Morgunblaðið - 28.03.2020, Blaðsíða 4

4
MORGUNBLAÐIÐ LAUGARDAGUR 28. MARS 2020
Vertu með í
páskaleik Góu
á goa is!.
Blaðamannafélag Íslands
Aðalfundur BÍ 2020
Fimmtudaginn 30. apríl kl. 20.00 í Síðumúla 23
Aðalfundur Blaðamannafélags Íslands árið 2020 verður
haldinn fimmtudaginn 30. apríl n.k. að Síðumúla 23,
3. hæð, 108 Reykjavík þar sem félagið er til húsa og
hefst fundurinn stundvíslega kl. 20.00
BÍ-félagar eru hvattir til að mæta
*Framboð til formanns BÍ þarf að berast skrifstofu BÍ ekki
síðar en tveimur vikum fyrir boðaðan aðalfund.
Ath.: Athygli er vakin á að vegna
veirunnar, covid-19, og röskunar af hennar
völdum, gæti komið til frestunar fundarins.
Dagskrá:
Venjuleg aðalfundarstörf
Skýrslur frá starfsnefndum
Kosningar*
Lagabreytingar
Önnur mál
KÓRÓNUVEIRUFARALDUR
Helgi Bjarnason
Erla María Markúsdóttir
Þorgerður Anna Gunnarsdóttir
Sóttvarnalæknir segir að heil-
brigðisyfirvöld þurfi að halda að-
gerðum sínum áfram til að draga
úr smiti kórónuveirunnar. Alls óvíst
sé hvort samkomubanni verði aflétt
13. apríl þegar það á að renna út.
„Ég bið landsmenn um að búa sig
undir að samkomubannið muni
standa lengur, en það mun skýrast
betur á næstu dögum,“ sagði Þór-
ólfur Guðnason á upplýsingafundi
almannavarna í gær.
Fjórar vikur voru í gær liðnar
frá því að fyrsta kórónuveirusmitið
greindist hér á landi og kvaðst Þór-
ólfur ætla að við værum nú hálfnuð
í langhlaupinu. Faraldurinn væri
enn í vexti og hápunktinum ekki
náð. „Við getum búist við að sjá
aukningu á greindum tilfellum en
vonandi mun það fylgja þeirri spá
sem hefur verið gefin út.“ Gat sótt-
varnalæknir þess þó að miðað við
innlagnir á gjörgæslu væru Íslend-
ingar að feta verstu spána í spá-
líkani íslensku vísindamannanna en
bestu spána miðað við fjölda
greindra.
Greindi sóttvarnalæknir frá því
að 18 sjúklingar væru á Land-
spítalanum, þar af sex í öndunarvél
á gjörgæslu.
„Ég vil aftur minna á að þetta er
langhlaup og við eigum langt í
land,“ sagði Þórólfur en leyfði sér
að fullyrða að faraldrinum gæti lok-
ið í maí.
Fossvogur undirlagður
Greind hafa verið liðlega 13.600
sýni, eða af um 4% þjóðarinnar, og
hafa alls 890 greinst með kórónu-
veiruna hérlendis. Fjölgaði greind-
um á síðasta sólarhring um 88.
Alma D. Möller landlæknir sagði
á fundinum að fylgst væri vel með
þeim sem væru smitaðir. „Þeir sem
verða alvarlega veikir fá lungna-
bólgu, finna fyrst fyrir þreytu og
andþyngslum. Súrefnismettun
lækkar og þá þarf að gefa súrefni,
eða setja fólk í öndunarvél,“ segir
Alma.
Álagið er að aukast í Fossvogi,
að sögn Ölmu. Hún segir að yfir-
völd séu að búa sig undir verstu
sviðsmynd. Landspítalinn í Foss-
vogi verði lagður undir fólk sem
veikst hafi af kórónuveikinni og
aðrar stofnanir taki þá við sjúkling-
um þaðan, meðal annars sjúkra-
stofnanir á höfuðborgarsvæðinu og
í nágrenni þess. Hún segir að
Orkuhúsið sé ekki í notkun og
standi til boða, sem og einkarekna
sjúkrahúsið Klíníkin. Þá sé Sjúkra-
húsið á Akureyri tilbúið með sína
áætlun.
Alma var spurð að því á fund-
inum hvernig alvarlega veikt fólk af
kórónuveirunni væri flutt af lands-
byggðinni á Landspítalann, hvort
það væri með sjúkraflugvélum Mý-
flugs eða þyrlum Landhelgisgæsl-
unnar. Hún svaraði því til að fólkið
yrði flutt í flugvélum í sérstökum
hylkjum til að verjast kórónusmiti.
Slík hylki væru til og til stæði að
fjölga þeim.
Með ljóta hárgreiðslu
Víðir Reynisson yfirlögreglu-
þjónn lauk upplýsingafundinum
með ítrekun á mikilvægi þess að
farið væri eftir reglum um sam-
komubann. Gat þess að borist hefðu
ábendingar um að hárgreiðslustof-
ur sem bar að loka í kjölfar herts
samkomubanns hefðu sumar hverj-
ar fært starfsemi sína í heimahús.
