Íþróttablaðið - 01.05.1981, Blaðsíða 61

A útivelli
Bonhof
æfir sig
Rainer Bonhof er mikill
áhugamaður um líkamsrækt
og hefur lyftingatæki í kjallar-
anum hjá sér. Hann virðist þó
eiga langt í land með að ná
kappanum sem myndin er af á
veggnum hjá honum.
Nautið hafði betur
Bandaríska fréttastofan
UPI valdi meðfylgjandi mynd
sem „íþróttamynd ársins
1980“. Hún var tekin í
Mexico, og sýnir nautabanann
Edmundo Nolina lúta í lægra
haldi fyrir keppinaut sínum.
Meiddist Nolina illa þegar
nautið setti homið i rassinn á
honum, og stoðaði lítt þótt fé-
lagi hans næði góðu taki á hala
nautsins. Þeim sem illa er við
nautaat og telja þetta ekki til
íþrótta höfðu hins vegar litla
samúð með Nolina og sögðu
honum væri þetta rétt í rass
rekið.
Fékk verðlaun fyrir drengskap
Vestur-þýska stórblaðið
Bild Zeitung heiðraði nýlega
heimsmeistarann í hnefaleik-
um þungavigtar, Larry Holmes
og færði honum forkunnar-
fagran verðlaunagrip að gjöf.
Ástæða þessarar verðlauna-
veitingar var drengileg fram-
ganga hnefaleikakappanns er
hann mætti Muhammad Ali í
titilleik um heimsmeistara-
titilinn, en að sögn blaðsins
hefði Holmes getað farið illa
með AIi í leiknum, en gerði það
hins vegar ekki.
61