Fréttablaðið - 11.07.2020, Qupperneq 45

Þarna erum við að
stíga skref með
íslenskum bændum til
að minnka umhverfis-
fótspor landbúnaðar.
Jóhannes Baldvin Jónsson
Áhersla Líflands er á fóður­framleiðslu og markaðs­setningu á fóðri og annarri
rekstrarvöru fyrir bændur. Auk
þess er Lífland starfandi á smá­
sölusviði og selur meðal annars
allt fyrir hestamanninn, hvers
kyns útivistarvörur og vörur fyrir
gæludýraeigendur.
„Kjarnastarfsemi Líflands er
framleiðsla á kjarnfóðri. Við erum
að þjónusta stóran hluta markað­
arins hér heima. Fóðurverksmiðj­
an okkar á Grundartanga var sett á
laggirnar árið 2010 og er tækni­
lega vel búin. Við framleiðum þar
og dreifum kjarnfóðri fyrir allar
helstu búfjártegundir sem hér
eru aldar. Til viðbótar má nefna
að Lífland starfrækir jafnframt
einu hveitimyllu landsins undir
merkjum Kornax sem Íslendingar
þekkja vel,“ segir Jóhannes Baldvin
Jónsson deildarstjóri ráðgjafar og
vöruþróunar hjá Líflandi.
„Við leggjum líka áherslu á
þekkingarmiðaða þjónustu við
landbúnaðinn og höfum beitt
okkur með vísindalegum hætti í
starfi okkar og erum í samstarfi
við hollenska ráðgjafarfyrirtækið
Trouw Nutrition.“
Jóhannes segir að Lífland hafi
verið fyrst íslenskra fóðurfyrir­
tækja til að bjóða upp á fóðuráætl­
anir sem unnar eru í samvinnu við
bændur og byggðar á niðurstöðum
heysýna.
„Sýnin eru tekin úr gróffóðri
bændanna en við ráðleggjum þeim
með hliðsjón af sýnunum, til þess
að hámarka skilvirkni og nýtingu
allra aðfanga,“ útskýrir hann.
„Það er leiðarljós okkar og hefur
verið síðustu ár, að hámarka arð
bænda með því að bæta og auka
sem best nýtingu þeirra fóðurefna
sem til falla á bæjunum, en ekki
síst að þeir fái sem mest út úr því
kjarnfóðri sem við leggjum til.“
Lausn sem dregur úr
metanlosun jórturdýra
Nýverið kom Lífland með á
markað nýja lausn sem heitir
Vistbót. Fyrirtækið hefur verið í
samstarfi við erlendan aðila við
að koma henni inn á íslenskan
markað.
„Þetta er lausn sem dregur úr
metanlosun frá jórturdýrum um
10%. Metan er öflug gróðurhúsa­
lofttegund þannig að þarna erum
við að stíga skref með íslenskum
bændum til að minnka umhverfis­
fótspor landbúnaðar,“ segir
Jóhannes.
„Þessi vara hefur líka þann kost
að hún getur aukið nýtingu fóðurs
um 6%, þannig að það er ekki bara
verið að draga úr metanlosun, það
er líka verið að auka nýtingu gróf­
fóðurs. Það er okkar hugmynda­
fræði, að auka skilvirkni og bæta
nýtingu.“
Alltaf að nást meiri árangur
Lífland hefur einnig unnið að
ýmsu fleiru tengdu því að bæta
nýtingu aðfanga. Fyrirtækið býður
til dæmis upp á íblöndunarefni í
vothey sem bætir varðveislu þess
og eykur fóðurgæðin.
„Við erum jafnframt stærsti
innflytjandi sáðvöru fyrir íslenska
bændur, það er að segja sáðkorns
og grasfræja. Við erum í nánu
Lífland leggur áherslu á
þekkingarmiðaða þjónustu
Lífland byggir á grunni Mjólkurfélags Reykjavíkur sem stofnað var árið 1917 og hefur því þjónu-
stað íslenska bændur í 103 ár. Lífland kom bætiefni á markað fyrir skemmstu sem dregur úr
metanlosun, en fyrirtækið hefur einnig fengið lífræna vottun fyrir meðhöndlun á fóðurvöru.
Jóhannes Baldvin Jónsson segir Lífland hafa það að leiðarljósi að hámarka arð bænda, með því að bæta nýtingu fóðurefna. FRÉTTABLAÐIÐ/SIGTRYGGUR ARI
Gunnar Á. Gunnarsson framkvæmdastjóri Túns, afhendir Þóri Haraldssyni forstjóra Líflands, lífrænt vottunarskjal.
Vistbót er ný
metan-minnk-
andi lausn frá
Líflandi.
samstarfi bæði við Landbúnaðar­
háskólann hérna heima og erlenda
aðila og fylgjumst með því sem er
að gerast í kynbótum og nýjung­
um á þessum markaði. Það eru
stöðugar erfðaframfarir í helstu
tegundum sem hér eru ræktaðar
og alltaf að nást meiri árangur með
uppskerumagn og fóðurgildi,“
segir Jóhannes.
Vottun fyrir meðhöndlun
á lífrænu fóðri
Lífland hlaut nýlega vottun frá
Vottunarstofunni Túni fyrir með­
höndlun á lífrænt vottaðri fóður­
vöru. „Við erum í dag innflytjandi
að lífrænt vottuðu fóðri bæði
frá Hollandi og Danmörku. Við
höfum lagt heilmikla rækt við það
undanfarin ár að þjónusta lífræna
geirann vel varðandi lífrænt vott­
aða fóðurvöru og höfum verið að
stíga fleiri skref í átt að því að það
sé gulltryggt að allir angar þeirrar
keðju séu samkvæmt lífrænum
stöðlum. Vottunin var í raun
bara staðfesting á því,“ útskýrir
Jóhannes og bætir við að mögu­
leikarnir á framleiðslu á lífrænt
vottaðri fóðurvöru standi opnir.
Hann telur þó að það verði ekki
á næstunni því markaðurinn er
smár og því hefur hingað til verið
rökrétt að flytja vöruna inn.
KYNNINGARBLAÐ 7 L AU G A R DAG U R 1 1 . J Ú L Í 2 0 2 0 ÍSLENSKT – GJÖRIÐ SVO VEL