„Það er ekki að ástæðulausu að
við settum þetta bann á. Það er
ekkert hættuminna að gera þetta
heima hjá sér heldur en á hár-
greiðslustofum. Við verðum bara að
vera með ljóta hárgreiðslu næstu
vikurnar. Við verðum að lifa með
því,“ sagði Víðir.
Hann sagði einnig dæmi um að
sótt væri um undanþágur frá sam-
komubanni fyrir viðburði og starf-
semi sem mætti alveg bíða. „Þetta
samkomubann og þessar takmark-
anir eru settar með þeim tilgangi
að vernda líf.“
Fjöldi eftir landshlutum
Óstaðsett 13 1.927
Útlönd 0 1
Austurland 3 174
Höfuðborgarsvæði 686 4.965
Suðurnes 41 459
Norðurland vestra 17 403
Norðurland eystra 16 447
Suðurland 100 1.115
Vestfirðir 2 219
Vesturland 12 299
Smit
Sóttkví
Uppruni smits
Innanlands Erlendis
Óþekktur
62%
8%
30%13.613
sýni hafa
verið tekin
97 einstaklingar hafa náð bata
3.209 hafa lokið sóttkví
18 eru á sjúkrahúsi
2 einstaklingar eru látnir
6 á gjör-gæslu
791 manns eru í einangrun
Fjöldi staðfestra smita frá 28. febrúar
28.2. 29.2. 1.3. 2.3. 3.3. 4.3. 5.3. 6.3. 7.3. 8.3. 9.3. 10.3. 11.3. 12.3 13.3. 14.3. 15.3. 16.3. 17.3. 18.3. 19.3. 20.3. 21.3. 22.3. 23.3. 24.3. 25.3. 26.3.
Upplýsingar eru fengnar af
covid.is og landspitali.is
890 smit voru staðfest
í gær kl. 13.00
10.009 hafa verið settir í sóttkví
800
700
600
500
400
300
200
100
890
Á von á lengra samkomubanni
 Fjórar vikur liðnar frá fyrsta kórónusmiti  Álagið er að aukast á Landspítala  Þar eru sex sjúk-
lingar í öndunarvélum á gjörgæslu  Sóttvarnalæknir segir að langhlaupið sé hálfnað en því ljúki í maí
Ljósmynd/Lögreglan
Upplýsingafundur Sigríður Björk Guðjónsdóttir ríkislögreglustjóri veitti upplýsingar í gær ásamt Ölmu D. Möller
landlækni, Þórólfi Guðnasyni sóttvarnalækni og Víði Reynissyni, yfirlögregluþjóni hjá almannavarnadeild.
Allt um sjávarútveg
Síðdegis í gær eins og á anna-
tímum undanfarna daga mátti sjá
biðraðir fólks fyrir utan nokkrar
vínbúðir í Reykjavík og nágrenni.
Ástæðan er sú að vegna kórónu-
veirufaraldursins má aðeins hleypa
20 viðskiptavinum inn í búðirnar í
senn. Það er gert til að draga úr
líkum á smiti.
Afgreiðslan í búðunum hefur þó
yfirleitt gengið hratt fyrir sig og
dvölin í biðröðunum ekki verið
löng.
Fjöldatakmarkanir gilda einnig í
öðrum verslunum en eftir því sem
best er vitað hafa viðskiptin yfir-
leitt gengið snurðulaust fyrir sig.
Morgunblaðið/Kristinn Magnússon
Vínbúð Biðröð við verslunina í Skeifunni.
Biðraðir mynduðust
við vínbúðir í gær
„Ég vil ítreka það að líf eru í
húfi. Það liggur mikið við að
reglur sóttvarnalæknis séu
virtar,“ sagði Sigríður Björk
Guðjónsdóttir ríkislögreglu-
stjóri á upplýsingafundinum
þegar hún fjallaði um viðmið-
unarfjárhæðir sekta vegna
brota á lögum um samkomu-
bann og sóttkví vegna kórónu-
veirunnar.
Lögreglan hefur fengið
ábendingar um brot á sam-
komubanni en þær hafa í mörg-
um tilvikum ekki átt við rök að
styðjast. Bætti Sigríður því við
að lögreglan vildi gjarnan nýta
krafta sína í annað.
Ríkissaksóknari hefur sent
út fyrirmæli um viðmiðunar-
fjárhæðir sekta fyrir brot á
sóttvarnalögum og samkomu-
banni. Sekta skal þá sem brjóta
gegn sóttkví um 50 til 250
þúsund krónur eftir alvarleika
brots og fyrir brot gegn reglum
um einangrun um 150 til 500
þúsund. Sá sem skipuleggur
samkomu í andstöðu við sam-
komubann getur átt á hættu
250 til 500 þúsund kr. sekt og
sá sem sækir slíka samkomu
50 þúsund kr. sekt. Tilkynna
ber alvarleg brot, til dæmis
gegn reglum um einangrun, til
héraðssaksóknara, sem metur
hvort ákæra eigi viðkomandi.
Sektað og
ákært fyrir
brot á reglum
RÍKISSAKSÓKNARI