Fjölrit RALA - 20.03.1980, Qupperneq 8

4
að markmiði að kanna áhrif áburðar (N, P, K) á uppskeru og gróðurfar ýmissa
helstu gróðurlenda landsins, og hvert væri hagkvæmasta magn og hlutföll
áburðar. Borin var saman áburðardreifing hvert ár og annað hvert ár og
fylgst með eftirverkun af áburði, sem aðeins var borinn á tvö ár í röð.
Upplýsingar um niðurstöur tilraunanna hafa komið fram nókkuð víða
síðan tilraunirnar hófust, bæði í rituðu máli og á fundum, en hvergi þó í
heild. Meðal ritaðra heimilda má nefna grein í Frey (Andrés Arnalds 1975)
og tvær óbirtar prófritgerðir (Andrés Arnalds 1971 og 1974).
Tilraunir þessar hafa að því leyti sérstöðu umfram áburðartilraunir
á ræktuðu landi, að þær eru allar gerðar á óhreyfðu og áður óábornu landi.
Þær gefa því sanna mynd að frjósemi landsins og áburðarþörf.
Framsetning niðurstaðna í fjölriti þessu er tvískipt (fjallð er um 28
tilraunir). í fyrri hlutanum er gerð grein fyrir áhrifum áburðarins á upp-
skeru og gróðurfar á einstökum tilraunastöðum. í síðari hlutanum er svo
greint frá áhrifum áburðarins eingöngu á gróðurfar. Segja má að fjölritið
hafi að nokkru orðið til sem millistig í úrvinnslu gagna úr áburðartilraunum,
en síðar meir er svo ætlunin að birta heildaryfirlit um þessar tilraunir.