Íþróttablaðið - 01.04.1989, Qupperneq 15

upp alvarlegan svip bara af því ég
leik fyrir AC Milan. Ég reyni ávallt að
vera sem eðlilegastur og þá er ég oft-
ast brosandi eða hlæjandi."
— Áttu aldrei erfitt með að ein-
beita þér í leikjum vegna þeirrar
pressu sem stafar af áhorfendum,
fjölmiðlum og þeim sem standa að
liðinu?
„Ég einbeiti mér að því að leiða
áhorfendur hjá mér og það tekst iðu-
lega mjög vel. Hugsi maður stöðugt
um öll þau augu sem fylgjast með
fatast manni flugið fljótt."
„Ekkert einkalíf
sem knatt-
spyrnumaður“
— Hvað er erfiðast við að vera
knattspyrnumaður á ítalíu?
„Einkalífið. Það er engin spurning.
Á hverjum degi verða á vegi mínum
forvitnir ítalir sem biðja mig um pen-
inga eða vilja vita allt um einkalífið."
— Ferðu þá nokkurn tímann út í
göngutúr með fjölskyldunni?
„Ef ég geri það þarf ég að búa mig
undir það andlega. ítalir eru mjög
gjarnir á að elta mig á götum úti án
þess að trufla mig frekar. Stundum
hefég verið eltur af stórum hópi fólks
sem stöðvar um leið og ég skoða í
glugga og líti ég til baka horfir það
upp í loftið og þykist ekkert vera að
gera annað en að spóka sig. Sama
gildir um aðra leikmenn á Ítalíu. Þeir
fá engan frið og eiga nánast ekkert
einkalíf. Það getur verið hvimleitt að
fá aldrei að vera í friði."
Eiginkona Cullits heitir Yvonneog
eiga þau tvær ungar dætur. Felicity er
þriggja ára en Sharmayne rúmlega
eins árs. Cullit hefur ekki farið var-
hluta af ósvífnum blaðamönnum
sem hafafylgt honum hvertfótmál og
reynt að búa til fyrirsagnir úr engu. Til
að mynda var það gert að blaðamáli
þegar ensk blaðakona fékk viðtal við
Gullit og var sagt að þau hefðu átt í
ástarsambandi. Tekin var mynd af
konunni þar sem hún horfði á leik
með AC Milan og þar sem hún sást á
tali við Gullit en hann sagðist hafa
hreinan skjöld. Vegna þessa máls
hefur hann verið á varðbergi gagn-
vart blaðamönnum en sumir hverjir
nota hverttækifæri til þess að klekkja
Knattspyrnumaður Evrópu 1988, Marco Van Basten, höndlar ÍÞRÓTTA-
BLAÐIÐ eftir æfingu og gerðist vitaskuld áskrifandi.
á honum. Greinarhöfundur ákvað
því að impra ekki á þessu máli við
Gullit til þess að eiga ekki á hættu að
móðga meistarann."
— Hvað hefurðu lært á þeim
tveimur árum sem þú hefur verið at-
vinnumaður á ítalíu?
„Ég hef lært að vera meira „pro-
fessional". Ég hef líka lært það að
fyrir mér er knattspyrna bara leikur.
Eftir leiki hef ég engan áhuga á að
ræða um hvað hefði mátt betur fara
og af hverju ég gerði þetta en ekki
hitt. Leikurinn er búinn og ég gerði
mitt besta, punktur. Ég hef einnig
reynt að njóta lífsins utan knattspyrn-
unnar og reynt að útiloka hana þegar
fjölskyIdan á í hlut."
15