Fjölrit RALA - 15.02.1995, Page 39

Áhrif sláttar
37
Að lokum skal þess getið að niðurstöður þessar geta nýst til að meta hvenær best er
að slá lúpínuna til að draga úr vexti hennar. Það getur komið sér vel á svæðum þar
sem reynt er að halda lúpínunni niðri eða losna við hana. Þessari aðferð hefur þegar
verið beitt í þjóðgarðinum í Skaftafelli. Þar fór slátturinn fram í byrjun júlí 1992, og
virðast áhrifin ætla að verða í samræmi við niðurstöður þessara rannsókna. Meirihluti
plantnanna sem slegnar voru komu ekki upp aftur sumarið 1993. Slátturinn kom hins
vegar ekki í veg fyrir endurnýjun lúpínunnar af fræforða (Guðrún Jónsdóttir, munn-
legar upplýsingar). Eigi sláttur að gefa varanlegan árangur þarf því að slá lúpínuna
áfram meðan fræforði endist í landi og gefur af sér nýjar plöntur.