Fjölrit RALA - 20.03.1980, Qupperneq 106

102
K
Y F I R L I T.
í þessum síöari hluta ritsins er fjallað um áhrif áburðar á gróður-
far í úthaga. Gerð er grein fyrir gróðurþekju, fjölda tegunda og hlut
einstakra tegunda í gróðurþekjunni.
Tilraunirnar voru friðaðar yfir sumartímann og sumar allt árið.
Friðunin ein dugði yfirleitt ekki til þess að gróðurlítið land greri
upp á tilraunatímanum. Það greri hins vegar upp á fáum árum við reglu-
lega áburðargjöf, væri það.ekki alveg gróðurlaust í upphafi.
Tegundum fækkaðivið áburðargjöf hvarvetna á láglendi, en ekki að
ráði á fjöllum. Friðun ein sér breytti litlu. Tegundum fækkaðiúr 16 í
13 við áburð annað hvert ár og í 9 við árlega áburðargjöf að meðaltali
allra tilra\ma.
Gerð er grein fyrir viðbrögðum 28 tegunda eða tegundahópa við
áburðargjöf og friðun. Þar eru grös meðtalin, en þau voru öll metin
saman. Svo var og um votlendisstarir og skúfgrös. Auk þessa fundust
að minnsta kosti 30 tegundir svo strjálar og sjaldséðar, að ekki þótti
gefa ástæðu til sérstakrar umfjöllunar.
Grös nutu öðrura tegundum fremur góðs af áburðargjöf. Þau náðu
helmingi af gróðurþekju eða meira við áburð annað hvert ár á lang-
flestum stöðum og urðu næstum einráð við árlega áburðargjöf. Allar
aðrar tegundir urðu að þoka, þótt mismikið væri. Nokkrar tegundir náðu
að breiðast út í illa gróið land á undan grösum, en það stóð ekki lengi.
Nokkrar blómjurtir, fjalldrapi og elftingar breiddust verulega út við
friðun. Við eftirverkun tveggja ára áburðargjafar gáfu grös eftir unnið
land. Öðrum tegundum gekk mjög misvel að ná fyrri þekju. Nokkrar blóm-
jurtir og runnar, svo og fléttur, breiddust nær ekkert út.