til þess að
lagfæra það sem á er bent,“ segir
Gunnar að lokum.
Margvísleg verkefni
Hönnun og eftirlit sér ekki bara
um ástandsskoðun, en verkefni
fyrirtækisins eru margvísleg
og má þar m.a. annars nefna
byggingastjórnun, eftirlit, breytingar,
burðarþol og lagnir og margt fleira.
Hægt er að hafa samandi við
Hönnun og eftirlit í síma 445-9545
eða 863-1668. Einnig má sjá myndir
og annað sem snertir skoðanir inni á
Hönnun og Eftirlit á facebook
www.honnunogeftirlit.is
Hönnun og Eftirlit
Lágmúla 6
108 Reykjavík
S: 445-9545 gsm: 863-1668
Hugum vel að allri öndun og frágangi
klæðninga til að hindra óþarfa niðurbrot.