Fjölrit RALA - 20.03.1980, Page 52

48 -
KVISTLENDI.
(Efri-Miðbær í Norðfirðiy S.-MÚl.)
Tilraunin stóð frá 1969 til 1973 eða í fimm ár, en uppskera var aðeins
mæld 1970. Gróðurgreining var gerð þrisvar. Tilraunaskipulag var samkvæmt
flokki II (sjá bls. 12)..
Tilraunin var á lyngmóa í nókkrum halla (S) í um 60 m hæð. Snjóþyngsli
eru mikil á vetrum, og ber gróðurfarið merki þess. Bláberjalyng er með
28% þekju, grös 22% og mosi 23%. Af helstu fylgitegundum má nefna víði og
blóðberg (sjá nánar bls. 9 )..
Uppskerumæling var aðeins gerð 1970 eða á öðru áburðarári. Þá var
uppskera jurta í óábornum reitum 1.6, en í þeim ábomu (85N-38P) 15 hest-
burðir á hektara. Uppskera lyngsins var ekki mæld.
Við áburðinn jókst þekja grasa í 62% á öðru ári, en var á fimmta ári
72% í reitum, sem borið var á annað hvert ár (85N-38P), og 93% í reitum, sem
borið var á árlega (100N-44P). Mosi var að mestu horfinn á öðru ári í ábornu
reitunum. Hlutdeild runna minnkaði fremur lítið fyrstu tvö árin og mátti
jafnvel merkja, að áburðurinn örvaði vöxt lyngsins. Á fimmta ári hafði
hlutdeild lyngsins hins vegar minnkað mikið í þeim reitum, sem borið var á
annað hvert ár, og lyngið var þá að mestu horfið úr reitum, sem borið var á
árlega.
Hlutdeild runna var aðeins farin að aukast aftur á þriðja ári eftir-
verkunar tveggja ára áburaðrgjafar, en gróðurinn virtist breytast hægt í
fyrra horf.