Íþróttablaðið - 01.04.1989, Síða 10

varð á kosið, um 20 stiga hiti og æf-
ingasvæðið ólíkt því sem íslenskir
knattspyrnumenn eiga að venjast.
Fremur létt æfing var í gangi þegar
mig bar að garði enda aðeins tveir
dagar í stórleik gegn Juventus í Míl-
anó. Leikmenn æfðu aukaspyrnur
yfir þartilgerðar varnardúkkur og var
slegið á létta strengi. Gullit virtist
vera hrókur alls fagnaðar og gerði
óspart grín að þeim sem skutu yfiren
eftir að hafa fylgst með aukaspyrnu-
sérfræðingunum kemur ekki á óvart
að aukaspyrnurnar skuli vera vel út-
færðar í leikjum.
Að lokinni æfingunni gaf ég mig á
tal við Gullitog kom þá í Ijós að hann
hafði ekki hugmynd um að óskað
hefði verið eftir viðtali við hann. Sem
betur fer brást Gullit vel við bóninni
því hann gat vart sent mann alla leið
aftur til íslands með „öngulinn í rass-
inum". „Á mánudaginn, eftir æfing-
una hentar mér ágætlega að ræða við
þig en í dag er ég fremur upptekinn,"
sagði hann brosandi ogspurðistfrétta
af Pétri Péturssyni.
„Hugsa fram
í tímann“
Nú var bara að vonast til þess að
ACMilan bæri sigurorð afjuventustil
þess að tryggja að hann yrði í góðu
skapi. Ákjósanlegast væri ef Gullit
skoraði mark í leiknum en sú ósk var
ekki uppfyllt. Eins og flestum er
kunnugt lyktaði leiknum með stór-
sigri AC Milan 4:0 og átti Gullit
glimrandi leik. Varviðöðru aðbúast?
Gullit er einbirni, fæddur 1. sept-
ember 1962 í Amsterdam. Faðir hans
er frá Surinam í Suður-Ameríku en
móðir hans er hollensk. „Pabbi lék
knattspyrnu með félaginu Robin
Hood í Paramaibo og var landsliðs-
maður. Ég er oft spurður að því hver
hafi haft mest áhrif á mig sem knatt-
spyrnumann og svara ég því ávallt til
að það hafi verið pabbi. Auðvitað
höfðu Cruyffog Van Hanegem einn-
ig mikil áhrif á mig. Hjá þeim æfði ég
í þrjú ár og það var gífurlega lær-
dómsríkt. Van Hanegem lagði ríka
áherslu á það hjá mér að hugsa fram í
tímann. Hjá þessum tveimur mönn-
um fullorðnaðist ég sem knattspyrnu-
maður. Mest lærði ég af þeim með
því að fylgjast með og sjá hvernig