Íþróttablaðið - 01.04.1989, Qupperneq 8

Þess má geta að Pétur og Gullit
léku saman síðasta leik sinn hjá
Feyenoord árið 1985 og að leik lokn-
um skiptust þeir á treyjum. „Gullit
fékk hrikalega og mjög ósanngjarna
útreið hjá Feyenoord í þessum leik,"
segir Pétur. „Árið áður hafði hann
gert liðið að hollenskum meisturum
og liðið varð einnig bikarmeistari.
Hann átti mestan þátt í því að félagið
varorðiðstórveldi en hann taldi sjálf-
um sér fyrir bestu að breyta til og
leika með PSV Eindhoven. Áhang-
endur Feyenoord kunnu ekki að
meta þessa ákvörðun hans og voru
fljótir að gleyma því sem hann hafði
gert fyrir þá. í umræddum leik hentu
áhorfendur í hann bönunum í hvert
sinn sem hann kom nærri hliðarlín-
unum. Eg fann mikið til með Gullit í
þessum leik en hann tók þessu með
sinni stóísku ró. Að leik loknum
minntist hann ekki einu orði á við-
brögð áhorfendaen allir bjuggust við
því að hann myndi láta gamminn
geisa. Viðbrögð hans voru einkenn-
andi fyrir persónuleika hans. Hann
svaraði illu með góðu.
Líf hans snýst alfarið um knatt-
spyrnu og utan vallar ræðir hann um
fátt annað. Hann er mjög „profess-
ional" í öllu sem hann tekur sér fyrir
hendur og gerir það eins vel og frek-
aster kostur. Enda átti hann þess kost
að læra af ekki ómerkari mönnum en
Van Hanegem ogjohan Cruyff. Gull-
it er einn Ijúfasti persónuleiki sem ég
hef kynnst í knattspyrnunni og hjá
honum vottar hvorki fyrir sýndar-
mennsku né „stjörnukomplexum."
Það tók tímana tvenna að komast í
samband við blaðafulItrúa AC Milan
til þess að grennslast fyrir um hvort
einhver möguleiki væri á að/á viðtal
við Ruud Gullit. Eftir dyggá aðstoð
ítölskumælandi íslendings í Torino
lofaði blaðafulltrúinn að hitta blaða-
mann ÍÞRÓTTABLAÐSINS á æfing-
arsvæði AC Milan í Milanello klukk-
an 11.30, föstudaginn 10. mars sl..
Hann sagðist ennfremur myndi sjá til
Pietro Paolo Virdis og Ruud Gullit í
hvíldarstöðu á æfingu.
þess að Gullit veitti viðtal og bað
greinarhöfund að drífa sig til Ítalíu
hið snarasta.
Æfingasvæði meistaranna í Milan-
ello er rúma 40 km fyrir utan Mílanó
og var töluverðum vandkvæðum
bundið fyrir einstrengnislegan leigu-
bílstjóra stórborgarinnar að rata rétta
leið. Loftlaus hjólbarði og tómur
bensíntankur tafði töluvert fyrir og
þrátt fyrir fjölda fyrirspurna reyndist
leigubílstjóranum örðugt að komast
á leiðarenda. Enskukunnáttunni var
ekki fyrir að fara hjá ítalanum frekar
en öðrum innfæddum en þrátt fyrir
að hann vissi að ég talaði enga
ítölsku bablaði hann meirihluta leið-
arinnarog hló þess á milli. Það varþó
gott að einhver skemmti sér á leið-
inni. Enskumælandi ítali ersvosjald-
gæfur að réttast væri að heiðra við-
komandi með því að stoppa hann
upp þegar dagar hans eru taldir.
Á leiðarenda varég 100.000 lírum
fátækari (3.900 kr.) en þrátt fyrir
miklar tafir var klukkan nákvæmlega
hálf tólf þegar við renndum í hlaðið.
Það var ekki heiglum hent að komast
inn á æfingasvæðið því það var
rammgirt og sérútbúin myndavél
festi alla áfilmu sem óskuðu eftir inn-
göngu. Eftirað hafa borið upperindið
var Ijóst að blaðafulltrúinn var ekki á
staðnum og ekki væntanlegur. Síðar
kom í Ijós að hann hafði ekkertgerttil
þess að útvega viðtal við Gullit og því
ekki um annað að ræða en að bjarga
sér sjálfur. Veðrið var eins og best
Þrír efstu menn í kjöri knattspyrnumanns Evrópu 1988. Hollendingarnir þrír í
liði AC Milan. Þrír af bestu knattspyrnumönnum heims, Gullit, Rijkaard og
Van Basten.
8