Morgunblaðið - 06.02.2020, Page 26

26 FRÉTTIRInnlent
MORGUNBLAÐIÐ FIMMTUDAGUR 6. FEBRÚAR 2020
BAKSVIÐ
Sigtryggur Sigtryggsson
sisi@mbl.is
Áhrif breikkunar Vesturlandsvegar
á Kjalarnesi á umferðaröryggi eru
metin verulega jákvæð í nýrri frum-
matsskýrslu sem verkfræðistofan
Efla hefur unnið fyrir Vegagerðina.
Skýrslan verður birt á vef Skipu-
lagsstofnunar, þar sem almenn-
ingur getur kynnt sér hana.
Eins og margoft hefur komið
fram í fréttum áformar Vegagerðin
breikkun Vesturlandsvegar á níu
kílómetra kafla milli Varmhóla í
Kollafirði og vegamóta við Hval-
fjarðarveg.
Þá er eftir fimm kílómetra kafli
frá Varmhólum að sveitarfélaga-
mörkum Reykjavíkur og Mosfells-
bæjar við Leirvogsá. Tvöföldun
vegarins á þessum kafla er ekki á
dagskrá, samkvæmt upplýsingum
Vegagerðarinnar. Ástæðan er sú að
samkvæmt umferðarspám mun fyr-
irhuguð Sundabraut taka við meg-
inhluta umferðarinnar til höfuð-
borgarinnar, en brautin á einmitt
að koma á brú yfir Kollafjörð við
Varmhóla. Sundabrautin er hins
vegar ekki komin á dagskrá og alls
óvíst hvort hún verður lögð og þá
hvenær.
Í skýrslu um Sundabraut
(Hreinsnefndin), sem kom út í
fyrra, kemur fram í fylgiskjali Eflu
að eftir tilkomu Sundabrautar verði
umferð um Kollafjörð mjög lítil og
núverandi vegur þar nægjanlegur.
Því er spáð að með tilkomu Sunda-
brautar muni 12.000 færri bílar fara
um Mosfellsbæ á hverjum sólar-
hring.
Að stærstum hluta 2+1-vegur
Með breikkun Vesturlandsvegar
á Kjalarnesi verður hann að stærst-
um hluta 2+1-vegur. Á þeim kafla
sem um ræðir eru tæplega 30 vega-
mót, tengingar og þveranir auk
þess sem umferðin er öll á 1+1-vegi
án aðskilnaðar akstursstefna. Að
meðaltali fara rúmlega níu þúsund
ökutæki um veginn á degi hverjum.
Umferð hefur aukist mikið og árið
2018 urðu tvö banaslys á vegkafl-
anum sem til stendur að breikka.
Bæði banaslysin urðu með þeim
hætti að bílar sem mættust skullu
saman. Því er talið mikilvægt að að-
skilja akstursstefnur til að lág-
marka hættu á framanákeyrslum en
slík slys eru næstalgengasta tegund
alvarlegra slysa og banaslysa á Ís-
landi.
Aðskilnaður akstursstefna, fjölg-
un akreina í sömu átt, fækkun veg-
tenginga og bygging hringtorga eru
allt aðgerðir sem draga úr líkum á
umferðarslysum, segir Efla. Sama
gildir um uppbyggingu hliðarvega
og undirganga undir Vesturlands-
veg fyrir innansveitarumferð og
aðra en akandi vegfarendur. Áhrif á
umferðaröryggi eru metin verulega
jákvæð.
Að mati Eflu mun framkvæmdin
hafa í för með sér varanleg áhrif á
landnotkun þess svæðis sem fer
undir breikkun Vesturlandsvegar
og hliðarvegi. Áhrifin eru að mestu
óafturkræf. Svæðið sem verður fyr-
ir áhrifum er að stórum hluta innan
veghelgunarsvæðis núverandi Vest-
urlandsvegar og hliðarvegir sem
eru fyrir utan það svæði eru að
miklu leyti nú þegar fyrir hendi.
Vegurinn mun liggja um opin svæði
og landbúnaðarland sem er ein-
kennandi fyrir svæðið í heild. Hefð-
bundinn landbúnaður hefur verið á
undanhaldi á Kjalarnesi og því ekki
um að ræða land sem hefur mikið
gildi sem landbúnaðarland. Áhrif á
landnotkun eru metin óverulega
neikvæð.
Ekki breikkað í Kollafirðinum
 Áhrif breikkunar Vesturlandsvegar á Kjalarnesi á umferðaröryggi eru metin verulega jákvæð
 Reiknað er með að Sundabraut taki við meginhluta umferðar sem annars færi um Kollafjörð
Morgunblaðið/Sigurður Bogi
H
va
lfja
rða
rve
gu
r
Grunnkort/Loftmyndir ehf.
Breikkun
Vesturlandsvegar
Mosfellsbær
Esja
Blikdalur
Grundarhverfi
Hofsvík
Vesturlandsvegur
verður áfram ein
akrein í hvora aksturs-
átt á 5 km kafl a frá
Mosfellsbæ um Esju-
mela að Varmhólum
Fyrirhugað er að breikka
Vesturlandsveg á um 9 km
kafl a milli Varmhóla og
vegamóta Hvalfjarðarvegar
Um er að ræða breikkun
í 2+1 -veg ásamt gerð
þriggja hringtorga
Möguleg lega Sundabrautar
frá Vesturlandsvegi við Varmhóla
og yfi r Kollafjörð í átt til Reykjavíkur
Áætlað er að með tilkomu Sundabrautar muni
umferð á Vesturlandsvegi um Esjumela minnka
Kollafjörður
Hvalfjörður
Geldinganes
Álfsn
es
Esju-
melar
Varm-
hólar
K
J
A
L
A
R
N
ES
Kollafjörður Ekki stendur til að breikka Vesturlandsveginn þarna og framkvæmdin er ekki í samgönguáætlun. Fimm kílómetra kafli verður áfram ein-
breiður.
Núverandi breidd Vesturlands-
vegar er um 10 metrar en eftir
breikkun verður hún 22-29
metrar. Vegurinn verður því
breikkaður að jafnaði um 12-
19 metra en ætla má að um
10-13 hektara svæði fari undir
breikkun vegarins, þ.e. mið-
deili, akbrautir og axlir.
Tilraunaboranir hafa sýnt að
með breikunn samhliða eldri
vegi myndi stór hluti nýrra
vegkafla fara yfir mýrarsvæði
sem mun síga. Því verður nýr
vegur á nokkrum stöðum
færður fjær eldri vegi. Á móti
mjókkar svæðið milli Vestur-
landsvegar og hliðarvega.
Deiliskipulagið gerir ráð fyr-
ir 2+2-vegi til framtíðar nema
á tæplega kílómetra löngum
kafla á móts við Grundar-
hverfi. Þar er 1+1-vegur í deili-
skipulagi og ekki var gert ráð
fyrir vegriði milli aksturs-
stefna. Nú er hins vegar gert
ráð fyrir að breikka veginn til
að koma fyrir vegriði milli ak-
reina. Við nánari útfærslu eftir
gerð deiliskipulags er áætlað
að breikka veginn á öllum
framkvæmdarkaflanum en
mismikið eftir svæðum. Í
norðurátt verða þrír kaflar
með tveimur akreinum, hver
kafli um 1,4 km langur.
Breikkar um
12-19 metra
HÖNNUN VEGARINS
Morgunblaðið/Eggert
Umferðarslys Mörg óhöpp og
slys hafa orðið á veginum.
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646