Íþróttablaðið - 01.04.1980, Page 26

Gunnar Huseby í úrslitakeppni Evrópumeistaramótsins í Osló
1946.
Konráð Gíslason segir
frá því er Gunnar Huseby
varð Evrópumeistari í
kúluvarpi)
„Gunnar Huseby er fyrsti
íslendingurinn sem verður
Evrópumeistari í íþróttum. Af
13 þátttakendum komust 9 í
úrslitakeppnina — þeir sem
höfðu kastað yfir 14 metra í
forkeppninni. Þar var Gunnar
einnig nr. 1, kastaði 15,64
metra, eða nokkru lengra en í
aðalkeppninni, og var þá sá
eini, sem kastaði yfir 15 metra.
Við íslendingarnir sem horfð-
um á þessa keppni vorum með
lífið í lúkunum meðan á henni
stóð. Við hétum á Gunnar að
duga nú vel landi sínu og þjóð,
því að hér var eini möguleik-
inn fyrir okkur til þess að
eignast Evrópumeistara. Eftir
fyrstu umferð höfðum við allir
hjartslátt. Gunnar hafði kast-
að 14,94 mtr, en Rússinn
15,28. En í næstu umferð lyft-
ist á okkur brúnin. Nú kastaði
Gunnar 15,56 m, en Rússinn
ekki nema 14,95 og aðrir
þaðan af styttra. Ennþá voru
eftir 4 köst svo að margt gat
skeð. En við treystum á
Gunnar. Þó var það svo, að í
hvert sinn sem Gorjainov
gekk í hringinn þá fengum við
sting og urðum órólegir og
utan við okkur. Og mikið létti
okkur þegar þessari keppni
var lokið og Gunnar orðinn
Evrópumeistari. íslenski fán-
inn var dreginn að hún og ís-
lenski sigurvegarinn stóð á
miðjum verðlaunapallinum
og tók við gullmerkinu. Þá
óskaði ég eftir að við værum
orðnir 50 saman svo að við
gætum látið alla viðstadda
heyra fagnaðaróp okkar. En
við vorum aðeins 2 íslenskir
fréttaritarar sem sátum saman
(Ingólfur Steinsson frá dag-
blaðinu Vísi sat við hlið mér)
og það eina, sem við gátum
gert var að standa upp, taka
ofan hattana og veifa þeim
framan í Gunnar. Óp úr
aðeins 2 mannsbörkum voru
alveg þýðingarlaus, þau hefðu
dáið út á leiðinni. En við vor-
um í sjöunda himni. Það var
tilvinnandi að ferðast alla leið
frá Reykjavík til Osló til þess
íþróttablaðið
1946
að verða viðstaddur þegar
fyrsti íslenski Evrópumeistar-
inn var krýndur. Þá var gaman
að vera íslendingur í framandi
landi. Gunnar varð mjög vin-
sæll í Osló eftir þetta afrek og
blöðin birtu greinar um hann
ásamt myndum og gátu þess
um leið, að það væri einsdæmi
að þjóð með aðeins 130.000
íbúum hefði svo góðum
íþróttamönnum á að skipa
eins og íslendingar. í úrslita-
keppninni náði Gunnar eftir-
töldum kastlengdum: 14,94 —
15,56 — 14,82 — 14,49 —
14,98— 15,22 m.“
26