Fréttablaðið - 11.07.2020, Síða 48

Elín
Albertsdóttir
elin@frettabladid.is
Þegar sólin skín eru fæstir í stuði fyrir þungar rjómasósur og mikið meðlæti. Best er að
hafa matinn einfaldan, hollan og
góðan. Hér koma nokkrar góðar
hugmyndir.
Grillaður aspargus með
parmesan-osti
Ferskur aspargus er sérlega góður.
Hann getur verið skemmtilegur
forréttur, eða sem meðlæti með
kjöti.
Það sem þarf:
1 búnt ferskur aspargus
1 sítróna, skorin til helminga
Salt, sykur og sítróna í suðu-
vatnið
Parmesan-ostur
Ólífuolía
Salt og pipar
Graskersfræ
Skerið 2-3 cm neðst af aspargus-
inum, þar sem hann er harðastur,
Stundum er hægt að brjóta hann
auðveldlega frá. Skrælið síðan
aðeins neðsta lagið á stilknum
með kartöf luskrælara. Sjóðið
vatn og setjið út í það smávegis
salt, sykur og sítrónusafa. Setjið
aspargusinn út í og sjóðið í 2-3
mínútur. Stöðvið suðuna með
því að setja hann beint í ísvatn.
Þerrið og setjið á heitt grill þar
til hann fær fallegar grillrendur,
einungis smástund. Grillið hálfa
sítrónu með aspargusinum og
berið fram með honum.
Ristið graskersfræin á þurri
pönnu. Raðið aspargusinum
á fat og stráið fræjunum yfir
ásamt parmesan-osti. Sneiðið
ostinn með ostahníf. Sumir setja
hvítlauksolíu yfir aspargusinn,
eða balsamsíróp og það má vel
gera það, allt eftir smekk hvers
og eins.
Grillað „entrecote“
Gott, grillað nautakjöt skapar
veislu. Með kjötinu er borið fram
salat með grilluðum perum og
gorg onzola-osti. Uppskriftin mið-
ast við fjóra.
4 sneiðar gott „entrecote“
Salt og nýmalaður pipar
Kartöflur ef fólk vill, annars er
ágætt að hafa bara salat
Grillréttir sem bragðast vel
Nú er grilltíminn og um að gera að matbúa eitthvað spennandi á góðviðrisdögum. Réttirnir þurfa
ekki að vera flóknir. Einfaldir réttir eru oft bestir, t.d. að grilla grænmeti og ávexti með kjötinu.
Grillaður aspargus er einstaklega
góður réttur sem auðvelt er að gera.
Gott nautakjöt með nýju og fersku salati er í miklu uppáhaldi hjá mörgum.
Þetta salat
með perum og
gorg onzola-osti
passar mjög vel
með nauta-
steik.
Salat
Klettasalat eða blandað salat
2 perur
100 g gorgonzola-ostur
Nokkrar valhnetur
Fersk basilíka
Balsam-edik
3 msk. balsamsíróp
6 msk. ólífuolía
Salt og pipar
Ef þú vilt bjóða upp á kartöflur
skal velja fallegar, miðlungsstórar
og sjóða þær í tíu mínútur. Þá eru
þær skornar til helminga og settar
á grillspjót og síðan grillaðar þar til
þær fá fallegan lit. Saltið yfir þær.
Setjið salatið á disk. Skerið perur
í þunnar sneiðar og raðið yfir
salatið. Það er gott að grilla sneið-
arnar augnablik á grillinu áður.
Setjið bita af gorgonzola hér og þar.
Ristið hneturnar á þurri pönnu og
dreifið yfir ásamt basilblöðum.
Hrærið allt saman sem á að fara
í dressinguna og smakkið til með
salti og pipar.
Penslið kjötið með olíu og
bragðbætið með salti og pipar.
Grillið á góðum hita í 2-3 mínútur
á hvorri hlið. Látið kjötið hvíla í
tíu mínútur áður en það er borið
á borð. Dreifið balsamediki yfir
kjötið.
Grillaðar nektarínur
Grillaðar nektarínur eru frábær
eftirréttur. Í þessari uppskrift eru
þær bornar fram með klettasalati
og parmaskinku, sem getur gert
réttinn að forrétti líka. Það má
alveg breyta, þannig að grillaðar
nektarínur séu bornar fram með ís
eða rjóma.
3 nektarínur, skornar í fjóra
hluta hver
6 sneiðar parmaskinka
12 basilblöð
12 tannstönglar
Dressing
3 msk. jómfrúarolía
1 msk. hindberjaedik
2 tsk. fljótandi hunang
½ tsk. cummin
Salt og pipar
Þeytið allt saman sem á að fara í
dressinguna.
Skerið nektarínur og fjarlægið
steininn. Grillið á miðlungshita
í nokkrar mínútur á hvorri hlið.
Það er hægt að rúlla skinkunni
yfir nektarínuna þegar hún hefur
verið grilluð og festa með tann-
stöngli og basil. Skinkusneiðinni
er deilt í tvo hluta eftir endilöngu.
Líka má raða þessu öllu fallega
á disk. Berið fram með dress-
ingunni.FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
HLEÐSLUSTÖÐVAR
Veglegt sérblað Fréttablaðsins um hleðslustöðvar
kemur út föstudaginn 17. júlí.
Tryggðu þér gott auglýsingapláss
í langmest lesna dagblaði landsins.
Nánari upplýsingar um blaðið veitir
Arnar Magnússon, sölu- og markaðsfulltrúi Fréttablaðsins.
Sími 550 5652 / arnarm@frettabladid.is
6 KYNNINGARBLAÐ FÓLK 1 1 . J Ú L Í 2 0 2 0 L AU G A R DAG U R